ស្មារតីខ្មែរតែ១! «វឌ្ឍនៈ» កំពុងតែរៀបចំអំណោយផ្សេងៗ បរិច្ចាគជូនដល់បងប្អូនជនភៀសសឹក និងអំពាវនាវដល់បងប្អូនប្រជាពលរដ្ឋ មានបំណងចង់ចូលរួមបន្ថែម
29-07-2025 11:43
(ភ្នំពេញ)៖ ក្នុងគ្រាដ៏លំបាកនេះ សូមពួកយើងទាំងអស់គ្នាចូលរួមចែករំលែក និងបរិច្ចាគជូនបងប្អូនជនភៀសសឹក ដែលកំពុងត្រូវការជំនួយពីពួកយើងទៅតាមលទ្ធភាព និងសទ្ធាជ្រះថ្លា។ ក្នុងបុព្វហេតុមនុស្សធម៌ ទឹកចិត្តស្នេហាជាតិមាតុភូមិ ក្រុមគ្រួសារ វឌ្ឍនៈ កំពុងតែរៀបចំអំណោយបរិច្ចាគជូនទៅកាន់បងប្អូនជនភៀសសឹក ហើយយើងខ្ញុំសូមអំពាវនាវដល់បងប្អូនប្រជាពលរដ្ឋ ដែលមានបំណងចង់ចូលរួមបរិច្ចាគ អាចធ្វើការយកអំណោយរបស់លោកអ្នកមកបរិវេណ សួនវឌ្ឍនៈ ឡាយហ៍ស្តាយផាក ចាប់ពីម៉ោង៧ព្រឹក ដល់ម៉ោង១០យប់ ពីថ្ងៃទី២៩ ដល់៣១ ខែកក្តដា។

ភេសជ្ជៈ និងទឹកពិសា គឺត្រូវបានរៀបចំជាអំណោយរួចជាស្រេច ដូច្នេះពួកយើងមិនលើកទឹកចិត្តក្នុងការបរិច្ចាគបន្ថែមទេ ព្រមជាមួយនឹងគ្រឿងអេឡិចត្រូនិច, អាហារស្រស់ផងដែរ។ ពួកយើងសូមលើកទឹកចិត្តឲ្យបងប្អូនបរិច្ចាគផលិតផលក្នុងស្រុក ដើម្បីបង្ហាញពីសាមគ្គីភាព និងការរួបរួមរបស់យើង។
ទីតាំង៖ https://maps.app.goo.gl/VwRP7YC69CSxgSGm7។