ខុសប្លែកពីរាល់ដង! ចំណូលបានពីការលក់ផលិតផលក្នុងថ្ងៃប្រកួតបាល់ទាត់ពានរង្វាន់ «គ្រុឌស៊ូបភើខាប់» ឆ្នាំ២០២៥ នឹងឧបត្ថម្ភដល់បងប្អូនជនភៀសសឹក និងអ្នកពាក់ព័ន្ធ

02-08-2025 14:37

(ភ្នំពេញ)៖ អ្វីដែលអ្នកគាំទ្រកំពុងទន្ទឹងរង់ចាំបានមកដល់ហើយ សម្រាប់ហ្វេនៗគាំទ្រក្លឹបបាល់ទាត់នីមួយៗ ព្រះខ័នរាជស្វាយរៀង និងភ្នំពេញក្រោន ហើយក៏ជាការប្រកួតមួយដែលខុសប្លែកពីការប្រកួតមុនៗ ជាមួយព្រឹត្តិការណ៍នៃការប្រកួតដណ្តើមពានរង្វានជើងឯក «គ្រុឌស៊ូបភើខាប់» រដូវកាលថ្មី ២០២៥។ សម្រាប់ព្រឹត្តិការណ៍ការប្រកួតពានរង្វាន់ជើងឯក «គ្រុឌស៊ូបភើខាប់» ក្រុមហ៊ុន វឌ្ឍនៈ ជាម្ចាស់ឧបត្ថម្ភធំក្នុងកាប្រកួត នេះជាមានមោទកភាព ដែលបានសហការជាមួយសហព័ន្ធកីឡាបាល់ទាត់កម្ពុជា ដើម្បីបរិច្ចាគប្រាក់ទាំងអស់ដែលទទួលបានពីការលក់ផលិតផលក្នុងថ្ងៃប្រកួត ដើម្បីឧបត្ថម្ភដល់បងប្អូនជនភៀសសឹក និងអ្នកពាក់ព័ន្ធ ដែលកំពុងត្រូវការជំនួយពីពួកយើង ពិសេសអ្នកគាំទ្របាល់ទាត់កម្ពុជា។

លើសពីការចូលរួមចំណែក ក៏បានសហការឧបត្ថម្ភជាមួយខេមបូឌានព្រីមៀរលីគ ក្នុងការប្រកួតដណ្តើមពានរង្វាន់ក្នុងលីគកំពូលកម្ពុជា ក្នុងនោះក្រុមហ៊ុន វឌ្ឍនៈ ក៏បានធ្វើការឧបត្ថម្ភទៅតាមបណ្តាក្លិបបាល់ទាត់ផ្សេងៗ នៅលីគកំពូលកម្ពុជា ដូចជាក្លឹបបាល់ទាត់ព្រះខ័នរាជស្វាយរៀង ក្លិបបាល់ទាត់គិរីវង្សសុខសែនជ័យ ក្លឹបបឹងកេត ហើយកាន់តែពិសេសនោះ គឺក្រុមហ៊ុន វឌ្ឍនៈ ក៏ជាដៃគូឧបត្ថម្ភធំផ្លូវការ ដល់សហព័ន្ធកីឡាបាល់ទាត់កម្ពុជាផងដែរ។

ស្មារតីខ្មែរតែ១ សូមចូលរួមគាំទ្រទាំងអស់គ្នា សម្រាប់ការប្រកួតរវាង ព្រះខ័នរាជស្វាយរៀង ជាមួយភ្នំពេញក្រោន នៅថ្ងៃទី០៣ ខែសីហា ឆ្នាំ២០២៥ វេលាម៉ោង ៦ល្ងាច នៅពហុកីឡដ្ឋានជាតិអូឡាំពិក៕