(បរទេស)៖ រដ្ឋាភិបាលឥណ្ឌាបានប្រកាសថា ទំនិញនាំចេញរបស់ខ្លួនប្រមាណ ៥៥% ទៅកាន់សហរដ្ឋអាមេរិក នឹងត្រូវជាប់ពន្ធគយបន្ថែមពីសំណាក់រដ្ឋបាលរបស់លោក ដូណាល់ ត្រាំ។ នេះបើយោងតាមការចេញផ្សាយដោយ CNA នៅថ្ងៃទី១១ ខែសីហា ឆ្នាំ២០២៥។

ការប្រកាសនេះធ្វើឡើងបន្ទាប់ពីលោក Trump បានដំឡើងពន្ធបន្ថែម ២៥% លើទំនិញឥណ្ឌាកាលពីសប្ដាហ៍មុន។ ការដំឡើងពន្ធនេះ គឺដើម្បីដាក់ទណ្ឌកម្មលើឥណ្ឌាដែលបានទិញប្រេងពីប្រទេសរុស្ស៊ី។ ដូច្នេះ ពន្ធសរុបដែលឥណ្ឌាត្រូវបង់លើទំនិញនាំចេញទៅអាមេរិកបានកើនឡើងដល់ ៥០% ដែលជាអត្រាមួយខ្ពស់បំផុតសម្រាប់ដៃគូពាណិជ្ជកម្មរបស់អាមេរិក។

លោក Pankaj Chaudhary រដ្ឋមន្ត្រីក្រសួងហិរញ្ញវត្ថុឥណ្ឌាបានបញ្ជាក់ថា ការប៉ាន់ស្មាននេះបានគិតបញ្ចូលទាំងពន្ធចាស់ដែលបានដាក់រួចហើយ។ បច្ចុប្បន្ន នាយកដ្ឋានពាណិជ្ជកម្មឥណ្ឌាកំពុងប្រឹក្សាជាមួយអ្នកនាំចេញ និងក្រុមហ៊ុននានា ដើម្បីវាយតម្លៃពីផលប៉ះពាល់នៃស្ថានភាពនេះ។

គួរជម្រាបថា ពាណិជ្ជកម្មទំនិញរវាងសហរដ្ឋអាមេរិក និងឥណ្ឌា មានតម្លៃប្រហែល ៨៧ ពាន់លានដុល្លារ នៅក្នុងឆ្នាំសារពើពន្ធចុងក្រោយ៕