(ឡុងដ៏)៖ ក្លឹបលីគអង់គ្លេស AFC Bournemouth របាយការណ៍បានបង្ហាញថា ក្លឹបនេះខិតកាន់តែជិតបញ្ចប់ការចុះហត្ថលេខាលើខ្សែការពារកណ្តាលបារាំង Bafode Diakite ពីក្លឹប Lille ក្នុងតម្លៃកំណត់ត្រាមួយប្រហែល ៣៤.៦លានផោ ចំពោះកីឡាករខ្សែការពារមួយរូបនេះនឹងមានតម្លៃផ្ទេរខ្ពស់ទី២ ប្រចាំក្លឹប ។

តារយៈ BBC បានឱ្យដឹងថា កីឡាករបារាំង Diakite មានវ័យ ២៤ឆ្នាំនឹងត្រូវចំណាយតម្លៃថ្លៃដើមប្រមាណ ៣០.៣លានផោន បូករួមនឹង ៤.៣លានផោនបន្ថែមទៀត ដែលនឹងធ្វើឱ្យរូបគេក្លាយជាកីឡាករមានតម្លៃថ្លៃបំផុតទីពីររបស់ក្លឹប AFC Bournemouth ។ ដែលកីឡាករម្នាក់បង្ហាញខ្លួន ៨៥ដងជាមួយ Lille នៅលីគ Ligue 1 ក្រោយផ្ទេរមកពី Toulouse កាលឆ្នាំ២០២២ និងបានលេងចំនួន ១០ដងក្នុងក្របខ័ណ្ឌ UEFA Champions League កាលពីរដូវកាលមុន។

ក្លឹប Bournemouth ក៏ធ្លាប់បានបំបែកកំណត់ត្រាផ្ទេររបស់ពួកគេកាលពីរដូវកាលមុន ចំពោះការចុះហត្ថលេខាទិញយកខ្សែប្រយុទ្ធ Evanilson ពីក្លឹប FC Porto ក្នុងតម្លៃខ្លួនកើនឡើងដល់ ៤០.២លានផោន។ ហើយបច្ចុប្បន្ន Diakite ក៏កំពុងស្ថិតនៅក្នុងចក្រភពអង់គ្លេស ដើម្បីពិនិត្យសុខភាព នឹងក្លាយជាកីឡាករទី៣ របស់ក្លឹបនៅរដូវក្តៅនេះ បន្ទាប់ពីការទៅដល់របស់ខ្សែការពារឆ្វេង Adrien Truffert និងអ្នកចាំទី Djordje Petrovic ៕