(ភ្នំពេញ)៖ «សូមក្រាបក្បាលដល់ដី ដឹងគុណចងចាំវីរភាពទ័ពខ្មែរខ្លាំង ទ័ពស្រោបនគរ» នេះគឺជា Teaser ក្នុងបទចម្រៀង «ទ័ពស្រោបនគរ» របស់កំពូលតារាចម្រៀង ព្រាប សុវត្ថិ ដែលបានចេញនៅលើផេកផ្លូវការរបស់ផលិតកម្ម ហ្គាឡាក់ស៊ី ណាវ៉ាត្រា នាប៉ុន្មានម៉ោងមុននេះ ដែលបានធ្វើឱ្យអ្នកស្តាប់ព្រឺសម្បុរ ក្តុកក្តួលអារម្មណ៍ស្លុងទៅតាមអត្ថន័យ នៃបទចម្រៀងមួយបទនេះខ្លាំងណាស់ ។

បទចម្រៀង «ទ័ពស្រោបនគរ» គឺជាបទចម្រៀងថ្មីមួយដែលនិពន្ធទំនុកច្រៀងដោយលោក សុខ ជំនោរ។ ដោយឡែកការនិពន្ធ Melody ជាស្នាដៃរួមគ្នារបស់កំពូលតារាចម្រៀង ព្រាប សុវត្ថិ និងលោក សួន ពិសិដ្ឋ ចំណែកបទភ្លេងនិពន្ធដោយលោកគ្រូតាលោក សួន ពិសិដ្ឋ និងបកស្រាយដោយកំពូលតារាចម្រៀង ព្រាប សុវត្ថិ នឹងមានចេញជាផ្លូវការ នៅលើផេកផ្លូវការរបស់ផលិតកម្ម ហ្គាឡាក់ស៊ី ណាវ៉ាត្រា ក្នុងពេលឆាប់ៗនេះ។ ជាក់ស្តែងគ្រាន់តែ Teaser បទចម្រៀង «ទ័ពស្រោបនគរ» បានធ្វើឱ្យអ្នកស្តាប់ព្រឺសម្បុរ ស្លុងអារម្មណ៍ទៅតាមអត្ថន័យនៃបទចម្រៀងទៅហើយ ចុះទំរាំតែបទចម្រៀងពេញចេញជាផ្លូវការ មិនដឹងថា អស្ចារ្យកម្រិតណានោះទេ។

បទចម្រៀង «ទ័ពស្រោបនគរ» គឺធ្វើឡើងដើម្បីជាការដឹងគុណដល់វីរកងទ័ពជួរមុខនៃយើង ដែលបានខំប្រឹងប្រែងលះបង់ជីវិតការពារជាតិមាតុភូមិ យើងនឹងចងចាំវីរយុទ្ធជនពលី ចិត្តមុះមុតគ្រងធរណី កូនខ្មែរគ្មានថ្ងៃភ្លេចដើមទ្រូងទ័ពយើង។

សំឡេងដ៏ក្រអួនក្រអៅរបស់កំពូលតារាចម្រៀង ព្រាប សុវត្ថិ ក្នុងបទចម្រៀង «ទ័ពស្រោបនគរ» ពិតជាបានឆក់យកបេះដូងអ្នកស្តាប់ឱ្យស្លុងអារម្មណ៍ និងហាក់បីដូចជាស្ថិតនៅក្នុងព្រឹត្តិការណ៍ពិតៗ។ បទចម្រៀងនេះនឹងចេញជាផ្លូវការ ក្នុងពេលឆាប់ៗខាងមុខនេះ នៅក្នុងផលិតកម្ម ហ្គាឡាក់ស៊ី ណាវ៉ាត្រា។ កុំភ្លេងរង់ចាំតាមដានស្តាប់ និងទស្សនាទាំងអស់គ្នា..!៕