(ភ្នំពេញ)៖ ក្រុមហ៊ុន អាណាណា កុំព្យូទ័រ បានសហការជាមួយក្រុមហ៊ុន Dell រៀបចំកម្មវិធីសិក្ខាសាលាក្រោមប្រធានបទ Cambodia Technology Strategic Partner Symposium 2025 ក្នុងគោលបំណង បង្កើនទំនាក់ទំនង ភាពជាដៃគូសហការរវាងក្រុមហ៊ុន អាណាណា កុំព្យូទ័រ ក្រុមហ៊ុន Dell Technology Cambodia និងដៃគូចែកចាយទាំងអស់ក្នុងប្រទេសកម្ពុជា ដើម្បីផ្តល់នូវចំណេះដឹងបន្ថែមអំពីបច្ចេកវិទ្យាថ្មីៗ ជាពិសេសនោះ គឺផ្តល់នូវចំណេះដឹងបន្ថែមអំពី AI ដែលបានដើរតួយ៉ាងសំខាន់នាពេលបច្ចុប្បន្ន។

សិក្ខាសាលាក្រោមប្រធានបទ Cambodia Technology Strategic Partner Symposium 2025 បានរៀបចំឡើងកាលពីល្ងាចថ្ងៃទី២៣ ខែកក្កដា ឆ្នាំ២០២៥នេះ នៅឯសណ្ឋាគារ ណូវ៉ូថេល បឹងកេងកង ក្នុងនោះមានការអញ្ជើញចូលរួមពីសំណាក់លោក ស្រៀង ទីតូ អគ្គនាយកក្រុមហ៊ុន អាណាណា កុំព្យូទ័រ, លោក Mak Chin Wah តំណាងក្រុមហ៊ុន Dell Technology Cambodia, ​លោក ចាន់ គិរីរត្ន តំណាងក្រុមហ៊ុន VSTESC ព្រមទាំងវាគ្មិន ភ្ញៀវកិត្តិយស ដៃគូសហការជាតិ និងអន្តរជាតិជាច្រើននាក់។

ថ្លែងនៅក្នុងពិធីសិក្ខាសាលា Cambodia Strategic Partner Symposium 2025 ដើម្បីផ្តល់នូវចំណេះដឹងបន្ថែមអំពីបច្ចេកវិទ្យា AI, លោក ស្រៀង ទីតូ អគ្គនាយកក្រុមហ៊ុន អាណាណា កុំព្យូទ័រ បានបញ្ជាក់ឲ្យដឹងថា ក្នុងនាមក្រុមហ៊ុន អាណាណា កុំព្យូទ័រ ពិតជាមានសេចក្តីសោមនស្សរីករាយជាខ្លាំង ដែលបានសហការជាមួយក្រុមហ៊ុន Dell Technology Cambodia រៀបចំកម្មវិធីសិក្ខាសាលាក្រោមប្រធានបទ Cambodia Technology Strategic Partner Symposium 2025 ក្នុងគោលបំណងបង្កើនទំនាក់ទំនង ភាពជាដៃគូសហការរវាងក្រុមហ៊ុន អាណាណា កុំព្យូទ័រ, ក្រុមហ៊ុន Dell និងក្រុមហ៊ុន VSTECS និងដៃគូចែកចាយទាំងអស់ ដើម្បីផ្តល់នូវចំណេះដឹងបន្ថែមអំពីបច្ចេកវិទ្យាថ្មីៗ ជាពិសេសនោះ គឺផ្តល់នូវចំណេះដឹងបន្ថែមអំពី AI ដែលកំពុងដើរតួរនាទីយ៉ាងសំខាន់។

លោកបន្តថា កម្មវិធីសិក្ខាសាលា Cambodia Strategic Partner Symposium 2025 នេះ បានរៀបចំឡើងយ៉ាងរលូន និងមានលទ្ធផលយ៉ាងល្អសម្រាប់ដៃគូសហការ និងដៃគូចែកចាយរបស់យើង ក្នុងការយល់ដឹងបន្ថែមអំពីបច្ចេកវិទ្យាថ្មីៗ ដែលក្រុមហ៊ុន Dell Technology និងក្រុមហ៊ុន VSTECS នាំមកចូលនៅក្នុងប្រទេសកម្ពុជាយើង ជាពិសេសបច្ចេកវិទ្យា AI ដែលយើងចាំបាច់ត្រូវតែសិក្សាស្រាវជ្រាវបន្ថែម និងធ្វើការវិវឌ្ឍឲ្យទាន់សម័យកាលដ៏ទំនើបនេះ។ លោកក៏សូមអរគុណដល់ក្រុមហ៊ុន Dell Technology ដែលបានចូលរួមជាវាគ្មិន និងបានចែករំលែកនូវចំណេះដឹងល្អៗ ទាក់ទងនឹងបច្ចេកវិទ្យាថ្មីៗ ក្នុងកម្មវិធីយើងនៅថ្ងៃនេះ។

គួរបញ្ជាក់ថា ក្រុមហ៊ុន អាណាណាកុំព្យូទ័រ បានយកចិត្តទុកដាក់ខ្លាំងក្នុងការលើកកម្ពស់ផ្នែកឌីជីថល និងតែងនាំយកនូវឧបករណ៍ទំនើបថ្មីៗ ដើម្បីសម្រួលដល់អាជីវកម្មរបស់លោក លោកស្រី និងអតិថិជន ស្របតាមបច្ចេកវិទ្យា AI។ កម្មវិធី Cambodia Strategic Partner Symposium 2025 ដែលរៀបចំឡើងដោយក្រុមហ៊ុន អាណាណា កុំព្យូរទ័រ Dell Technology និង VSTECS នៅពេលនេះ គឺដើម្បីបង្កើនទំនាក់
ទំនងភាពជាដៃគូសហការរវាងក្រុមហ៊ុន អាណាណា កុំព្យូទ័រ, ក្រុមហ៊ុន Dell Technology និង VSTECS និងដៃគូចែកចាយបន្តជាច្រើនទៀត ក៏ដូចជាផ្តល់នូវចំណេះដឹងបន្ថែមអំពីបច្ចេកវិទ្យាថ្មីៗ ជាពិសេសនោះគឺ ផ្តល់នូវចំណេះដឹងបន្ថែមអំពី AI ដែលដើរតួនាទីសំខាន់នាសម័យបច្ចេកវិទ្យានាពេលបច្ចុប្បន្ន៕