(អ៉ីតាលី)៖ អាជ្ញាកណ្តាលនៅលីគ Serie A នឹងប្រកាសការសម្រេចដោយផ្ទាល់ បន្ទាប់ពីការឆែកតាមប្រព័ន្ធវីឌេអូជំនួយការអាជ្ញាកណ្តាល VAR ផ្ទាល់នៅក្នុងកីឡដ្ឋានចាប់ពីរដូវកាលក្រោយតទៅ។ នេះបើតាមអ្នកចាត់តាំងអាជ្ញាកណ្តាល Gianluca Rocchi បានប្រាប់ប្រព័ន្ធផ្សព្វផ្សាយអ៊ីតាលីកាលពីថ្ងៃអង្គារ ។

ក្នុងន័យនេះ លោក Rocchi បានបញ្ជាក់ថា នេះជាការផ្លាស់ប្តូរនៅជំហានមួយ ដើម្បីឆ្ពោះទៅមុខយ៉ាងសំខាន់ក្នុងការបង្កើនការទំនាក់ទំនងរវាងអាជ្ញាកណ្តាល និងឆ្លើយតបទៅកាន់សាធារណៈជន ក្នុងគោលបំណងដើម្បីធ្វើឱ្យការសម្រេចចិត្តរបស់មន្ត្រីអាជ្ញាកណ្តាលកាន់តែលឿន និងសុក្រឹតភាពច្បាស់ជាងមុន។

នេះជាគោលការណ៍ចំបងមួយស្តែងចេញពីអាជ្ញាកណ្តាល ដើម្បីពន្យល់ពីការសម្រេចចិត្តដល់ក្រុមអ្នកគាំទ្រ ជាមួយគ្នានេះរដូវកាលលីគ Serie A 2025-26 នឹងចាប់ផ្តើមនៅថ្ងៃទី២៣ ខែសីហានេះតទៅ ៕