(ឡុងដ៍)៖ ក្នុងរយៈពេល ៣ឆ្នាំមកនេះ ក្រុមបាល់ទាត់អាជីពតោខៀវ Chelsea រកចំណូលបានជាង ២៥០លានផោន ពីការលក់កីឡាករចេញពីយុវជនថ្នាលរបស់ពួកគេ។ នេះបើយោងតាមការចេញផ្សាយដោយ BBC។

នេះមានន័យថា Chelsea គឺជាប្រភពនៃការបណ្តុះបណ្តាលយុវជនថ្នាលដ៏មានឥទ្ធិពលមួយ ក្នុងចំណោមក្លិបដទៃរបស់អង់គ្លេស ដែលមានទីលានហ្វឹកហាត់នៅឯ Surrey។

តួយ៉ាង ពួកគេបានលក់កីឡាករ Armando Broja ដែលចេញពីថ្នាលយុវជន Chelsea ទៅឱ្យ Burnley ក្នុងតម្លៃ ២០លានផោន ញាំងឱ្យពួកគេរកចំណូលបាន ៤១.២លានផោនផងដែរ ពីការលក់យុវជននារដូវក្តៅនេះ ស្របពេលខ្សែការពារ Bashir Humphreys ក៏ត្រូវផ្លាស់ទៅលេងនៅកីឡដ្ឋាន Turf Moor ក្នុងតម្លៃ ១៤.៧លានផោន និង Ishe Samuels-Smith លក់ទៅឱ្យ Strasbourg ក្នុងតម្លៃ ៦.៥លានផោនដែរនោះ។

Chelsea ដែលដណ្តើមបានពាន២ ក្នុងឆ្នាំ២០២៥ នេះគឺបានស្ថិតក្រោមការគ្រប់គ្រងដោយលោក Todd Boehly និងក្រុមហ៊ុន Clearlake Capital ដែលបានទិញក្លិបស្ថិតនៅទីក្រុង London ប្រទេសអង់គ្លេសមួយនេះពីមហាសេដ្ឋីរុស្ស៊ី លោក Roman Abramovich ដោយបង្ខំចិត្តលក់ ក្រោមគំនាបពីរដ្ឋាភិបាល និង Premier League នាអំឡុងឆ្នាំ២០២២៕