(ភ្នំពេញ)៖ នៅពេលនិយាយអំពីការទិញរថយន្តថ្មី ភាគច្រើនអ្នកទិញ គឺមិនត្រឹមតែគិតអំពីតម្លៃដើមប៉ុណ្ណោះទេ ប៉ុន្តែពួកគេក៏គិតទៅដល់តម្លៃហាងឆេងលើទីផ្សារបន្ទាប់ពីប្រើប្រាស់រយៈពេលវែងផងដែរ ជាពិសេសគឺតម្លៃលក់ចេញបន្ត (resale value)។ កត្តាចម្បងត្រូវពិចារណាពេលទិញរថយន្តថ្មីមានដូចជា ភាពល្បីល្បាញនៃម៉ាកយីហោ, ទំនុកចិត្តទៅលើគុណភាពរថយន្ត, តម្លៃ និងការឌីស្សាញរថយន្តដែលបានដើរតួយ៉ាងសំខាន់ ក៏ប៉ុន្តែកត្តាសំខាន់មួយដែលមានឥទ្ធិពលខ្លាំងជាងនេះទៅទៀត នោះគឺមជ្ឈមណ្ឌលផ្នែកសេវាកម្មក្រោយពេលលក់។ សមត្ថភាពរបស់ម៉ាកយីហោនីមួយៗក្នុងការគាំទ្រទៅដល់អតិថិជនរបស់ខ្លួនលើការថែទាំនិងជួសជុល គឺជារឿងដ៏សំខាន់ចំពោះលក្ខខណ្ឌនៃការទិញរថយន្តថ្មីដែលមានឥទ្ធិពលខ្លាំងសម្រាប់អ្នកប្រើប្រាស់។

សេវាកម្មក្រោយពេលលក់ គឺរួមបញ្ចូលរឿងគ្រប់យ៉ាងដែលម្ចាស់រថយន្តនឹងទទួលបានជាបទពិសោធន៍ក្នុងអំឡុងពេលប្រើប្រាស់មានដូចជា ការគាំទ្រលើសេវាកម្មថែទាំនិងជួសជុល,ការផ្គត់ផ្គង់គ្រឿងបន្លាស់បានគ្រប់គ្រាន់, ការរ៉ាប់រងលើការធានា និងមានគុណភាពខ្ពស់លើផ្នែកសេវាកម្មអតិថិជន។ អ្នកទិញរថយន្តតែងតែយល់ថា ការក្លាយជាម្ចាស់រថយន្តថ្មីគឺមិនបានបញ្ចប់ត្រឹមការទិញរថយន្តប៉ុណ្ណោះទេ ប៉ុន្តែគឺជាការចាប់ផ្តើមនិងគិតគូរយ៉ាងម៉ត់ចត់អំពីលក្ខខណ្ឌក្នុងការថែទាំរថយន្តរបស់ខ្លួនរយៈពេលវែងជាមួយក្រុមហ៊ុន។ ម្យ៉ាងវិញទៀត ក្រុមហ៊ុនរថយន្តថ្មីដែលបានវិនិយោគខ្លាំងលើសេវាកម្មក្រោយពេលលក់បានយ៉ាងល្អ តែងតែធ្វើឱ្យតម្លៃលក់ចេញបន្តរបស់អ្នកប្រើប្រាស់មានស្ថេរភាព និង រក្សាតម្លៃបានខ្ពស់ជាងរថយន្តដែលទិញពីក្រុមហ៊ុនមិនមានមជ្ឈមណ្ឌលសេវាកម្មថែទាំត្រឹមត្រូវ។ នេះដោយសារតែ អ្នកទិញរថយន្តបន្តពីអ្នកប្រើប្រាស់ក៏បានគិតគូរពីទំនុកចិត្តលើក្រុមហ៊ុនដែលពួកគេបានស្គាល់ និងត្រូវការការគាំទ្រថែទាំដោយជាងបច្ចេកទេសនិង ការផ្គត់ផ្គង់គ្រឿងបន្លាស់ផងដែរ។

យ៉ាងណាមិញ ក្រុមហ៊ុនរថយន្តថ្មីដូចជា MG គឺជាគំរូដ៏ល្អដែលបង្ហាញពីការផ្តល់នូវសេវាកម្មក្រោយពេលលក់យ៉ាងល្អឥតខ្ចោះដែលអាចជម្រុញតម្លៃលក់ចេញរបស់អ្នកប្រើប្រាស់បានខ្ពស់និងមានស្ថេរភាពល្អ។ ភាពល្បីល្បាញរបស់ក្រុមហ៊ុន MG គឺការបង្កើតនូវមជ្ឈមណ្ឌលសេវាកម្មថែទាំនិងជួសជុលរថយន្តយ៉ាងទូលំទូលាយនៅទូទាំងប្រទេសកម្ពុជា ដែលមានជាងជំនាញបច្ចេកទេសឆ្លងកាត់ការបណ្តុះបណ្តាលយ៉ាងច្បាស់លាស់ និងមានខ្សែសង្វាក់ផ្គត់ផ្គង់គ្រឿងបន្លាស់គ្រប់គ្រាន់។ កេរ្តិ៍ឈ្មោះដ៏ល្អនេះបានធានាថាអ្នកទិញរថយន្ត MG មួយទឹកពីអ្នកប្រើប្រាស់ដំបូងនឹងទទួលបានភាពជឿជាក់ដូចជាទិញរថយន្តថ្មីដែលធ្វើឲ្យម៉ាកយីហោទាំង២នេះមានតម្រូវការខ្ពស់ និងមានហាងឆេងល្អនៅក្នុងទីផ្សាររថយន្តមួយទឹក។

ក្រុមហ៊ុន MG បានបន្តឈានមុខគេលើវិស័យរថយន្តថ្មីយ៉ាងគួរឱ្យកោតសរសើរនៅក្នុងការអភិវឌ្ឍយ៉ាងពេញលេញលើសេវាកម្មក្រោយពេលលក់ (Aftersales Service)។ តាមរយៈការវិនិយោគខ្លាំងលើបណ្តាញសេវាកម្មការថែទាំរថយន្ត និងសេវាកម្មអតិថិជន ក្រុមហ៊ុនទាំង២នេះបានស្ថាបនាបានការជឿជាក់ដល់ម្ចាស់រថយន្តដែលជ្រើសរើសទិញរថយន្តថ្មីពីក្រុមហ៊ុនផ្លូវការរបស់ពួកគេ។ ជាលទ្ធផល រថយន្ត MG មានសមត្ថភាពរក្សាតម្លៃលក់ចេញវិញបានយ៉ាងល្អ ដែលបញ្ជាក់ពីការប្តេជ្ញារបស់ម៉ាកយីហោក្នុងការបំពេញភាពពេញចិត្តរយៈពេលវែងជូនដល់អតិថិជនរបស់ខ្លួន។

ខណៈដែលថ្មីៗនេះគឺមានម៉ាកយីហោរថយន្តចិនជាច្រើនកំពុងប្រឈមមុខជាមួយបញ្ហាតម្លៃលក់ចេញបន្តធ្លាក់ចុះទាបធ្វើឱ្យអ្នកប្រើប្រាស់មានការខាតបង់លើតម្លៃដើម នេះក៏ដោយសារតែពួកគេមិនបានអភិវឌ្ឍលើហេដ្ឋារចនាសម្ព័ន្ធសេវាកម្មក្រោយការលក់បានល្អ និងមិនមានការផ្គត់ផ្គង់គ្រឿងបន្លាស់បានគ្រប់គ្រាន់។ ទោះបីជាម៉ាកយីហោនៃរថយន្តដែលទើបនាំចូលថ្មីៗមកកម្ពុជាមួយចំនួនមានលក្ខណៈពិសេសច្រើន និងមានតម្លៃទាបក៏ដោយប៉ុន្តែតម្លៃលក់ចេញបន្តរបស់ពួកគេហាក់ធ្លាក់ចុះខ្លាំង ក៏ដោយសារហេតុផលសំខាន់គឺ កង្វះមជ្ឈមណ្ឌលផ្ដល់សេវាកម្មថែទាំ,កង្វះគ្រឿងបន្លាស់ និងកង្វះខាតជាងជំនាញបច្ចេកទេសដែលមានវិជ្ផាជីវៈត្រឹមត្រូវ។
ម្យ៉ាងវិញទៀត ចំនុចពិសេសមួយក្នុងចំណោមកត្តាសំខាន់ៗបំផុតសម្រាប់សេវាកម្មក្រោយពេលលក់ដែលមានគុណភាពខ្ពស់នោះ គឺជំនាញបច្ចេកទេសរបស់បុគ្គលិក។ ជាងដែលមានជំនាញបច្ចេកទេសត្រឹមត្រូវ និង ទីប្រឹក្សាផ្នែកសេវាកម្មល្អ គឺជានិមិត្តរូបនៃសេវាកម្មបន្ទាប់ក្រោយពេលទិញ។ ជំនាញបច្ចេកទេសរបស់ពួកគេ គឺ មានឥទ្ធិពលខ្លាំងទៅលើការថែទាំរថយន្ត និងការពេញចិត្តរបស់អតិថិជន។

សរុបមកហាងឆេងតម្លៃលក់ចេញបន្តរបស់រថយន្តនីមួយៗ គឺមិនមែនគ្រាន់តែជាមាត្រដ្ឋានមួយសម្រាប់ការវាស់ស្ទង់លើគុណភាព ឬកម្រិតពេញនិយមរបស់រថយន្តនោះទេ ក៏ប៉ុន្តែវាជាការឆ្លុះបញ្ចាំងអំពីការគាំទ្ររយៈពេលវែងរបស់ក្រុមហ៊ុន និង ការប្តេជ្ញាចិត្តរបស់ម៉ាកយីហោចំពោះសេវាកម្មថែទាំជូនដល់អតិថិជនរបស់ខ្លួន។ ម៉ាកយីហោរថយន្តថ្មីដូចជា MG បានបង្ហាញថា ការពង្រីកមជ្ឈមណ្ឌលសេវាកម្មថែទាំនិងជួសជុលក្រោយពេលលក់កាន់តែច្រើន គឺមិនមែនគ្រាន់តែជាការផ្តល់ភាពពេញចិត្តដល់អតិថិជនប៉ុណ្ណោះទេប៉ុន្តែវាជាយុទ្ធសាស្រ្តអាជីវកម្មដ៏ឆ្លាតវៃដែលផ្តល់ផលប្រយោជន៍យ៉ាងខ្លាំងដល់អ្នកប្រើប្រាស់ទាំងទីផ្សារថយន្តថ្មីនិងទីផ្សាររថយន្តមួយទឹក។

ដូច្នេះ សម្រាប់ក្រុមហ៊ុនរថយន្ត ជាពិសេសគឺម៉ាកយីហោរថយន្តចិនថ្មីៗដែលទើបនាំចូលមកកាន់ទីផ្សារកម្ពុជាដែលផ្តោតលើតម្លៃថោក នោះសេវាកម្មក្រោយពេលលក់មិនមែនជារឿងបន្ទាប់បន្សំនោះទេ ក៏ប៉ុន្តែវាជាសមាសធាតុដ៏សំខាន់មួយដែលមិនអាចខ្វះខាតបានក្នុងការផ្គត់ផ្គង់ផ្នែកសេវាកម្មជូនដល់អតិថិជនរបស់ខ្លួន៕