(សៀងហៃ)៖ ម្ចាស់ជើងឯកស្នូកឃ័រពិភពលោក Zhao Xintong និងកីឡាករលំដាប់លេខ២ ពិភពលោក Kyren Wilson នឹងពើបប្រទះគ្នាវគ្គ ៤នាក់ចុងក្រោយនៃពាន Shanghai Masters 2025 បន្ទាប់ពីទម្លាក់គូប្រជែង Ding Junhui និង Ronnie O’Sullivan រួចមក។

ពីគេហទំព័រកីឡា BBC បានចេញផ្សាយថា Wilson ម្ចាស់ជើងឯកពិភពលោក World Champion 2024 បានទម្លាក់អតីតជើងឯកពិភពលោក ៧សម័យ O’Sullivan ក្រោមលទ្ធផល ៦ទល់នឹង៣ និងជាជ័យជម្នះលើកទី៣ របស់លោកដែរទៅលើគូប្រជែងអង់គ្លេស។

Wilson ដែលធ្លាប់ឈ្នះ Shanghai Masters បានម្តងដែរកាលឆ្នាំ២០១៥ ក្នុងចំណោមពានសរុប ១០លើកបានថ្លែងថា «វាពិតជាបានផ្លាស់ប្តូរជីវិតខ្ញុំក្នុងរយៈពេល ១០ឆ្នាំកន្លងទៅនេះ។ ខ្ញុំមិនដឹងថា ខ្ញុំបានទៅណានោះទេ និងធ្វើអ្វីនោះដែរ»។

ជាមួយគ្នានោះដែរ នេះជាលើកដំបូងរបស់ Zhao ដែលបានបង្ហាញខ្លួនក្នុងកម្មវិធី tour គិតចាប់តាំងពីឈ្នះជើងឯកពិភពលោកនាអំឡុងខែឧសភា ឆ្នាំ២០២៥ ដោយបានយកឈ្នះគូប្រជែងរបស់ចិនដូចគ្នា Ding Junhui ដោយលទ្ធផល ៦-១ ពីក្នុងវគ្គ ៨នាក់។ រូបគេបានបំបែកកំណត់ត្រាចាស់ ដោយធ្វើបានពិន្ទុ ១៣៤ ១៣២ និង ១១៨ ដោយប្រើពេលក្រោម ៩០នាទីផងដែរ ដើម្បីទទួលបានជ័យជម្នះនេះ៕