(ភ្នំពេញ)៖ ធនាគារ ព្រីនស៍ មានមោទកភាពដែលបានបញ្ចប់ព្រឹត្តិការណ៍ «ភូមិអាជីវករឆ្លាត៧១៨» យ៉ាងជោគជ័យ ដែលជាការតាំងពិព័រណ៌ពាណិជ្ជកម្មដ៏រស់រវើក និងបើកជាសាធារណៈរយៈពេលពីរថ្ងៃ គឺថ្ងៃទី១៩-២០ ខែកក្កដា ឆ្នាំ២០២៥ ដែលធ្វើឡើងនៅ Connexion កោះពេជ្រ។ ក្នុងនាមជាធនាគារដំបូងគេនៅកម្ពុជា ដែលបានរៀបចំពិព័រណ៍ពាណិជ្ជកម្មដ៏អស្ចារ្យនេះ ដើម្បីអបអរសាទរខួប១០ឆ្នាំរបស់ខ្លួន ដែលព្រឹត្តិការណ៍មួយនេះ បានទាក់ទាញអ្នកចូលរួមរាប់ពាន់នាក់ និងទទួលបានការគាំទ្រយ៉ាងច្រើនកុះករ ពីសាធារណជន ដៃគូ និងសហគមន៍អាជីវកម្មដែលកំពុងរីកចម្រើននៅកម្ពុជា។

ក្រោមប្រធានបទ «មួយទសវត្សនៃការលះបង់» ព្រឹត្តិការណ៍នេះ គឺជាការបង្ហាញពីការដឹងគុណយ៉ាងស្មោះស្ម័គ្រចំពោះអតិថិជន ដៃគូ និងសហគមន៍កម្ពុជាកាន់តែទូលំទូលាយសម្រាប់ការជឿទុកចិត្ត និងការគាំទ្រជាបន្តបន្ទាប់ ក្នុងរយៈពេលមួយទសវត្សកន្លងមកនេះ។ យើងបានសម្ពោធព្រឹត្តិការណ៍នេះជាផ្លូវការ និងពិសាភោជនាហារសាមគ្គីជាមួយដៃគូអាជីវកម្ម ដើម្បីថ្លែងអំណរគុណដៃគូអាជីវកម្មភាគីពាក់ព័ន្ធសំខាន់ៗ អ្នកឧបត្ថម្ភ និងមិត្តជិតស្និទ្ធិរបស់ធនាគារ ព្រីនស៍ នៅថ្ងៃសុក្រ ទី១៨ ខែកក្កដា ឆ្នាំ២០២៥ ត្រូវជាថ្ងៃដែលធនាគារ ព្រីនស៍ បានក្លាយជាធនាគារពាណិជ្ជកាលពីថ្ងៃទី១៨ ខែកក្កដា ឆ្នាំ២០១៨។

ក្នុងរយៈពេលពីរថ្ងៃនេះ បរិវេន Connexion ត្រូវបានផ្លាស់ប្តូរទៅជាទីផ្សារដ៏មមាញឹកមួយ ដែលមានស្តង់អាជីវកម្មរហូតដល់ជាង ១០០ស្តង់ មកពីវិស័យផ្សេងៗរួមទាំងម្ហូបអាហារ ផលិតផលក្នុងស្រុក ទេសចរណ៍ និងការកម្សាន្តជាដើម។ អ្នកចូលរួមទាំងអស់មិនត្រឹមតែបានស្វែងយល់ផលិតផល និងសេវាកម្មក្នុងស្រុកប៉ុណ្ណោះទេ តែក៏បានរីករាយនឹងភាពងាយស្រួលនៃការស្កេនទូទាត់តាម PRINCE KHQR ដែលជាប្រព័ន្ធទូទាត់ឌីជីថលប្រកប ដោយភាពច្នៃប្រឌិតរបស់ធនាគារ ព្រីនស៍ ដែលត្រូវបានរចនាឡើង ដើម្បីសម្រួលប្រតិបត្តិការសម្រាប់ទាំងអាជីវករ និងអតិថិជនជាពិសេស។

លោក Looi Kok Soon ប្រធាននាយកប្រតិបត្តិនៃធនាគារ ព្រីនស៍ បានមានប្រសាសន៍ថា «យើងសូមថ្លែងអំណរគុណយ៉ាងជ្រាលជ្រៅបំផុត ចំពោះអតិថិជន ដៃគូអាជីវកម្ម អ្នកឧបត្ថម្ភ និងអាជីវករឆ្លាតរបស់យើងទាំងអស់ ដែលបានចូលរួមធ្វើឱ្យព្រឹត្តិការណ៍នេះ ទទួលបានជោគជ័យយ៉ាងធំធេង។ ភូមិអាជីវករឆ្លាត៧១៨ បានបង្កប់នូវគុណតម្លៃស្នូលនៃការច្នៃប្រឌិត ការយកចិត្តទុកដាក់ និងសហគមន៍របស់យើង។ នេះជាភស្តុតាងនៃដំណើរវិវឌ្ឍន៍រយៈពេល ១០ឆ្នាំនេះរបស់ធនាគារ ព្រីនស៍ ហើយយើងពិតមានសេចក្តីរំភើបរីករាយក្នុងការបន្តរីកចម្រើន និងខិតខំបម្រើអតិថិជនឱ្យកាន់តែល្អប្រសើរ នៅឆ្នាំខាងមុខ»។

ធនាគារ ព្រីនស៍ មានមោទកភាពក្នុងការក្លាយជាធនាគារដំបូង និងតែមួយគត់នៅកម្ពុជា ដែលរៀបចំព្រឹត្តិការណ៍ខ្នាតយក្សនេះឡើង និងប្រព្រឹត្តិទៅយ៉ាងជោគជ័យ តាមរយៈការរួមបញ្ចូលគ្នានូវភាពជាសហគ្រិន ការច្នៃប្រឌិត និងការកម្សាន្ត។ ការប្រារព្ធព្រឹត្តិការណ៍នេះ បានឆ្លុះបញ្ចាំងពីការប្តេជ្ញាចិត្តរបស់ធនាគារ ក្នុងការបន្តផ្តល់អំណាចដល់អាជីវកម្មក្នុងស្រុក ការជំរុញសេវាកម្មហិរញ្ញវត្ថុឌីជីថល និងការពង្រឹងទំនាក់ទំនងក្នុងសហគមន៍។

ប្រសិនបើអ្នកមានចំណាប់អារម្មណ៍ ចង់ក្លាយជាអាជីវកររបស់យើងនៅក្នុងព្រឹត្តិការណ៍នាពេលខាងមុខ សូមទាក់ទងមកលេខ ១៨០០-២០-៨៨៨៨ (ឥតគិតថ្លៃ)។ ធនាគារ ព្រីនស៍ យើងប្រឹងប្រែងដើម្បីអ្នក!៕