(បរទេស)៖ ប្រធាន FIFA លោក Gianni Infantino បានសម្តែងការគាំទ្រចំពោះលោកស្រីអាជ្ញាកណ្តាល Katia Itzel Garcia និងសហព័ន្ធកីឡាបាល់ទាត់ម៉ិកស៊ិក (FMF) បន្ទាប់ពីមន្ត្រីអជ្ញាកណ្តាលរូបនេះបានបង្ហើបថា លោកស្រីបានទទួលរងការរំលោភបំពាននៅលើអ៊ីនធឺណិត បន្ទាប់ពីដឹកនាំការប្រកួតពាន របស់ម៉ិកស៊ិក រវាងក្រុម Monterrey និង Cincinnati កាលពីថ្ងៃព្រហស្បតិ៍ សប្តាហ៍មុន។

Garcia ដែលបានធ្លាប់ធ្វើការដឹកនាំការប្រកួតរបស់ក្រុមបុរស នៅកម្មវិធីលីគ Liga MX, Gold Cup និងព្រឹត្តិការណ៍ Olympic Games បានគេរាយការណ៍ថា បានរងការគំរាមកំហែងដល់ជីវិត បន្ទាប់ពីលោកស្រីអាជ្ញាកណ្តាលរូបនេះដឹកនាំការប្រកួតកម្មវិធីពាន Leagues Cup 2025 ។

លោក Infantino បានសរសេរនៅលើគណនី Instagram របស់លោកកាលពីថ្ងៃចន្ទថា «ខ្ញុំមានការខកចិត្ត និងមានការសោកស្ដាយចំពោះការគំរាមកំហែងប្រឆាំង នឹងលោកស្រីអាជ្ញាកណ្តាល Katia Itzel បន្ទាប់ពីការដឹកនាំនៅក្នុងការប្រកួតជុំទី១ កម្មវិធីពាន League Cup 2025 »។

លោកបន្តថា ទង្វើបែបនេះមិនមាននោះទេ ក្នុងកីឡាបាល់ទាត់ និងនៅក្នុងសង្គមនៃទង្វើរំលោភបំពាន ការរើសអើង ឬហិង្សាគ្រប់ប្រភេទនោះទេ FIFA នឹងឈរនៅលើការសាមគ្គីភាពជាមួយសហព័ន្ធ FMF និង CONCACAF ក្នុងការថ្កោលទោសចំពោះសកម្មភាពរបស់អ្នកដែលធ្វើការគំរាមកំហែង ដែលនោះជាការមិនអាចទទួលយកបាន យើងនឹងផ្តល់នូវការគាំទ្រដោយគ្មានលក្ខខណ្ឌ ។

ជាមួយករណីនេះ សហព័ន្ធបាល់ទាត់ម៉ិចស៊ិក Mexican Football Federation ក៏បានឱ្យដឹងនៅក្នុងសេចក្តីថ្លែងការណ៍មួយកាលពីថ្ងៃសៅរ៍ថា នឹងផ្តល់ការគាំទ្រនឹងជម្រុញនៅដំបូន្មាន និងនៅអមជាមួយលោកស្រី Garcia នៅក្នុងដំណើរការបណ្តឹង នៅចំពោះមុខអាជ្ញាធរផ្ទាល់ផងដែរ ៕