(ហ្សាកាតា)៖ គ្រូបង្វឹក U-23 ឥណ្ឌូនេស៊ី លោក Gerald Vanenburg បាននិយាយនៅសន្និសីទថា ក្រុមរបស់លោកកំពុងរង់ចាំយ៉ាងអន្ទះសារក្នុងការជួបប្រកួតជាមួយវៀតណាម ក្នុងវគ្គផ្តាច់ព្រ័ត្រជើងឯកយុវជនអាស៊ាន ASEAN U-23 Mandiri Cup 2025 នៅថ្ងៃអង្គារនេះ ខណៈដែលក្រុមម្ចាស់ផ្ទះមួយនេះនឹងព្យាយាមបញ្ចប់រជ្ជកាលនៃក្រុមការពារតំណែងជើងឯកវៀតណាម ។

សូមជម្រាបផងថា U23 វៀតណាម លេងមិនទាន់ចាញ់ក្នុងការប្រកួតនោះទេ ចំណោម ១២ប្រកួតមកនេះ ដែលជាការសម្រាប់ការលេងក្នុងពានជើងឯកយុវជនអាស៊ានចាប់តាំងពីពួកគេចាញ់ឥណ្ឌូនេស៊ី ១-០ ក្នុងការប្រកួតវគ្គពាក់កណ្ដាលផ្ដាច់ព្រ័ត្រ ASEAN U-23 Championship ឆ្នាំ 2019 ។ ដែលរាប់បញ្ចូលទាំងការយកឈ្នះលើឥណ្ឌូនេស៊ី ក្នុងការប្រកួតផ្ដាច់ព្រ័ត្រឆ្នាំ ២០២៣ នៅ Rayong ប្រទេសថៃ។

បញ្ជាក់ផង ការប្រកួតវគ្គផ្តាច់ព្រ័ត្រជើងឯកយុវជនអាស៊ាន ២០២៥ រវាងក្រុមឥណ្ឌូនេស៊ី ទល់នឹងវៀតណាម នឹងលេងនៅម៉ោង ៨:០០នាទីយប់នេះ នៅកីឡដ្ឋាន Gelora Bung Karno Stadium ខណៈ U23 វៀតណាម ជាម្ចាស់ពាននេះ ២លើករួចមកហើយ ៕