(ភ្នំពេញ)៖ ពានរង្វាន់ដែលមន្ទីរពេទ្យកុមារ ម៉ាក់ស៊ីយែរ ទទួលបាននេះ គឺជា ពានរង្វាន់អន្តរជាតិ «មន្ទីរពេទ្យកុមារឆ្នើមប្រចាំ ឆ្នាំ ២០២៥» (Best Pediatric Hospital of the Year 2025) ពីស្ថាប័ន The Global Health Asia-Pacific។

ដើម្បីទទួលបានពានរង្វាន់នេះ មន្ទីរពេទ្យបានឆ្លងកាត់ការវាយតម្លៃយ៉ាងម៉ត់ចត់ពីគណៈកម្មការជំនាញអន្តរជាតិ ដោយផ្អែកលើលក្ខណៈវិនិច្ឆ័យជាច្រើន រួមមាន៖ គុណភាពសេវាព្យាបាល, បច្ចេកវិទ្យាវេជ្ជសាស្ត្រ, ការប្តេជ្ញាចិត្តចំពោះសុវត្ថិភាពអ្នកជំងឺ, ការច្នៃប្រឌិតថ្មីក្នុងការព្យាបាលកុមារ និងការចូលរួមចំណែកសហគមន៍។

The Global Health Asia-Pacific គឺជាស្ថាប័នដ៏មានកិត្យានុភាពមួយដែលទទួលស្គាល់ និងលើកកម្ពស់ឧត្តម ភាពផ្នែកសុខាភិបាលនៅក្នុងតំបន់អាស៊ីប៉ាស៊ីហ្វិក។ ពានរង្វាន់នេះត្រូវបានទទួលស្គាល់ដោយប្រទេសជាច្រើន នៅក្នុងតំបន់ រួមមាន៖ សិង្ហបុរី ម៉ាឡេស៊ី ថៃ ឥណ្ឌូនេស៊ី វៀតណាម ហ្វីលីពីន និងកម្ពុជាយើងជាដើម។

លោកវេជ្ជបណ្ឌិត វ៉ាន សុខជា ប្រធានមន្ទីរពេទ្យកុមារ ម៉ាក់ស៊ីឃែរ បានលើកឡើងពីក្រមសីលធម៌របស់ពេទ្យ ដោយបំពេញតួនាទីសង្គ្រោះជីវិតមនុស្សដោយមិនប្រកាន់ពូជសាសន៍ ពណ៌សម្បុរស ភេទ សាសនានោះឡើយ។

បង្កើតតាំងពីឆ្នាំ២០១៨ មន្ទីរពេទ្យកុមារ ម៉ាក់ស៊ីឃែរ បានទទួលអ្នកជម្ងឺជាកុមារច្រើនម៉ឺននាក់ ខណៈក្នុងមួយថ្ងៃទទួលចន្លោះពី ១០០ ទៅ១៥០នាក់។

ស្ថិតនៅកណ្ដាលក្រុងភ្នំពេញ មន្ទីរពេទ្យនេះមានឯកទេសពិសេសជាច្រើន រួមជាមួយក្រុមគ្រូពេទ្យដែលមានចំណេះជំនាញច្បាស់លាស់ និងសុទ្ធសឹងតែទទួលបានការសិក្សាពីសាលាល្បីៗនៅក្រៅប្រទេស។

អមជាមួយឧបករណ៍បច្ចេកទេសពីអឺរ៉ុប និងជប៉ុន, មន្ទីរពេទ្យកុមារ ម៉ាក់ស៊ីឃែរ មានចំណុចពិសេសជាច្រើនសម្រាប់ប្រជាជនខ្មែររួមមាន៖

*ផ្តោតលើឯកទេសកុមារសុទ្ធសាធ៖ មានក្រុមវេជ្ជបណ្ឌិតឯកទេសកុមារដែលបានបញ្ចប់ការសិក្សាពី ប្រទេសបារាំងនិងអូស្ត្រាលី និងគិលានុបដ្ឋាកដែលមានបទពិសោធន៍ខ្ពស់ក្នុងការថែទាំកុមារដោយក្តី ស្រឡាញ់ និងការយកចិត្តទុកដាក់

*បច្ចេកវិទ្យាទំនើប៖ បំពាក់ឧបករណ៍វេជ្ជសាស្ត្រទំនើបៗ ដើម្បីធានាការធ្វើរោគវិនិច្ឆ័យបានត្រឹមត្រូវ និងការព្យាបាលប្រកបដោយប្រសិទ្ធភាព

*បរិយាកាសដែលកុមារពេញចិត្ត៖ រៀបចំមន្ទីរពេទ្យឱ្យមានបរិយាកាសរួសរាយរាក់ទាក់ និងជាស្រុក ភាព ជួយកុមារឱ្យមានអារម្មណ៍ធូរស្រាលពេលមកទទួលការព្យាបាល

*សេវាកម្មពេញលេញ៖ Maxicare ផ្តល់សេវាពិនិត្យ & ព្យាបាលជំងឺកុមារ ការវះកាត់កុមារ និងការចាក់វ៉ា ក់សាំងគ្រប់ប្រភេទតាមស្តង់ដារអន្តរជាតិជាមួយនឹងតម្លៃសមរម្យ។

លោកវេជ្ជបណ្ឌិត បានគូសបញ្ជាក់ថា៖ «ក្នុងនាមជាវេជ្ជបណ្ឌិត និងជាជនជាតិខ្មែរ ខ្ញុំយល់ថាព័ត៌មាននេះពិតជាគួរឱ្យសោកស្តាយ ប្រសិនបើវាជាការពិត។ គោលការណ៍គ្រឹះនៃវិជ្ជាជីវៈពេទ្យ គឺ មិនប្រកាន់ពូជសាសន៍ សាសនា ភេទ ឬប្រភពដើមឡើយ»។

លោក បានបន្តថា រាល់អ្នកជំងឺ ទាំងអស់ មិនថាជាជនជាតិអ្វីទេ គឺមានសិទ្ធិទទួលបានការថែទាំសុខភាពប្រកបដោយគុណភាព។ «ការបដិសេធ មិនទទួលអ្នកជំងឺដោយសារតែជាតិសាសន៍ គឺផ្ទុយទាំងស្រុងពីក្រមសីលធម៌វិជ្ជាជីវៈពេទ្យ និងជាការរំលោភលើ សិទ្ធិមនុស្សជាមូលដ្ឋាន»។ លោកជឿជាក់ថា ស្ថាប័នសុខាភិបាលភាគច្រើន នៅតែប្រកាន់ខ្ជាប់នូវគោលការណ៍មនុស្ស ធម៌នេះ។

សម្រាប់មន្ទីរពេទ្យកុមារ ម៉ាក់ស៊ីយែរ ស្វាគមន៍អ្នកជំងឺគ្រប់រូបដោយស្មើភាពគ្នា និងប្តេជ្ញាផ្តល់សេវាថែទាំ កុមារឱ្យអស់ពីលទ្ធភាព។

បន្ថែមពីនេះ លោកប្រធានមន្ទីរពេទ្យកុមារ ម៉ាក់ស៊ីឃែរ ក៏បានបញ្ជាក់ថាមន្ទីរពេទ្យនេះ នឹងពង្រីកសាខាមួយទៀតដែលមានទំហំធំជាងមុន ដើម្បីធានាបានពីការផ្ដល់សេវាជូនប្រជាជនខ្មែរកាន់តែច្រើនផងដែរ៕

សូមទស្សនាកិច្ចសម្ភាសជាមួយ លោកវេជ្ជបណ្ឌិត វ៉ាន សុខជា ប្រធានមន្ទីរពេទ្យកុមារ ម៉ាក់ស៊ីឃែរ ដូចតទៅ៖