(បរទេស)៖ ក្រុមហ៊ុន CapitalG ដែលជាបុត្រសម្ព័ន្ធរបស់ Alphabet និងក្រុមហ៊ុនផលិតបន្ទះឈីប Nvidia កំពុងចរចាជាមួយក្រុមហ៊ុន Vast Data ដើម្បីវិនិយោគនៅក្នុងជំហានបន្ទាប់នៃការប្រមូលមូលនិធិ ដែលអាចធ្វើឲ្យតម្លៃរបស់ Vast Data ឡើងខ្ពស់ដល់ ៣០ពាន់លានដុល្លារ។ នេះបើយោងតាមការចេញផ្សាយដោយសារព័ត៌មាន Reuters នៅថ្ងៃទី០៤ ខែសីហា ឆ្នាំ២០២៤។

Vast Data ជាក្រុមហ៊ុនបច្ចេកវិទ្យាដែលមានមូលដ្ឋាននៅទីក្រុង New York ធ្វើការផ្គត់ផ្គង់ប្រព័ន្ធផ្ទុកទិន្នន័យ (storage systems) ដែលមានសមត្ថភាពខ្ពស់ សម្រាប់ប្រើប្រាស់ក្នុងបរិបទ AI និង GPU data centers។ ក្រុមហ៊ុននេះមានអតិថិជនដូចជា xAI (ក្រុមហ៊ុន AI របស់ Elon Musk) និង CoreWeave។ តាមរបាយការណ៍របស់សារព័ត៌មាន Reuters និង Business Standard ក្រុមហ៊ុននេះកំពុងស្វែងរកការវិនិយោគជាច្រើនពាន់លានដុល្លារ ពីក្រុមហ៊ុនបច្ចេកវិទ្យាធំៗ និងក្រុមហ៊ុនវិនិយោគឯកជន។

នៅដើមឆ្នាំ ២០២៥ កន្លងទៅនេះ Vast Data បានរាយការណ៍ថា មានចំណូលប្រចាំឆ្នាំប្រហែល ២០០ លានដុល្លារ ហើយរំពឹងថានឹងកើនដល់ ៦០០ លានដុល្លារ ក្នុងរយៈពេល១ឆ្នាំ។ ការប្រមូលមូលនិធិដំបូងៗរបស់ Vast Data មានតម្លៃជិត ៣៨០ លានដុល្លារ។ នៅឆ្នាំ ២០២៣ តម្លៃសរុបរបស់ក្រុមហ៊ុននេះគ្រោងថានៅត្រឹម ៩.១ ពាន់លានដុល្លារ។ ចុះហេតុអ្វីបានជាតម្លៃកើនឡើងយ៉ាងរហ័សបែបនេះ?

ចម្លើយនោះគឺ ការចូលរួមរបស់ CapitalG និងការជ្រៀតចូលរបស់ Nvidia បានធ្វើឲ្យតម្លៃរបស់ Vast Data កើនដល់ ៣ដង បើប្រៀបធៀបនឹងការវាយតម្លៃកន្លងមក។ ការជ្រើសរើសអ្នកគ្រប់គ្រងហិរញ្ញវត្ថុដែលមានបទពិសោធន៍ (ស្ទើរតែបង្ហាញថា ក្រុមហ៊ុននេះកំពុងត្រៀមខ្លួនចូលក្នុងផ្សារហ៊ុន៕