(បរទេស)៖ អតីតខ្សែបម្រើប្រយុទ្ធ Manchester United គឺ Scott McTominay ក៏ស្ថិតក្នុងចំណោមបេក្ខជនចំនួន ៣០នាក់នៃជុំដំបូង ក្នុងការប្រជែងយកពានឯកត្តជន Ballon d’Or 2025 ផងដែរ ក្រោយរួមចំណែកជួយក្លិប Napoli ឈ្នះជើងឯកលីគ Serie A រដូវកាលមុនរួចមក។

ពីគេហទំព័រកីឡា BBC បានចេញផ្សាយថា ចំពោះលទ្ធផលម្ចាស់ជយលាភីពានដ៏មានឥទ្ធិពលខាងលើនេះ នៅសល់រយៈពេលតែជាង ១ខែទៀត ពោលគឺនឹងប្រកាសផ្លូវការនៅថ្ងៃទី២២ ខែកញ្ញា ឆ្នាំ២០២៥ ខាងមុខ។

គួរកត់សម្គាល់ផងដែរថា ក្នុងចំណោមបេក្ខភាពទាំង ៣០នាក់នោះ សុទ្ធតែចេញពីក្លិបធំៗប្រចាំប្រទេសនៅតំបន់អឺរ៉ុប ដោយស្ថិតក្នុងចំណោមលីគធំៗទាំង៥ តែម្តងរួមមាន PSG, Real, Barcelona, Arsenal, Liverpool, Chelsea និង Man City និងក្លិបមកពីអាល្លឺម៉ង់ Bayern និង Dortmund និងមកពី Napoli និង Inter Milan របស់អ៉ីតាលីផងដែរ។

កីឡាករទាំងអស់នោះរួមមាន Dembele, Donnarumma, Bellingham, Doure, Dumfries, Guirassy, Haaland, Gyokeres, Hakimi, Kane, Kvaratskhelia, Lewandowski, Mac Allister, Martinez, McTominay, Mbappe, Nendes, Neves, Pedri, Palmer, Olise, Raphinha, Rice, Ruiz, Van Dijk, Sala, Vinicius Jr, Wirtz, Vitinha និង Yamal៕