(បរទេស)៖ អតីតកីឡាករនិម្មិតរូបអ៉ីតាលី Andrea Pirlo ត្រូវបានតែងតាំងជាគ្រូបង្វឹកថ្មីនៃក្លិប United FC មានមូលដ្ឋាននៅទីក្រុង Dubai ប្រទេសអារ៉ាប់រួម (UAE) ដែលកំពុងឈរជើងក្នុងក្របខណ្ឌទី២ ក្រោមកិច្ចសន្យា ២ឆ្នាំ។ នេះបើយោងតាមការចេញផ្សាយដោយ BBC។

នេះជាក្លិបទី៤ ផងដែររបស់បុរសវ័យ ៤៦ឆ្នាំដឹកនាំ ក្នុងរយៈពេល ៥ឆ្នាំមកនេះ ក្រោយពេលវិវត្តន៍ខ្លួនក្លាយជាគ្រូបង្វឹកតាំងពីឆ្នាំ២០២០ ក្នុងក្លិបដំបូងសេះបង្កង់ Juventus មក។

រូបគេបានដឹកនាំឈ្នះពាន Coppa Italia និង Italian Super Cup ជាមួយ Juventus ដែលបានចូលកាន់តួនាទីធំជំនួសកៅអីលោក Maurizio Sarri នៅទីក្រុង Turin។

Pirlo ធ្លាប់ឈ្នះពានអឺរ៉ុប UEFA Champions League ២លើក និងពានលីគកំពូល Serie A របស់អ៉ីតាលី ៦លើក កាលនៅជាកីឡាកររបស់ក្លិបសេះបង្កង់ ដែលធ្លាប់បានចំណាយពេលដឹកនាំក្លិប Fatih Karagumruk របស់តួកគី និងក្លិប Sampdoria ថែមទៀតផង មុនមកកាន់តួនាទីនៅ United FC លេងក្នុងក្របខណ្ឌទី២ បន្ទាប់ពី Pro-League ស្ថិតនៅទ្វីបអាស៊ី៕