(បរទេស)៖ អាជ្ញាធរពាណិជ្ជកម្មបានរាយការណ៍ថា ក្រុមហ៊ុន xAI របស់ Elon Musk កំពុងស្វែងរកឥណទានរហូតដល់ ១២ពាន់លានដុល្លារ ដើម្បីជំរុញការវិវត្តន៍ផ្នែកបច្ចេកវិទ្យាបញ្ញាសិប្បនិម្មិត (AI)។ ការប្រមូលប្រាក់នេះដឹកនាំដោយក្រុមហ៊ុនវិនិយោគ Valor Equity Partners របស់លោក Antonio Gracias ដែលជាអ្នកជិតស្និទ្ធនឹង Musk។

ការប្រើប្រាស់ប្រាក់កម្ចីនេះ គឺដើម្បីទិញឧបករណ៍ GPU សម័យថ្មីរបស់ក្រុមហ៊ុន Nvidia ដើម្បីបង្កើតមជ្ឈមណ្ឌលទិន្នន័យខ្នាតយក្សមួយ សម្រាប់ប្រើប្រាស់ក្នុងប្រព័ន្ធ Chatbot Grok និងបណ្តុះបណ្តាលបណ្ដាញបច្ចេកវិទ្យា LLM (large language models)។ Musk បានបង្ហាញថា xAI កំពុងដំណើរការ GPU ចំនួន 230,000 ឧបករណ៍ ដែលរួមមានកាតចម្បង GB200 ជាច្រើនសម្រាប់បណ្តុំម៉ាស៊ីន Colossus 1 ហើយកំពុងរៀបចំបញ្ចូលបណ្តុំថ្មី Colossus 2 ដែលមានកម្រិត 550,000 ឧបករណ៍ (GB200 និង GB300)។

ភាគីដែលផ្តល់ឥណទានខ្លះបានដាក់លក្ខខណ្ឌឲ្យបង្វិលបំណុលវិញក្នុងរយៈពេល ៣ឆ្នាំ ដោយមានដែនកំណត់សម្រាប់ការខ្ចីដើម្បីបង្ការជួញដូរបែបហានិភ័យ។ xAI មានគម្រោងប្រើប្រាស់ថវិកាដល់ ១៣ពាន់លានដុល្លារ ក្នុងឆ្នាំ ២០២៥។ កាលពីដើមខែកក្កដា xAI រកបានប្រាក់ជាង ១០ពាន់លានដុល្លារ តាមរយៈទុន និងឥណទាន ដើម្បីសាងសង់បណ្តាញ AI របស់ខ្លួន។

គួជម្រាបថា ការប្រមូលប្រាក់បែបឥណទានទំហំយក្សនេះ បង្ហាញពីការប្រកួតប្រជែងដ៏តានតឹងក្នុងឧស្សាហកម្ម AI ដោយផ្អែកលើកម្លាំងគ្រឿងម៉ាស៊ីន។ Musk កំពុងបញ្ចេញមធ្យោបាយបម្លែងការវិនិយោគជាសន្ធឹកសន្ធាប់ទៅជាចំណាយប្រចាំថ្ងៃតាមរយៈការជួលឧបករណ៍។ ទោះបីជាការពង្រឹងសមត្ថភាព AI នេះអាចជួយ xAI ប្រកួតប្រជែងជាមួយក្រុមហ៊ុនដ៏ធំនាពិភពលោកដូចជា OpenAI, Google, Microsoft, និង Meta ក៏ដោយ ក៏វាក៏នាំមកនូវហានិភ័យហិរញ្ញវត្ថុធ្ងន់ធ្ងរផងដែរ៕