(ភ្នំពេញ)៖​ ក្រុមហ៊ុន Chevrolet Cambodia​ នៅថ្ងៃទី០១ ខែសីហា ឆ្នាំ២០២៥​ ប្រកាសចេញនូវរថយន្តស៊េរីថ្មី Chevrolet Colorado 2025 ជាការសបញ្ជាក់ឱ្យឃើញថា ឧស្សាហកម្មយានយន្តក្នុងប្រទេសកម្ពុជាកំពុងមានការលូតលាស់យ៉ាងគំហុក​ ហេីយនេះជាការស្វាគមន៍នូវការវិលត្រឡប់មកវិញនូវរថយន្តភីកអាប់ស៊េរីទំនើប និងជាឱកាសដែលកម្ពុជាទទួលបានសិទ្ធពិសេសក្នុងការនាំចូលរថយន្តនេះ ដែលជាប្រទេសតែមួយគត់នៅក្នុងប្រទេសអាស៊ាន។

នាឱកាសនេះ មិនត្រឹមតែជាការដាក់ឱ្យប្រើប្រាស់រថយន្តថ្មីប៉ុណ្ណោះទេ វាជាមោទកភាពជាតិ វឌ្ឍនភាពបច្ចេកវិទ្យា និងជាសក្ខីភាពនៃការរីកចម្រើនយ៉ាងឆាប់រហ័សនៃទីផ្សារអ្នកប្រើប្រាស់រថយន្តនៅកម្ពុជា។ រថយន្ត​ Colorado បានបន្តអភិវឌ្ឍន៍ពីរថយន្តដែលប្រើប្រាស់ក្នុងតំបន់ ទៅជារថយន្តដែលទទួលស្គាល់លើសកលលោក។

មិនតែប៉ុណ្ណោះរថយន្តColorado គឺជាសក្ខីភាពមួយចំពោះការប្តេជ្ញាចិត្តរបស់ក្រុមហ៊ុនChevrolet លើនវានុវត្តន៍ និងឧត្តមភាពនៃស្លាកយីហោ។ ប៉ុន្មានឆ្នាំកន្លងមករថយន្តភីកអាប់ទំហំមធ្យមនេះ បានបង្កើតកិត្តិនាមល្បីសុះសាយខ្លាំង ដោយមាន៖​ មុខងារដំណើរការម៉ាស៊ីនលំដាប់ខ្ពស់​ដំណើរការដោយម៉ាស៊ីនជំនាន់ថ្មី​ប្រភេទturbocharge និងបំពាក់ដោយប្រព័ន្ធជំនួយបើកបរឆ្លាតវៃ,​ ភាពងាយស្រួល និងការតភ្ជាប់នៃការរស់នៅ: បទពិសោធន៍ប្រើប្រាស់រថយន្តPick Up តែមានផាសុកភាពបែបSUV,​ ប្រព័ន្ធសុវត្ថិភាពទទួលបានពានរង្វាន់ រក្សាសុវត្ថិភាពអ្នកបើកបរ និងអ្នករួមដំណើរ មិនថាស្ថិតក្នុងស្ថានភាពបែបណា។

មុខមាត់និងបច្ចេកវិទ្យាថ្មីនៃរថយន្ត​Chevrolet Colorado ទទួលបានការគាំទ្រលើសពីការរំពឹងទុកនៅគ្រប់ទីផ្សារដែលបានដាក់លក់ រាប់ចាប់ពីអាមេរិកខាងជើងរហូតដល់អាមេរិកខាងត្បូង និងផ្នែកខ្លះនៃអូសេអានី។ ការមកដល់ប្រទេសកម្ពុជានៅលើកនេះនឹងក្លាយព្រឹត្តិការណ៍ដ៏សំខាន់ដែលមិនអាចបំភ្លេចបាន។

កម្ពុជានឹងក្លាយជាប្រទេសតែមួយគត់នៅប្រទេសអាស៊ានដែលនាំចូល និងចែកចាយជាផ្លូវការនូវរថយន្ត The New Chevrolet Colorado 2025។ សមិទ្ធិផលដ៏គួរឱ្យកត់សម្គាល់នេះ អាចចាត់ទុកថាប្រទេសកម្ពុជាជាប្រទេសដែលឈានមួយជំហានមុនគេក្នុងនវានុវត្តន៍យានយន្ត និងតំណាងឱ្យការបោះឆ្នោតទទួលបានទំនុកចិត្តដ៏ធំពីក្រុមហ៊ុន General Motors (GM) ដែលជាក្រុមហ៊ុនមេរបស់ Chevrolet ។

លោក ណម ហាវ នាយកប្រតិបត្តិជាន់ខ្ពស់ក្រុមហ៊ុន TH Group មានប្រសាសន៍ថា​ ការនាំយករថយន្ត Chevrolet Colorado 2025 មកកម្ពុជាលើកនេះជាមោទកភាពដ៏អស្ចារ្យសម្រាប់ជាតិយើង,​ នេះមិនមែនគ្រាន់តែជាដំណើរធុរកិច្ចប៉ុណ្ណោះទេ ប៉ុន្តែរាប់ជាព្រឹត្តិការណ៍ជាតិមួយដ៏សំខាន់ ដែលគូសបញ្ជាក់អំពីសារៈសំខាន់នៃការកើនឡើងការអភិវឌ្ឍបច្ចេកវិទ្យាររថយន្តក្នុងទីផ្សារពិភពលោក និងជាសញ្ញាបង្ហាញពីទំនុកចិត្ត លើម៉ាកយីហោអន្តរជាតិ​Chevrolet ឈានមុខគេក្នុងប្រទេសកម្ពុជា។

រថយន្ត All-New Chevrolet Colorado 2025 មិនមែនគ្រាន់តែជារថយន្តភីកអាប់ទូទៅប៉ុណ្ណោះទេ ប៉ុន្តែជារថយន្តភីកអាប់ដែលផ្តល់អោយអិតិថនអ្វីដែលថ្មី។ ហើយនេះជាហេតុផលមួយចំនួន៖

កម្លាំងដ៏ខ្លាំងក្លាម៉ូដែលស៊េរីឆ្នាំ 2025 នេះ បំពាក់ដោយម៉ាស៊ីន 2.8L TurboMax ជំនាន់ថ្មី ដែលផ្តល់កម្លាំងសេះ និងកម្លាំងបង្វិលជុំខ្ពស់។ មិនថាការបើកបរផ្លូវទីក្រុង,​ទីប្រជុំជន, តាមជនបទ ឬផ្លូវលំបាក Off-Road រថយន្ត​Chevroletជំនាន់ថ្មីនេះ អាចធ្វើបានទាំងអស់ និងអាចគ្រប់គ្រងបានដោយទំនុកចិត្ត។

លក្ខណៈពិសេសរួមមាន៖​ ជម្រើសមុខងារបើកបរ៖ អាចសម្របបានគ្រប់ស្ថានភាពផ្លូវ ដូចជា ផ្លូវធម្មតា ផ្លូវឡើង/ចុះចំណោត ផ្លូវOff-Road និងផ្លូវគ្រួស។​ សមត្ថភាពអូសទាញកម្រិតខ្ពស់៖ សមត្ថភាពអូសទាញរហូតដល់ 3,500 គីឡូក្រាមគួបផ្សំជាមួយបច្ចេកវិទ្យាអូសទាញដ៏ឆ្លាតវៃ។ ប្រតិបត្តិការ 4x4៖ ដំណើរការដោយប្រព័ន្ធជើងក្រោមរឹងមាំ និងផ្តល់ស្ថេរភាពការបើកបរកាន់តែប្រសើរ។

ប្រព័ន្ធហ្រ្វាំងស្វ័យប្រវត្តិ ជួយបញ្ចៀស ឬកាត់បន្ថយផលប៉ះពាល់នៃការប៉ះទង្គិច។​ ប្រព័ន្ធរក្សាគន្លងផ្លូវសុវត្ថិភាព​ ទាញដៃចង្កូតមកវិញស្វ័យប្រវត្តិ ប្រសិនមានករណីរេចង្កូតចេញពីគន្លងសុវត្ថិភាព។ មុខងារ Blind Spot បង្ហាញព័ត៌មាន ឬផ្តល់ដំណឹងដល់អ្នកបើកបរពេលមានរថយន្តចង់វ៉ាជែង។ ផ្តល់ដំណឹងគ្រោះថ្នាក់ផ្នែកខាងក្រោយ ប្រាប់ដំណឹងគ្រោះថ្នាក់ពេលរថយន្តថយក្រោយ ឬមានអ្វីមកកៀករថយន្ត
។ ប្រព័ន្ធផ្តល់ដំណឹងពេលមានអ្នកថ្មើរជើងឆ្លងកាត់ គណនា ទស្សន៍ទាយ និងផ្តល់ដំណឹងពេលមានអ្នកថ្មើរជើង ឬរថយន្តនៅផ្នែកខាងមុខ។

ការឌីស្សាញជំនាន់ថ្មីប្លែក​៖​ ភាពទំនើប ទាន់សម័យ និងប្លែកពីនៃយីហោអាមេរិកនេះ នឹងធ្វើឱ្យរថយន្តChevrolet Colorado ស៊េរីឆ្នាំ2025 ទទួលបានការគាំទ្រខ្លាំងលើទីផ្សារ។​ លក្ខណៈពិសេសថ្មីនៃម៉ូដែលនេះមានដូចជា​ ផ្នែកខាងមុខអំណាច ជាមួយនឹងប៉ាណាមុខស្រស់ស្អាតបង្ហាញសញ្ញា Chevrolet ,​ ភ្លើង LED ជំនួយការមើលកាន់តែច្បាស់ និងផ្តល់សោភ័ណភាពកាន់តែទាក់ទាញ,​ ការឌីស្សាញរូបរាងបែប Aerodynamic ដែលធ្វើឲ្យមានតុល្យភាពរវាងភាពរឹងមាំជាមួយនឹងភាពទំនើបទាន់សម័យ។

ថ្នាក់ដឹកនាំ ក្រុមការងារក្រុមហ៊ុន Chevrolet Cambodia និងអតិថិជន ពិតជាមានសេចក្តីត្រេកអរយ៉ាងខ្លាំង ចំពោះការវិលត្រឡប់មកវិញនៃរថយន្ត Chevrolet Colorado

លោក ណម ហាវ បានបន្ថែមថា​ ក្រុមការងាររបស់យើងទាំងអស់នៅ Chevrolet Cambodia មានការរំភើបរីករាយយ៉ាងខ្លាំងចំពោះការត្រលប់មកវិញនូវរថយន្តភីកអាប់នេះមកកាន់ទីផ្សារកម្ពុជា។​ អ្នកប្រើប្រាស់នៅកម្ពុជា បានកោតសរសើរជាយូរណាស់មកហើយ នូវការលាយបញ្ចូលគ្នានៃភាពធន់ កម្លាំងម៉ាស៊ីន និងរចនាបទដែលរថយន្ត Colorado ផ្តល់ជូន។​ ជាមួយនឹងម៉ូដែលថ្មីឆ្នាំ 2025 យើងមានទំនុកចិត្តថាវានឹងក្លាយជាជម្រើសមួយទៀតសម្រាប់អ្នកតម្រូវការរថយន្តភីកអាប់។

វាគឺជាការចាប់ផ្តើមនៃការអភិវឌ្ឍផ្តល់នូវបទពិសោធន៍រថយន្តទំនើបរបស់អាមេរិកដល់អតិថិជនកម្ពុជា។ ក្រុមហ៊ុន Chevrolet Cambodia កំពុងផ្តោតយ៉ាងខ្លាំងលើផ្នែកលក់សេវាកម្មក្រោយការលក់ និងការផ្គត់ផ្គង់គ្រឿងបន្លាស់ ដើម្បីធានាថាអ្នកប្រើប្រាស់Coloradoទាំងអស់ទទួលបាននូវបទពិសោធន៍ ដែលមិនអាចប្រៀបផ្ទឹមបាន។​ The New Chevrolet Colorado មិនត្រឹមតែជារថយន្តភីកអាប់ប៉ុណ្ណោះទេ តែវាតំណាងឱ្យថាមពលដ៏ខ្លាំងក្លា នវានុវត្តន៍ និងមោទកភាពជាតិ៕