(បរទេស)៖ GPT-5 ត្រូវបានចេញផ្សាយជាផ្លូវការនៅថ្ងៃទី៧ ខែសីហា ២០២៥ ហើយមានសម្រាប់អ្នកប្រើ ChatGPT ទាំងអស់ (Free, Plus, Pro និង Team)។ សម្រាប់អតិថិជនបែបអាជីវកម្ម (Enterprise) និង ដើម្បីសិក្សារ (Education) នឹងចូលប្រើបាននៅថ្ងៃទី១៤ ខែសីហា។ នេះបើតាមការចេញផ្សាយដោយសារព័ត៌មាន Reuters នៅថ្ងៃទី០៨ ខែសីហា ឆ្នាំ២០២៤។

OpenAI បានបញ្ជាក់ថា GPT-5 គឺជាម៉ូដែល ឆ្លាតបំផុត លឿនបំផុត និងមានប្រយោជន៍បំផុត ដោយមានជំនាញកាន់តែខ្ពស់ក្នុងវិស័យសរសេរកូដ គណិតវិទ្យា ការសរសេរអត្ថបទ អំពីសុខភាព និងការធ្វើរូបភាព។ GPT-5 ប្រើប្រព័ន្ធ router ខាងក្នុង ដើម្បីជ្រើសរើសវិធីដំណើរការដែលសមស្របបំផុត អាស្រ័យលើភាពស្មុគស្មាញនៃសំណួរ ឬប្រសិនបើអ្នកប្រើសរសេរ «think hard»។ សម្រាប់អ្នកអភិវឌ្ឍអាចប្រើ GPT-5 តាមរយៈ API ជាមួយវ៉ារីយ៉ង់ ៣—gpt-5, gpt-5-mini, និង gpt-5-nano។ GPT-5 សម្រេចបានលទ្ធផលកំពូលក្នុងតេស្តសំខាន់ៗជាច្រើនដូចជា៖

• Coding៖ ពិន្ទុខ្ពស់លើ SWE-bench Verified និង Aider Polyglot
• Multimodal & Reasoning៖ មានប្រសិទ្ធភាពខ្លាំងក្នុងវិស័យសុខភាព គណិតវិទ្យា ការយល់ឃើញរូបភាព ការប្រើឧបករណ៍ និងការធ្វើតាមការណែនាំ
• មុខងារថ្មីសម្រាប់អ្នកប្រើ ChatGPT៖
មានការបន្ថែម បុគ្គលិកលក្ខណៈផ្ទាល់ខ្លួន (custom personalities) ពណ៌ theme ផ្ទាល់ខ្លួន ការភ្ជាប់ជាមួយ Gmail និង Calendar និង voice mode ដែលបានកែលម្អ។
• ការកែលម្អសុវត្ថិភាព៖ ម៉ូដែលនេះត្រូវបានរចនាឡើងដើម្បីកាត់បន្ថយការបោកប្រាស់ បង្ហាញពីការកំណត់សម្គាល់ង និងផ្តល់ «safe completions» នៅពេលសំណើដែលបង្ហាញពីការព្រួយបារម្ភផ្នែកសុវត្ថិភាព។

ទោះជាយ៉ាងណាក៏ដោយ ការចេញផ្សាយនេះកើតឡើងក្នុងស្ថានភាពដែលមានការរំពឹងខ្ពស់ ហើយត្រូវបានចាត់ទុកថាជាចំណុចសំខាន់ក្នុងផ្លូវទៅរក AI យ៉ាងទូលំទូលាយ (AGI) ប៉ុន្តែមិនទាន់សម្រេចបាននៅឡើយទេ។ OpenAI ដែលជាក្រុមហ៊ុបមេនៅពីក្រោយកម្មវិធី ChatGPT សង្ឃឹមថា GPT-5 នឹងផ្តល់ផលចំណេញមកវិញ ដោយជំរុញឱ្យមានការទទួលយក AI វិញទាំងសម្រាប់ប្រើប្រាស់លក្ខណៈក្រុមហ៊ុន និងអ្នកប្រើទូទៅ៕