(បរទេស)៖ កីឡាករប្រដាល់សកល Xander Zayas របស់ប្រទេសព័រតូរីកូ បានក្លាយជាម្ចាស់ខ្សែក្រវាត់ពិភពលោកកម្រិតមធ្យម WBO light-middleweight ក្មេងជាងគេ ត្រឹមវ័យ ២២ឆ្នាំប៉ុណ្ណោះ ក្រោយផ្តួល Jorge Garcia Perez ដោយពិន្ទុកាលពីថ្ងៃសៅរ៍សប្តាហ៍មុន។ នេះបើយោងតាមការចេញផ្សាយដោយ BBC។

ការប្រកួតដែលត្រូវបានធ្វើឡើងនៅសង្វៀន Madison Square Garden ស្ថិតក្នុងទីក្រុង New York សហរដ្ឋអាមេរិក Zayas បានឈ្នះពិន្ទុគូប្រជែងមកពីមិចស៊ិកពីសំណាក់ការពិន្ទុរបស់ចៅក្រមទាំង៣ រួមមាន ១១៦-១១២ ១១៨-១១០ និង ១១៩-១០៩។

នេះមានន័យថា Zayas នៅតែរក្សាកំណត់ត្រាឡើងវ៉ៃ ២២ប្រកួតលក្ខណៈអាជីពមិនចាញ់ដដែល ជាមួយនឹងការធ្លាប់ផ្តួលដៃគូឱ្យសន្លប់បាន ១៣លើកទៀតផង ប៉ុន្តែជាការបរាជ័យលើកទី៥ ក្នុងអាជីពវ៉ៃ ៣៨លើករបស់ Garcia។

ដោយឡែកជើងខ្លាំង Wildfred Benitez ដែលបានកើតនៅអាមេរិកសញ្ជាតិ Puerto Rico ដូចគ្នា ក៏បានកំពុងកាន់កាប់កំណត់ត្រាម្ចាស់ខ្សែក្រវាត់ WBA light-welterweight ត្រឹមវ័យ ១៧ឆ្នាំ និង ១៧៦ថ្ងៃប៉ុណ្ណោះ ដែលរូបគេដណ្តើមបានកាលខែមីនា ឆ្នាំ១៩៧៦៕