(ភ្នំពេញ)៖ ដោយស្របទៅតាមបទប្បញ្ញត្តិ ស្តីពីសុវត្ថិភាពរបស់អាកាសចរណ៍ពិភពលោក អ៊ែរអេស៊ាបានធ្វើបច្ចុប្បន្នភាពលើ គោលការណ៍ប្រើប្រាស់ឧបករណ៍ថ្មជំនួយ (Power Bank) ដើម្បីពង្រឹងសុវត្ថិភាពលើជើងហោះហើរទាំងអស់។

ឥឡូវនេះ អ្នកដំណើរទាំងអស់អាចយកមកតាមខ្លួនបាន នូវឧបករណ៍ថ្មជំនួយដែលមានផ្ទុកថាមពលមិនលើសពី ១០០Wh វ៉ាត់ម៉ោងតែប៉ុណ្ណោះ។
ឧបករណ៍ថ្មជំនួយ ដែលមានផ្ទុកថាមពលក្នុងចន្លោះ ១០០Wh-១៦០Wh វ៉ាត់ម៉ោង តម្រូវឱ្យមានការយល់ព្រម ពីក្រុមហ៊ុនអាកាសចរណ៍ជាមុនសិននៅបញ្ជរពិនិត្យចុះឈ្មោះ។

ព័ត៌មានលម្អិតសូមពិនិត្យមើលគោលការណ៍សុវត្ថិភាពដូចខាងក្រោម៖

ទី១, ឧបករណ៍ថ្មជំនួយ (Power Bank) ត្រូវបានអនុញាត្តឱ្យដាក់ក្នុងហោប៉ៅកៅអី អង្គុយនៅខាងមុខ ឬនៅក្រោមកៅអីអង្គុយរបស់លោកអ្នក។
ឧបករណ៍ថ្មជំនួយ ត្រូវបានហាមឃាត់មិនឱ្យទុកនៅលើធ្នើរខាងលើកន្លែងអង្គុយ។
ទី២, ឧបករណ៍ថ្មជំនួយ ត្រូវបានហាមឃាត់មិនឱ្យប្រើប្រាស់កំឡុងពេលហោះហើរ។ ឧបករណ៍ថ្មជំនួយ ត្រូវបានហាមឃាត់ក្នុងការប្រើប្រាស់ដើម្បីសាកថ្មឧបករណ៍
អេឡិចត្រូនិចផ្សេងទៀតកំឡុងពេលហោះហើរ។

ទី៣, ឧបករណ៍ថ្មជំនួយ មិនត្រូវបានអនុញ្ញាតឲ្យដាក់នៅក្នុងអីវ៉ាន់ដាក់ផ្ញើនោះទេ៕