(បរទេស)៖ កីឡាករអន្តរជាតិកូរ៉េខាងត្បូង Son Heung-min បានឱ្យដឹងថានាថ្ងៃសៅរ៍នេះថា រូបគេនឹងចាកចេញពីក្លិប Tottenham Hotspurs នៅទីផ្សារដូវក្តៅនេះ ខណៈបានរួមរស់ជាមួយក្លិបរយៈពេល ១០ឆ្នាំ ដ្បិតក្នុងកិច្ចសន្យានឹងផុតនៅឆ្នាំ២០២៦ ក្រោយពេលរូបគេមិនបានបង្ហាញគោលដៅបន្ទាប់ណាមួយជាមួយក្លិប ។ នេះបើតាមប្រភពពី Reuters នាថ្ងៃទី០២ ខែសីហហា ឆ្នាំ២០២៥ ។

Son ដែលកំពុងស្ថិតក្រោមកិច្ចសន្យារហូតដល់ឆ្នាំ២០២៦ ក្នុងរយៈពេលកន្លងមកនេះបានរួមចំណែកជួយក្លិប Spurs ឈ្នះពានរង្វាន់ជាលើកដំបូងរបស់ពួកគេក្នុងរយៈពេល ១៧ឆ្នាំ បានស្គាល់ការឈ្នះពានរង្វាន់លីគអឺរ៉ុបលំដាប់ទី២ Europa League 2024-25 កាលពីខែឧសភា ពីការយកឈ្នះ Manchester United ។

ជាមួយគ្នានេះ ប្រព័ន្ធផ្សព្វផ្សាយរបស់អង់គ្លេស ក៏ឱ្យដឹងថារូបគេអាចមានការផ្សាភ្ជាប់ជាមួយនឹងការផ្លាស់ប្តូរទៅកាន់ក្លិប Los Angeles FC នៃលីគអាមេរិក Major League Soccer ។ ក្នុងគ្រានេះដែល Son បានលើកឡើងងា «នេះជាកន្លែងដែលខ្ញុំចូលចិត្តអស់រយៈពេល ១០ឆ្នាំមកហើយ នេះជាកន្លែងដែលខ្ញុំរីកចម្រើនយ៉ាងខ្លាំងក្នុងនាមជាកីឡាករបាល់ទាត់ ដូច្នេះខ្ញុំពិតជាមានចិត្តដឹងគុណខ្លាំងណាស់»។

«វាគឺជាការសម្រេចចិត្តដ៏លំបាកបំផុតមួយដែលខ្ញុំមិនធ្លាប់ធ្វើនៅក្នុងអាជីពបាល់ទាត់របស់ខ្ញុំ ក្នុងការលេងបាល់ទាត់ និងនៅជាមួយក្រុមតែមួយអស់រយៈពេល ១០ឆ្នាំ គឺជាអ្វីដែលខ្ញុំមានមោទនភាពបំផុត ប៉ុន្តែខ្ញុំគិតថា ខ្ញុំបានផ្តល់អ្វីៗទាំងអស់របស់ខ្ញុំដល់ក្រុមជារៀងរាល់ថ្ងៃ ។

សូមជម្រាបផងថា មុននឹងមានដំណឹងនេះ Son Heung-min ជាកីឡាកអន្តរជាតិកូរ៉េខាងត្បូងម្នាក់ បានលេងឱ្យក្លិប Spurs ប្រមាណជាង ៤៥៤ប្រកួត រកបានគ្រាប់ស៊ុតបញ្ចូលទីប្រមាណ ១៧៣គ្រាប់ ជាមួយការឈ្នះស្បែកជើងមាសប្រចាំលីគ Premier League 2021022 ផងដែរ ក្រោយផ្ទេរមកពីក្លិប Bayer Leverkusen តាំងពីឆ្នាំ២០១៥ ៕