(ឡុងដ៏)៖ ក្លឹប Crystal Palace ពេលនេះបានស្គាល់លការលើកពានរង្វាន់បើករដូវកាលក្របខណ្ឌលីគអង់គ្លេស FA Community Shield 2025 ក្រោយពីបានយកឈ្នះក្រុមជើងឯករដូវកាលមុន Liverpool ពីការស៊ុតបាល់ ១១ម៉ែត្រកាត់សេចក្តី ៣-២ បន្ទាប់ពីប្រកួតពេញម៉ោងបានស្មើគ្នា ២-២ នៅកីឡដ្ឋាន Wembley ។

ស្ថិតក្នុងការប្រកួតជាមួយក្រុម Liverpool ដែលធ្លាប់លើកពាននេះ ១៦ដងមកហើយនោះ អ្នកចាំទី Dean Henderson បានបង្ហាញទម្រង់លេងយ៉ាងអស្ចារ្យជាមួយការសង្គ្រោះបាល់ប៉េណាល់ទី បន្ទាប់ពី Henderson បានសង្គ្រោះបាល់ពីការស៊ុត ៣ដងរបស់ Mohamed Salah, Alexis Mac Allister និង Harvey Elliott ហើយកីឡាករបម្រុង Justin Devenny បានស៊ុតបាល់ប៉េណាល់ទីយ៉ាងល្អជួយក្រុមលើកពាននេះ ។

តាមរយៈនេះ លោក Oliver Glasner បានបន្តបង្កើតកំណត់ត្រាថ្មីទៀតជាមួយការដឹកនាំក្រុម Crystal Palace ស្គាល់ការឈ្នះពានក្នុងក្របខណ្ឌលីគអង់គ្លេស បន្ទាប់ពានដំបូង FA Cup ដែលយកឈ្នះក្រុមលំដាប់ខ្លាំង Manchester City និងពាន FA Community Shield 2025 យកឈ្នះ Liverpool ៕

ខណៈក្លឹប Palace កំពុងរង់ចាំការសម្រេចជាផ្លូវការនាថ្ងៃចន្ទនេះថា តើពួកគេនឹងត្រូវបានអនុញ្ញាតឱ្យលេងក្នុងការប្រកួតពានរង្វាន់លំដាប់ទី២ របស់ទ្វីបអឺរ៉ុបក្នុងរដូវកាល២០២៥/២៦ ដែរឬអត់ បន្ទាប់ក្រុមនេះត្រូវបានសម្រេចទម្លាក់ទៅលេងក្នុងពានទី៣ UEFA Conference League។ ជាការដាក់ទណ្ឌកម្មមួយចំពោះការបំពានច្បាប់កម្មសិទ្ធិពហុនៃក្លឹប ។
ដែលក្លឹបបច្ចុប្បន្នកំពុងស្ថិតក្រោមភាគហ៊ុនរបស់អ្នកជំនួញជនជាតិអាមេរិក John Textor ដែលជាម្ចាស់ភាគហ៊ុននៅក្នុងក្លឹប ហើយក៏បានភាគហ៊ុនភាគច្រើននៅក្លឹនបបារាំង Lyon ដែលមានសិទ្ធិគ្រប់គ្រាន់សម្រាប់លេងពានទី ២អឺរ៉ុប Europa League នោះផងដែរ។

បណ្តឹងឧទ្ធរណ៍របស់ Crystal ក៏បានដាក់ជូនក្នុងការប្រឆាំងនឹងការទម្លាក់ពួកគេ ទៅកាន់តុលាការអាជ្ញាកណ្តាលសម្រាប់កីឡា (CAS) រួចហើយផងដែរ ៕