(បរទេស)៖ កីឡាករប្រដាល់អង់គ្លេសដូចគ្នា Chris Eubank Jr និង Connor Benn នឹងត្រូវប្រកួតគ្នាជាលើកទី២ ទៀតនាថ្ងៃទី១៥ ខែវិច្ឆិកា ឆ្នាំ២០២៥ ខាងមុខ បន្ទាប់ពី Eubank បានយកឈ្នះ Benn ដោយពិន្ទុឯកច្ឆន្ទរួចមកក៏ដោយ កាលពីខែមេសាកន្លងទៅ។

ពីគេហទំព័រកីឡា BBC បានចេញផ្សាយថា ជំនួបមិត្តភាពរវាងកីឡាករទម្ងន់មធ្យមខាងលើនេះ នឹងបន្តធ្វើឡើងនៅសង្វៀនដែលស្ថិតក្នុងកីឡដ្ឋាន Tottenham Hotspur របស់ក្លិបបាល់ទាត់ Spurs ដដែល។

នៅចាំបានថា បន្ទាប់ពី Eubank បានទទួលជ័យជម្នះដោយពិន្ទុ ១១៦-១១២ ពីសំណាក់ចៅក្រមទាំង៣ រួចមក អ្នកគាំទ្រហាក់ និងអ្នកផ្គូផ្គងហាក់ដូចមិនពេញចិត្តនឹងលទ្ធផល និងស្នើឱ្យមានការប្រកួតឡើងវិញទៀតផង ដោយដំបូងឡើយ នឹងព្រមព្រៀងគ្នារៀបចំនាថ្ងៃទី២០ ខែកញ្ញា ហើយក្រោយមកអូសបន្លាយដល់ថ្ងៃទី១៥ ខែវិច្ឆិកាវិញ ដោយបារម្ភថា Eubank មិនទាន់ត្រៀមខ្លួនរួចរាល់។

លោក Eddie Hearn អ្នកផ្សព្វផ្សាយរបស់ Connor Benn និងជាប្រធាននៃ Mathroom Boxing ផងនោះ ក៏បានចែករំលែកពីកាលបរិច្ឆេទនេះនៅលើបណ្តាញាសង្គម Instagram របស់ខ្លួនរួចរាល់ហើយផងដែរ៕