«Boostrong» មិនចោលបងប្អូនភៀសសឹកទេ ខ្មែររួមគ្នាតែមួយខ្មែរខ្លាំង!
28-07-2025 16:05
(ភ្នំពេញ)៖ វីរៈកងទ័ពលះបង់សាច់ស្រស់ឈាមស្រស់ ដើម្បីការពារជាតិមាតុភូមិ រីឯបងប្អូនខ្មែរនៅជាយដែនក៏ត្រូវភៀសខ្លួន ក្រោមស្នូរកាំភ្លើងពីការឈ្លានពានរបស់ថៃ ទៅកាន់ទីកន្លែងមានសុវត្ថិភាព ដោយគ្មានផ្ទះ គ្មានសាលារៀន ប៉ុន្តែមានក្ដីសង្ឃឹម តាមរយៈបងប្អូនខ្មែររួមគ្នាតែមួយ មិនចោលគ្នាក្នុងគ្រាលំបាក។

ក្រុមហ៊ុន Boostrong, ទឹកផ្លែឈើ Freshy, GANZBERG និងភេសជ្ជៈ Idol ចូលរួមឧបត្ថម្ភទឹកប្រាក់ ១លានដុល្លារ ដល់កងទ័ពជួរមុខកំពុងឈរជើងការពារបូរណភាពទឹកដីខ្មែរ។
ជាពិសេសបងប្អូនភៀសសឹក ក្រោមស្នូរកាំភ្លើងពីការឈ្លានពានរបស់ជនជាតិសៀម ទៅកាន់ទីកន្លែងមានសុវត្ថិភាពបានឧបត្ថម្ភអង្ករសរុប ២២០តោន, ភេសជ្ជៈ៦,០០០កេស, កន្ទេល ១០,០០០ និងភួយ ១០,០០០។
ពួកយើងសូមបួងសួងដល់វត្ថុស័ក្តិសិទ្ធទាំងឡាយ ជួយកងទ័ពកម្ពុជាក៏ដូចជាប្រទេសកម្ពុជាទាំងមូលទទួលបានជ័យជម្នះ និងមានសុវត្ថិភាពពីការឈ្លានពានរបស់ថៃ៕