(ភ្នំពេញ)៖ ការជ្រើសរើសជំនាញសិក្សាពិតជាមានសារៈសំខាន់ណាស់ ចំពោះយុវជនដែលទើបបញ្ចប់ការសិក្សា នៅថ្នាក់ទី១២ ព្រោះពួកគេឈានដល់ផ្លូវបំបែកមួយ ដែលចាប់ផ្តើមជាមនុស្សពេញវ័យ ហើយអាចកំណត់វាសនាខ្លួនឯងបាន មិនថាការរៀននៅមហាវិទ្យាល័យ រៀនបន្តខាងបណ្តុះបណ្តាលវិជ្ជាជីវៈ ឬចេញទៅធ្វើការងារ គឺជាការសម្រេចចិត្តរបស់ខ្លួន។ នៅពេលយុវជនជ្រើសរើសជំនាញសិក្សាបានត្រឹមត្រូវ ហើយស្របនឹងតម្រូវការរបស់សង្គមជាតិនោះវិស័យធនធានមនុស្សនឹងមានភាពរីកចម្រើនដែលធ្វើឱ្យបណ្តាវិស័យផ្សេងៗក៏អាចអភិវឌ្ឍទៅបានយ៉ាងរលូនផងដែរ។

ទន្ទឹមនឹងនេះ វិស័យគណនេយ្យ និងសវនកម្មដើរតួនាទីយ៉ាងសំខាន់ នៅក្នុងកម្មវិធីកំណែទម្រង់សេដ្ឋកិច្ច និង ហិរញ្ញវត្ថុក្នុងគោលដៅជំរុញកំណើនសេដ្ឋកិច្ចជាតិ តាមរយៈការធានាបាននូវគណនេយ្យភាព តម្លាភាព និងអភិបាលកិច្ចល្អ។ បន្ថែមពីនេះជំនាញគណនេយ្យ និងហិរញ្ញវត្ថុ ក៏បានផ្តល់ព័ត៌មានហិរញ្ញវត្ថុត្រឹមត្រូវ និងទាន់ពេលវេលា ដើម្បីជួយដល់ការសម្រេចចិត្តផ្នែកសេដ្ឋកិច្ច ការគ្រប់គ្រងធនធាន ការធានានូវតម្លាភាព និងគណនេយ្យភាព។ ទោះបីជាមានបញ្ហាប្រឈមមួយចំនួនក៏ដោយ អត្ថប្រយោជន៍នៃគណនេយ្យមានទំហំធំធេង ហើយវាជាឧបករណ៍ដ៏សំខាន់សម្រាប់ភាពជោគជ័យនៃអាជីវកម្ម ព្រោះគ្រប់សហគ្រាសនាៗពឹងផ្អែកលើអ្នកជំនាញគណនេយ្យ និងហិរញ្ញវត្ថុដែលមានវិជ្ជាជីវៈច្បាស់លាស់ ដើម្បីធានាឱ្យអាជីវកម្មដំណើរការដោយរលូន។ លើសពីនេះទៀត ឱកាសការងារនៃអាជីព គណនេយ្យ និងហិរញ្ញវត្ថុ គឺសឹងតែគ្មានដែនកំណត់មានដូចជា៖ គណនេយ្យករ អ្នកវិភាគហិរញ្ញវត្ថុ អ្នកប្រឹក្សាពន្ធ ហិរញ្ញិកសាជីវកម្ម ។

ជាក់ស្តែង CamEd Business School គឺជាវិទ្យាស្ថានមួយដែលផ្ដល់ការបណ្ដុះបណ្ដាលខ្ពស់លើជំនាញគណនេយ្យ ហិរញ្ញវត្ថុ សវនកម្ម និងពាណិជ្ជកម្ម។ វិទ្យាស្ថានមានការទទួលស្គាល់ចម្បងលើគុណភាពអប់រំ គុណភាពនៃការបង្រៀន ជាលក្ខណៈអន្តរជាតិពីស្ថាប័នអ្នកវាយតម្លៃគុណភាពអប់រំ ACBSP នៃសហរដ្ឋអាមេរិក និងសមាគមគណនេយ្យករជំនាញ ACCA នៅចក្រភពអង់គ្លេស ហើយក៏មានការទទួលស្គាល់ពីសំណាក់ប្រទេសចំនួន ១៨៣ លើពិភពលោក។

អ្វីដែលជាចំណុចពិសេសនោះគឺ សម្រាប់និស្សិតដែលបញ្ចប់ការសិក្សាថ្នាក់បរិញ្ញាបត្រនៅ CamEd Business School នឹងទទួលបានសញ្ញាបត្រ២ ក្នុងពេលតែមួយ។ បន្ថែមពីនេះ ចំពោះសាស្ត្រាចារ្យដែលបង្រៀននៅ CamEd Business School សុទ្ធសឹងតែមកពីបណ្តាប្រទេសធំៗដូចជា អាមេរិក អង់គ្លេស និងសាំងហ្គាពួរ ជាដើម ដែលពួកគាត់សុទ្ធតែមានគរុកោសល្យក្នុងការបង្រៀនលំដាប់អន្តរជាតិ រួមជាមួយបទពិសោធន៍ក្នុងការបង្រៀនជាយូរឆ្នាំ និងបានទទួលការវាយតម្លៃកម្រិតផ្កាយប្រាំ ពីស្ថាប័នវាយតម្លៃគុណភាពអប់រំ QS Stars នៃចក្រភពអង់គ្លេសផងដែរ ។

បន្ថែមពីនេះទៅទៀត CamEd Business School ក៏មានជាការផ្តល់ជូនឱកាសអាហារូបករណ៍ Academic Excellence Scholarship សម្រាប់ប្អូនៗសិស្សានុសិស្សដែលបញ្ចប់ថ្នាក់ទី ១២ និងទទួលបាននិទ្ទេសរួម៖ A B និង C រហូតដល់ $5000 សម្រាប់ការសិក្សាថ្នាក់បរិញ្ញាបត្រគណនេយ្យ និងហិរញ្ញវត្ថុ + សញ្ញាបត្រអន្តរជាតិអ្នកបច្ចេកទេសផ្នែកគណនេយ្យ CAT។ សិស្សានុសិស្សអាចធ្វើការចុះឈ្មោះ និងណាត់ថ្ងៃប្រឡងដោយឥតគិតថ្លៃចាប់ពីថ្ងៃនេះរហូតដល់ថ្ងៃទី ១៥ ខែសីហា ឆ្នាំ២០២៥ នៅវិទ្យាស្ថាន CamEd Business School។ ចុះឈ្មោះឥឡូវនេះតាមរយៈ៖ https://web.cam-ed.com/beta/ba-register ។

សម្រាប់ព័ត៌មានបន្ថែម សូមទំនាក់ទំនងទៅកាន់លេខ ០៧០ ៦៧៣ ៦៧៣ ឬ ០១០ ៩៨៦ ៥២៣ និងតាមតេឡេក្រាម ០៧៨ ៥៨៨ ៨៨៦ ឬក៏ចូលទៅកាន់គេហទំព័រ www.cam-ed.edu.kh ៕