ផែនការដោះដូរកីឡាករ Isak ទៅ Liverpool ជួបបញ្ហា ខណៈកិច្ចព្រមព្រៀង អាចមានតម្លៃជាង ៦៥លានផោន
29-07-2025 10:39
(ឡុងដ៏)៖ ខ្សែប្រយុទ្ទ Alexander Isak នៅតែជាប់ទាក់ទងជាមួយការផ្ទេរទៅកាន់ក្លិប Liverpool ប៉ុន្តែការផ្លាស់ប្តូរដ៏មានសក្ដានុពលមួយនេះ បាននឹងកំពុងធ្វើឱ្យមានការចាប់អារម្មណ៍យ៉ាងខ្លាំងជាមួយនឹងកិច្ចព្រមព្រៀងដ៏ធំមួយទៀត នៅក្នុងទីផ្សារដោះដូរកីឡាករជិតដល់ពេលបញ្ចប់នេះ ។

ការផ្លាស់ប្តូររបស់ខ្សែប្រយុទ្ធ Luis Diaz ពី Liverpool ទៅកាន់ Bayern Munich មើលទៅបាននឹងកំពុងជួបបញ្ហារារាំងមួយលើកិច្ចព្រមព្រៀងនៃការផ្លាស់ប្តូរដ៏មានសក្តានុពលសម្រាប់ Alexander Isak ។
ពាក់ព័ន្ធនឹង Diaz ដែលមានអាយុ ២៨ឆ្នាំមើលទៅហាក់ដូចជាចង់ផ្លាស់ទៅ Bayern បន្ទាប់ពីក្រុមរបស់ដឹកនាំដោយលោក Vincent Kompany បានយល់ព្រមលើកិច្ចព្រមព្រៀង ៦៥,៥ លានផោនសម្រាប់កីឡាករសញ្ជាតិកូឡុំប៊ី។
ក្រុមម្ចាស់ជើងឯក Premier League 2024-25 ហង្សក្រហមបានក្លាយជាក្រុមយ៉ាងសកម្មនៅក្នុងទីផ្សារផ្ទេរកីឡាករនៅរដូវក្តៅនេះ ប៉ុន្តែការចាកចេញរបស់ Diaz នឹងក្លាយជាការលក់ដ៏ក្នុងតម្លៃថ្លៃមួយ ។
ការចំណាយរបស់ Liverpool ខិតជិតដល់ ៣០០លានផោនហើយ បន្ទាប់ពីពួកគេបានបញ្ចប់ការផ្លាស់ប្តូរសរុប ៧៩លានផោនសម្រាប់កីឡាករ Hugo Ekitike ពីក្លិប Eintracht Frankfurt ៕