(ព្រះវិហារ-ឧត្តរមានជ័យ)៖ ស្របតាមអនុសាសន៍ដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងការណែនាំរបស់ធនាគារជាតិនៃកម្ពុជា ធនាគារ ស្ថាបនា បានយកចិត្តទុកដាក់ និងចូលរួមជួយយ៉ាងពេញទំហឹង ដល់សាច់ញាតិយោធិនពលីដែលបានរងផលប៉ះពាល់។

ជាក់ស្ដែងកាលពីថ្ងៃទី០១ និង០២ ខែសីហា ឆ្នាំ២០២៥ ធនាគារ ស្ថាបនា បានននាំយកអំណោយជាគ្រឿងឧបភោគបរិភោគ ថ្នាំសង្កូវ និងសម្ភារៈប្រើប្រាស់ចាំបាច់មួយចំនួនជូនវីរកងទ័ពជួរមុខ និងជនភៀសសឹកប្រមាណជាង ១,០០០គ្រួសារ។ គណៈគ្រប់គ្រង ព្រមទាំងបុគ្គលិកនៃធនាគារ ស្ថាបនា ទាំងអស់ បន្តរួមដំណើរជាមួយបងប្អូនប្រជាពលរដ្ឋកម្ពុជាគ្រប់កាលៈទេសៈ ហើយការរួមចំណែកមួយនេះ គឺជាការបង្ហាញការដឹងគុណ ស្មារតីសាមគ្គីភាព ដើម្បីប្រទេសជាតិមាតុភូមិរបស់យើង។

ធនាគារ «ស្ថាបនា» បញ្ជាក់ថា «យើងខ្ញុំសូមបួងសួងវត្ថុស័ក្តិសិទ្ធតាមថែរក្សាវីរកងទ័ព និងប្រជាជនខ្មែរទាំងអស់ ឱ្យមានសេចក្តីសុខ និងសុវត្ថិភាពជានិច្ចនិរន្តរ៍»៕