(ឡុងដ៍)៖ ខ្សែប្រយុទ្ធអន្តរជាតិអង់គ្លេស Jack Grealish នឹងពាក់លេខ១៨ ដែលជាលេខ Wayne Rooney ធ្លាប់ពាក់នៅក្លិបស្ករគ្រាប់ Everton នេះនាពេលកន្លងមក ក្រោយពេលចុះកិច្ចសន្យាលេងខ្ចីជើង ១រដូវកាល ២០២៥-២៦ ពីក្លិបរួមលីគ Manchester City។

កីឡាករវ័យ ២៩ឆ្នាំរូបនេះ បានក្លាយជាសមាជិកថ្មីទី៦ របស់ Everton ក្នុងទីផ្សារដោះដូរកីឡាករនារដូវក្តៅនេះ ក្រោយការមកដល់របស់កីឡាករ Kiernan Dewsbury-Hall, Charly Alcaraz, Thierno Barry, Mark Travers និង Adam Aznou។

ក្រោយការមកដល់កីឡដ្ឋានថ្មី Hill Dickinson ភ្លាម Jack ក៏មានឈ្មោះលេងក្នុងថ្ងៃប្រកួតបើកឆាក Premier League រដូវកាលថ្មី ២០២៥-២៦ ទល់នឹងក្រុមទើបឡើងមកថ្មីផងដែរគឺ Leeds United នៅរាត្រីឆ្លងចូលថ្ងៃចន្ទ ទី១៨ ខែសីហា ឆ្នាំ២០២៥។

Jack បានថ្លែងយ៉ាងខ្ចីថា «Everton ជាទីកន្លែងតែមួយគត់ដែលខ្ញុំចង់ទៅ» និងបានជជែកគ្នាយ៉ាងល្អូកល្អឺនផងដែរជាមួយអ្នកចាត់ការទូទៅក្លិបនេះ លោក David Moyes ដែលជាអតីតគ្រូបង្វឹកចាស់របស់ Rooney នៅទីនេះដូចគ្នា កាលលោកនៅកាន់តំណែងលើកដំបូង៕