(ភ្នំពេញ)៖ ដើម្បីជាកិច្ចតបស្នងគុណដល់ វីរកងទ័ពជួរមុខកម្ពុជា ដែលកំពុងឈរជើងច្បាំងតតាំងជាមួយសត្រូវឈ្លានពាន នៅតាមបន្ទាត់ ព្រំដែនកម្ពុជា-ថៃ។ សាលារៀនអារីហ្សូន បានសម្រេចជាគោលការណ៍ផ្តល់នូវអាហារូបករណ៍សិក្សា សម្រាប់កម្មវិធីសិក្សាចំណេះទូទៅខ្មែរពី ថ្នាក់មត្តេយ្យដល់ថ្នាក់ទី១២ និងភាសាអង់គ្លេស ចិនទូទៅ ពេញម៉ោង និងក្រៅម៉ោង។

សាលារៀនអារីហ្សូន បានបញ្ជាក់ថា អាហារូបករណ៍ទៅដល់ បុត្រ ធីតា របស់វីរកងទ័ពជួរមុខកម្ពុជា រួមមាន៖
១៖ អាហារូបករណ៍ ៧០% ដល់បុត្រ ធីតា របស់វីរយុទ្ធជនដែលរងរបួស។
២៖ អាហារូបករណ៍ ៥០% ដល់បុត្រ ធីតា របស់វីរកងទ័ពជួរមុខកម្ពុជាទាំងអស់។

សម្រាប់ព័ត៌មានលម្អិត សូមក្រុមគ្រួសាររបស់វីរកងទ័ពជួរមុខកម្ពុជា អញ្ជើញមកកាន់គ្រប់សាលារៀន សាខារាជធានី ខេត្ត ឫទំនាក់ទំនងតាមលេខទូរសព្ទ ០៨១ ៩០០ ៨០៨៕