(ភ្នំពេញ)៖ ធនាគារ កាណាឌីយ៉ា ដែលជាធនាគារពាណិជ្ជឈានមុខគេមួយរបស់កម្ពុជាដែលមានបទពិសោធន៍ជាង ៣០ ឆ្នាំនៃការផ្តល់សេវាហិរញ្ញវត្ថុដ៏ល្អឥតខ្ចោះ បានទទួលកិត្តិយសជាថ្មីម្តងទៀតក្នុងការប្រសិទ្ធិនាមជា «ធនាគារគ្រប់គ្រងល្អបំផុតនៅកម្ពុជា» សម្រាប់ឆ្នាំ ២០២៥ ដោយស្ថាប័ន The Asian Banker (TAB) ដែលជាការទទួលស្គាល់ដែលធនាគារធ្លាប់ទទួលបានជាលើកដំបូងកាលពីឆ្នាំ ២០២២។ លោក Raymond Sia នាយកប្រតិបត្តិ និងជាប្រធានក្រុមប្រឹក្សាប្រតិបត្តិ នៃធនាគារ កាណាឌីយ៉ាក៏ត្រូវបានទទួលស្គាល់ជាមួយនឹងពានរង្វាន់ Leadership Achievement Award (នាយកប្រតិបត្តិធនាគារឆ្នើមបំផុត) ជាលើកទីពីរ ផងដែរ។

ពានរង្វាន់ Global Leadership Achievement Awards ពីស្ថាប័ន TAB គឺជាពានរង្វាន់ដ៏មានកិត្យានុភាព និងត្រូវបានសម្រិតសម្រាំងយ៉ាងផ្ចិតផ្ចង់បំផុតនៅក្នុងឧស្សាហកម្មហិរញ្ញវត្ថុក្នុងតំបន់ ដែលត្រូវបានប្រារព្ធឡើងរៀងរាល់បីឆ្នាំម្តង។ ការទទួលស្គាល់នេះ បានឆ្លុះបញ្ចាំងពីដំណើរការដ៏រឹងមាំរបស់ខ្លួនជាមួយគោលជំហរយ៉ាងរឹងមាំ ផ្នែកហិរញ្ញវត្ថុ ការធ្វើពិពិធកម្មអាជីវកម្ម នវានុវត្តន៍ឌីជីថល និងបរិយាបន្នហិរញ្ញវត្ថុ ដែលរួមចំណែកដល់ការអភិវឌ្ឍន៍សេដ្ឋកិច្ចកម្ពុជាតាមរយៈធនាគារ កាណាឌីយ៉ា។

កំណត់ត្រានៃឧត្តមភាពដ៏ទូលំទូលាយរបស់ធនាគារ រួមមាន ការទទួលស្គាល់ពីស្ថាប័ន TAB ថាជា «ធនាគារបម្រើសេវាកម្មរូបវន្តបុគ្គលឆ្នើមបំផុតនៅកម្ពុជា» រយៈពេលប្រាំឆ្នាំជាប់ៗគ្នាចាប់ពីឆ្នាំ២០២០ ដល់ឆ្នាំ២០២៥ និងជា «ធនាគារដែលរឹងមាំបំផុតលើតារាងតុល្យការ» ក្នុងឆ្នាំ២០១៩ និងជា «ធនាគារដែលគ្រប់គ្រងល្អបំផុត» ក្នុងឆ្នាំ២០២២ផងដែរ ។

*ការពង្រឹងបន្ថែមទៅលើផ្នែកអាជីវកម្មសំខាន់ៗទាំងបី

ធនាគារ កាណាឌីយ៉ា បន្តជំរុញឱ្យមានភាពផ្លាស់ប្តូរទៅលើផ្នែកអាជីវកម្មស្នូលចំនួនបីរបស់ខ្លួន ដោយផ្តោតលើនវានុវត្តន៍ បរិយាបន្ន និងដំណោះស្រាយហិរញ្ញវត្ថុដែលសមស្រប។ នៅក្នុងសេវាកម្មធនាគារសម្រាប់សាជីវកម្ម ធនាគារបានពង្រឹងវិធីសាស្រ្តផ្តោតលើអតិថិជនរបស់ខ្លួនជាចំបង ដោយចាប់ផ្តើមការផ្តល់ហិរញ្ញប្បទានខ្សែសង្វាក់ផ្គត់ផ្គង់ (supply chain financing) គម្រោងឥណទានដែលអាចបត់បែនបាន និងឥណទានបៃតងពីឆ្នាំ ២០២២ ដល់ឆ្នាំ ២០២៤។ ជាថ្នាលក្នុងការពង្រឹងភាពជាអ្នកដឹកនាំរបស់ខ្លួន ធនាគារ កាណាឌីយ៉ាបានចេញគំនិតផ្តួចផ្តើមជាយុទ្ធសាស្រ្តជាច្រើន ដូចជាការពង្រីកសេវាកម្មប្រតិបត្តិការធនាគារ (transactional banking) គាំទ្រដល់ការរៀបចំរចនាសម្ព័ន្ធឥណទាន និងការពង្រឹងភាពជាដៃគូកាន់តែស៊ីជម្រៅជាមួយ សាជីវកម្មធានាឥណទានកម្ពុជា (CGCC) ដើម្បីផ្តល់ហិរញ្ញប្បទានដល់អ្នកនាំចេញអង្ករ និងរោងម៉ាស៊ីនកិនស្រូវជាដើម។ ការបង្កើតអង្គភាពផ្តល់ហិរញ្ញប្បទានផ្នែកអចលនវត្ថុក្នុងឆ្នាំ ២០២៤ បានជួយសម្រួលបន្ថែមទៀតសម្រាប់វិស័យអចលនទ្រព្យ និងសំណង់ដែលកំពុងរីកដុះដាលនៅប្រទេសកម្ពុជា។

ធនាគារ កាណាឌីយ៉ា នៅតែជាស្ថាប័នហិរញ្ញវត្ថុដែលជួយជំរុញកំណើន និងការពង្រឹងផ្នែកហិរញ្ញវត្ថុ សម្រាប់សេវាកម្មធនាគារ ដែលផ្តោតលើ សហគ្រាសធុនតូចនិងមធ្យម និងហិរញ្ញវត្ថុបុគ្គល។ តាមរយៈការផ្តល់ហិរញ្ញប្បទានតាមតម្រូវការ នវានុវត្តកម្មឌីជីថល និងការចូលរួមយ៉ាងរឹងមាំជាមួយសមាគមដូចជា សមាគមសហគ្រិនវ័យក្មេងកម្ពុជា (YEAC) សមាគមសហគ្រិនស្ត្រីកម្ពុជា (CWEA) និងសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) ធនាគារបានជួយសហគ្រាសធុនតូច និងមធ្យមក្នុងការរៀបចំហិរញ្ញវត្ថុឲ្យបានត្រឹមត្រូវតាមស្តង់ដារ និងសមស្រប។ ធនាគារក៏បានពង្រីកលទ្ធភាពដើម្បីទទួលបានឥណទាន ដែលធ្វើឱ្យប្រសើរឡើងនូវសេវាទូទាត់ប្រាក់អន្តរជាតិ និងបានសហការគ្នាជាដៃគូជាមួយរាជរដ្ឋាភិបាលកម្ពុជា ដើម្បីជួយសម្រួលដល់ ប្រាក់តាវកាលិក របស់បេឡាជាតិរបបសន្តិសុខសង្គមតាមរយៈគណនីប្រាក់រៀលខ្មែរ-លើកកម្ពស់ការដាក់បញ្ចូលហិរញ្ញវត្ថុ និងការប្រើប្រាស់រូបិយប័ណ្ណក្នុងស្រុក ដែលផ្តោតសំខាន់សម្រាប់អតិថិជនទូទៅ ក៏ដូចជាអាជីវកម្មលក់រាយ។ កិច្ចខិតខំប្រឹងប្រែងទាំងនេះឆ្លុះបញ្ចាំងពីការប្តេជ្ញាចិត្តយ៉ាងម៉ឺងម៉ាត់របស់ធនាគារ កាណាឌីយ៉ា ក្នុងការបម្រើតម្រូវការដែលរីកដុះដាលរបស់អាជីវកម្ម និងអតិថិជនទាំងអស់ទូទាំងប្រទេស។

*ការប្តេជ្ញាចិត្តពង្រឹងទៅលើបរិវត្តកម្មឌីជីថល

នវានុវត្តន៍ឌីជីថលនៅតែជាមូលដ្ឋានគ្រឹះនៃយុទ្ធសាស្ត្រអភិវឌ្ឍរបស់ធនាគារ កាណាឌីយ៉ា ជាមួយនឹងការវិនិយោគធំៗជាច្រើនឆ្នាំមកនេះ ដើម្បីបង្កើតប្រព័ន្ធអេកូឌីជីថលដ៏រឹងមាំ ដែលលើកកម្ពស់បទពិសោធន៍ធនាគារសម្រាប់អតិថិជន ប្រសិទ្ធភាពប្រតិបត្តិការ និងបរិយាបន្នហិរញ្ញវត្ថុ។ គំនិតផ្តួចផ្តើមសំខាន់ៗរួមមាន ការកែលម្អសេវាធនាគារតាមអុីនធឺណែតសម្រាប់ក្រុមហ៊ុន ការរួមបញ្ចូល APIs ជាមួយដៃគូសហការ ការដាក់ឲ្យប្រើប្រាស់ដំណើរការវិធីសាស្ត្រទូទាត់ថ្មី ក៏ដូចជាកម្មវិធីទូរស័ព្ទដៃសម្រាប់ពាណិជ្ជករ (Merchant App) និងការកែលម្អឲ្យកាន់តែប្រសើរឡើងសម្រាប់កម្មវិធីទូរស័ព្ទដៃ Canadia Bank App ដែលបានដាក់ឲ្យប្រើប្រាស់នៅឆ្នាំ ២០២៥ ថ្មីៗនេះ។ ធនាគារក៏បានពង្រីកទីតាំងឌីជីថលរបស់ខ្លួនដោយការបើកមជ្ឈមណ្ឌល Smart Banking Centers ចំនួន ៥ កន្លែង នៅចន្លោះឆ្នាំ ២០២២ និង ២០២៣ ដែលជាមជ្ឈមណ្ឌលទំនើប បំពាក់ទៅដោយសេវាកម្មធនាគារពេញលេញ និងបច្ចេកវិទ្យាថ្មីសម្រាប់ការធ្វើសេវាកម្មធនាគារដោយខ្លួនឯង។ ទាំងអស់នេះបានស្តែងចេញពីការប្តេជ្ញាចិត្តរបស់ធនាគារ ចំពោះការផ្តល់សេវាកម្មធនាគារដែលឈានមុខគេ និងត្រៀមខ្លួនជាស្រេច សម្រាប់ការវិវត្តនាពេលអនាគត។

*ភាពរីកចម្រើនពីធនធានមនុស្ស និងសហគមន៍

ធនាគារ កាណាឌីយ៉ា នៅតែបន្តវិនិយោគក្នុងការកសាងកម្លាំងពលកម្ម ជាមួយនឹងគោលបំណងក្នុងការរៀបចំខ្លួនឲ្យរួចរាល់នាពេលអនាគត តាមរយៈកម្មវិធីបណ្តុះបណ្តាលដ៏ទូលំទូលាយ ការអភិវឌ្ឍន៍ភាពជាអ្នកដឹកនាំ និងវគ្គហ្វឹកហ្វឺនបង្កើនសមត្ថភាពឌីជីថលសម្រាប់បុគ្គលិករបស់ខ្លួន។ ការបំពេញបន្ថែមទាំងនេះ គឺជាការប្តេជ្ញាចិត្តយ៉ាងជ្រាលជ្រៅចំពោះការអភិវឌ្ឍសហគមតាមរយៈកម្មវិធីទំនួលខុសត្រូវសង្គម របស់ខ្លួនដូចជា Canadia Bank Cares ដែលគាំទ្រដល់គំនិតផ្តួចផ្តើម បរិស្ថាន សង្គម និងអភិបាលកិច្ច (ESG) ចំណេះដឹងផ្នែកហិរញ្ញវត្ថុ និងការអភិវឌ្ឍន៍វប្បធម៌។

លោក Raymond Sia នាយកប្រតិបត្តិ និងប្រធានក្រុមប្រឹក្សាប្រតិបត្តិនៃធនាគារ កាណាឌីយ៉ា បានថ្លែងថា៖ «យើងខ្ញុំមានកិត្តិយសជាខ្លាំងដែលធនាគារ កាណាឌីយ៉ាបានពានជាថ្មីម្តងទៀតជា “ធនាគារគ្រប់គ្រងល្អបំផុតនៅកម្ពុជា” ដែលជាការទទួលស្គាល់ដែលយើងខ្ញុំធ្លាប់ទទួលបានកាលពីឆ្នាំ ២០២២។ ការអបអរសាទរទាំងនេះ បានឆ្លុះបញ្ចាំងពីការលះបង់ និងការខិតខំប្រឹងប្រែងឥតឈប់ឈររបស់សហការីទាំងអស់នៅធនាគារ កាណាឌីយ៉ា ក៏ដូចជាការជឿទុកចិត្តរបស់អតិថិជន និងការគាំទ្រដ៏ឥតឈប់ឈរដែលយើងខ្ញុំទទួលបានពីគ្រប់ភាគីពាក់ព័ន្ធទាំងអស់ រួមទាំងប្រធានក្រុមប្រឹក្សាភិបាលរបស់ធនាគារ កាណាឌីយ៉ា លោកអ្នកឧកញ៉ា បណ្ឌិត ពុង ឃាវសែ សមាជិកក្រុមប្រឹក្សាភិបាល និងនិយតកររបស់យើង»។

លោកបានបន្តទៀតថា៖ «ក្នុងរយៈពេលប៉ុន្មានឆ្នាំកន្លងមកនេះ យើងបានផ្តោតលើការពង្រឹងផ្នែកអាជីវកម្មស្នូលរបស់យើង ដូចជា ការបង្កើនល្បឿនបរិវត្តកម្មន៍ឌីជីថល និងការវិនិយោគទៅលើសមត្ថភាពបុគ្គលិក ក៏ដូចជាសហគមន៍របស់យើង។ ចាប់ពីការដាក់ឲ្យដំណើរការដំណោះស្រាយហិរញ្ញវត្ថុប្រកបដោយភាពច្នៃប្រឌិត និងការពង្រីកសេវាកម្មធនាគារបែបឌីជីថល រហូតដល់ការលើកកម្ពស់ដល់សហគ្រាសធុនតូច និងមធ្យម ក៏ដូចជាចំណេះដឹងផ្នែកហិរញ្ញវត្ថុ ដំណើររបស់យើងខ្ញុំត្រូវបានជំរុញដោយការប្តេជ្ញាចិត្តចំពោះការអភិវឌ្ឍប្រកបដោយនិរន្តរភាព និងភាពវិជ្ជមាន។ យើងខ្ញុំនៅតែផ្តោតលើកាពង្រឹងអនាគារនៃការផ្តល់សេវាកម្មធនាគារដ៏ឥតខ្ចោះនៅកម្ពុជា ជាមួយនឹងគោលបំណងអភិវឌ្ឍច្បាស់លាស់ នវនុវត្តន៍ និងភាពរឹងមាំរបស់យើងខ្ញុំ»៕