(ភ្នំពេញ)៖ ក្រោមការផ្តួចផ្តើមពី លោកអគ្គនាយក អ្នកឧកញ៉ា ជាម ឃុនណាត និងលោកជំទាវ ហេង ចិន្តា ដោយមានការរួមចំណែកពីបុគ្គលិកគ្រប់ជាន់ថ្នាក់ ម្ចាស់ផ្ទះនៃ បុរី មេគង្គ លែន គ្រប់គម្រោង និងដៃគូសហការ បានចូលរួមគាំទ្រ និងលើកទឹកចិត្តដល់វីរកងទ័ពដែលមានចិត្តក្លាហានក្នុងបេសកកម្មការពារជាតិ។

កាលពីថ្ងៃទី០៩ ខែសីហា ឆ្នាំ ២០២៥ ក្រុមការងារ បុរី មេគង្គ លែន បានធ្វើដំណើរទៅកាន់ខេត្តឧត្តរមានជ័យ ដើម្បីប្រគល់សម្ភារៈចាំបាច់ និងវត្ថុប្រើប្រាស់សម្រាប់ជីវភាពប្រចាំថ្ងៃ និងការការពារសុខភាព រួមមាន៖
សម្ភារៈសម្រាប់វីរកងទ័ព
• ម៉ាស៊ីនភ្លើង ៨០kva ចំនួន ១គ្រឿង
• ដបទឹក ១លីត្រ សម្រាប់ផ្ទុកតាមខ្លួន ចំនួន ៥០០ដប
• ម៉ាស់ការពារសារធាតុគីមី ចំនួន ៥០០ម៉ាស់
• ចង្រ្កាននិងហ្គាស ចំនួន ១០០ឈុត
• ស្រ្ពាយបាញ់ការពារមូស ចំនួន ២០០ដប
• ប្រេងខ្យល់ ចំនួន ១០០ដប
• គ្រាប់ជី ចំនួន ៥០គីឡូក្រាម
• ស្រោមដៃការពារមុតដែក ចំនួន ២០០គូ

សម្ភារៈសម្រាប់ជនភៀសសឹក
• ទឹកក្រូច ចំនួន ១៥០កេស
• មីជាតិ ចំនួន ១៥០កេស
• ខោអាវ មនុស្សចាស់ និងកុមារ ចំនួនសរុប ៣,000 សម្រាប់
ប្រមាណទឹកប្រាក់សរុប៖ ជាង ៣0,000 ដុល្លារអាមេរិក។

សកម្មភាពនេះ មិនត្រឹមតែបង្ហាញពីចិត្តសប្បុរសក្នុងការជួយសង្គមទេ ប៉ុន្តែជាការបញ្ជាក់ថា បុរី មេគង្គ លែន មិនត្រឹមតែសាងសង់ផ្ទះដែលរឹងមាំ និងប្រណីតប៉ុណ្ណោះទេ ប៉ុន្តែសាងសង់សហគមន៍ដែលពោរពេញដោយសុភមង្គល និងការចូលរួមចំណែកក្នុងសង្គមដ៏វិសេសវិសាល និងមិនអាចវាស់តម្លៃបាន ដែលចេញពីទឹកចិត្តបរិសុទ្ធសម្រាប់ជាតិ និងមាតុភូមិ។
ពួកយើងពិតជាមានមោទនភាព ដែលកើតជាប្រជាជនខ្មែរ។