(សៀមរាប)៖ នាព្រឹកថ្ងៃទី១២ ខែសីហា ឆ្នាំ២០២៥នេះ ក្រុមហ៊ុន N.H.O និង Atomy Global Group បានប្រារព្ធពិធីបើកការដ្ឋានសាងសង់ជាផ្លូវការ និងដាំដើមឈើជានិមិត្តរូប ដែលជាការកត់សម្គាល់នៃការចាប់ផ្ដើមរបស់ DreamVille ដែលជាទីប្រជុំជនរួមបញ្ចូលគ្នាដំបូងគេនៅក្នុងទីក្រុងបេតិកភណ្ឌនៃខេត្តសៀមរាបរបស់ប្រទេសកម្ពុជា។ ពិធីនេះស្ថិតក្នុងវត្តមានរបស់លោក ហែន ពុទ្ធី អភិបាលរងនៃគណៈអភិបាលខេត្តសៀមរាប និងលោកអគ្គនាយក Han-Gill Park កក្រុមហ៊ុន Atomy និងលោក Kim តំណាងក្រុមហ៊ុន NHO ព្រមទាំងវត្តមានថ្នាក់ដឹកនាំខេត្តសៀមរាប អាជ្ញាធរមានសមត្ថកិច្ច ប្រតិបត្តិករទេសចរណ៍ ធុរជន និងភ្ញៀវជាតិ-អន្តរជាតិ ព្រមទាំងវត្តមានចូលរួមពីខាងក្រុមហ៊ុន Atomy និង NHO ផងដែរ។

ក្នុងសុន្ទរកថាក្រុមហ៊ុន NHO បានបញ្ជាក់ថា ការដ្ឋាននេះ មានផ្ទៃដី ៣៥.៤ ហិកតា សម្រាប់ DreamVille សៀមរាប ត្រូវបានមើលឃើញថាជាទីក្រុងប្រជុំជនរួមបញ្ចូលគ្នា រួមមានផ្ទះថ្មីទំនើប សាលារៀន សួនកម្សាន្ត មណ្ឌលសុខភាព និងទីតាំងពាណិជ្ជកម្មចម្រុះជាច្រើន ដែលផ្តល់ភាពងាយស្រួលបំផុត ដល់តម្រូវការនៃការរស់នៅប្រចាំថ្ងៃ ការធ្វើដំណើរជិតឆ្ងាយ និងការវិនិយោគសម្រាប់អនាគតជូនដល់អតិថិជន។ គម្រោងនេះគឺជាគំនួបផ្សំរវាងគតិបណ្ឌិតនៃ N.H.O គឺកសាងសហគមន៍ដែលមានផាសុកភាព និងស៊ីវិល័យ ចក្ខុវិស័យដ៏យូរអង្វែងរបស់ Atomy គម្រោងនេះ មានគោលបំណងកំណត់ស្ដង់ដារថ្មីសម្រាប់ទីក្រុងដែលគួរជាទីរស់នៅ ក្នុងប្រទេសកម្ពុជា។ ដោយប្រកាន់យកគតិបណ្ឌិតគឺការអភិវឌ្ឍន៍សហគមន៍ប្រកបដោយសុវត្ថិភាព និងផាសុកភាព DreamVille ត្រូវបានរៀបចំដើម្បីឆ្ពោះទៅរកការរស់នៅបែបធម្មជាតិ និងមានភាពតភ្ជាប់គ្នា ដែលក្នុងនោះមានផ្ទៃដីជាង ១៩ ហិកតា ស្មើនឹង ៥៥%នៃផ្ទៃដីសរុប គឺសម្រាប់សួនច្បារ។ ដែលក្នុងនោះរួមមាន៖
* Dream Park គឺជាសួនច្បារវប្បធម៌ និងជាទីកន្លែងសម្រាប់កម្សាន្តនៅចំកណ្ដាលនៃ DreamVille
* Pocket Parks & Gallery Park មានតំបន់សម្រាប់លេងកម្សាន្ត កន្លែងហាត់ប្រាណ សួនច្បារ និងការរចនាទេសភាពបែបវិចិត្រសិល្បៈ
* រុក្ខជាតិបៃតងត្រូពិច ដែលគ្របដណ្ដប់ពេញទិសទី វិថីសិប្បករ សាលារៀន និងតំបន់សេវាកម្ម
ភាពបៃតងនេះឆ្លុះបញ្ចាំងពីចក្ខុវិស័យរបស់ DreamVille ក្នុងការធ្វើឱ្យក្លាយជាទីក្រុងបៃតងទំនើបដំបូងគេបង្អស់នៅខេត្តសៀមរាប ដែលជាកន្លែងមនុស្សរស់នៅ រៀនសូត្រ ធ្វើការ លេងកម្សាន្ត និងជាទីកន្លែងសម្រាប់តភ្ជាប់គ្នារ ដើម្បីឆ្ពោះទៅរកអនាគតដ៏ល្អប្រសើរ។

នៅក្នុងពិធីនោះ លោក ហែន ពុទ្ធី បានថ្លែងថា «ព្រឹត្តិការណ៍ថ្ងៃនេះមិនត្រឹមតែមានសារៈសំខាន់សម្រាប់ការចាប់ផ្ដើមគម្រោងប៉ុណ្ណោះទេ ប៉ុន្តែថែមទាំងមានន័យសំខាន់ចំពោះការអភិវឌ្ឍន៍សេដ្ឋកិច្ច និងសង្គមរបស់ខេត្តសៀមរាប ផងដែរ។ លោកសង្ឃឹម និងជឿជាត់ថា ជាមួយនិងការសហការយ៉ាងជិតស្និទ្ធរវាងភាគីទាំងអស់ ការគាំទ្រពីរាជរដ្ឋាភិបាលកម្ពុជា អាជ្ញាធរមូលដ្ឋាន និងកិច្ចសហប្រតិបត្តិការអន្តរជាតិ គម្រោងនេះនឹងអាចអនុវត្តបានដោយជោគជ័យ ហើយរួមចំណែកបង្កើតរូបរាងថ្មីឱ្យខេត្តសៀមរាប»។ លោកក៏បានបញ្ជាក់ថា យើងមានមោទនភាពខ្ពស់ និងប្ដេជ្ញាថានឹងរួមដំណើរការជាមួយសហគ្រាស ដើម្បីធានាឱ្យគម្រោងនេះអនុវត្តបានប្រកបដោយប្រសិទ្ធិភាព និងចីរភាព រួមចំណែកបង្កើតរូបរាងថ្មីឱ្យខេត្តសៀមរាប ឆ្ពោះទៅអនាគតអភិវឌ្ឍន៍រ៉ុងរឿង។

បើតាមប្រសាសន៍ ខាងក្រុមហ៊ុន N.H.O ដែលជាអ្នកអភិវឌ្ឍន៍គម្រោងនេះ ក៏បានប្រកាស់ជាផ្លូវការនូវការបើកសាលារៀន DREAMY ដែលការអប់រំផ្ដោតការអភិវឌ្ឍន៍គ្រប់ជ្រុងជ្រោយនៅចំកណ្ដាលមជ្ឈមណ្ឌលនៃ DreamVille ដែលជាប្រព័ន្ធសាលារៀនពីរភាសានៅខេត្តសៀមរាប ដែលគ្រោងនិងបើកដំណើរការក្នុងត្រីមាសទី២ ឆ្នាំ២០២៧។ ជាផ្នែកមួយនៃចក្ខុវិស័យរបស់ DreamVille គឺដើម្បីប្រែក្លាយជាទីក្រុងដ៏អស្ចារ្យក្នុងក្ដីស្រមៃ សាលារៀន Dreamy ត្រូវបានរចនាឡើងឆ្លងតាមរយៈកម្មវិធីសិក្សាតាមបែបដើម្បីបញ្ចូលគ្នានូវកម្មវិធីសិក្សាអន្តរជាតិ និងក្នុងស្រុក ដោយផ្ដោតលើការសិក្សាឆ្លងតាមរយៈបទពិសោធន៍ ការសហការ និងការរីកចម្រើនផ្ទាល់ខ្លួន។ សាលារៀននឹងផ្ដល់នូវការអប់រំគ្រប់ជ្រុងជ្រោយ ចាប់ពីថ្នាក់មត្តេយ្យសិក្សា និងបឋមសិក្សា រហូតដល់មធ្យមសិក្សា និងការបណ្ដុះបណ្ដាលវិជ្ជាជីវៈ។ ជាមួយនិងគតិបណ្ឌិត «ការរៀនដោយក្ដីស្រឡាញ់» ការលើកកម្ពស់ការអភិវឌ្ឍន៍រួមតាមរយៈបទពិសោធន៍ និងកិច្ចសហប្រតិបត្តិការ។ សាលារៀន Dreamy នាំមកនូវចក្ខុវិស័យអប់រំរបស់ DreamVille ដល់ជីវិតមនុស្ស គឺ៖ ការថែទាំចិញ្ចឹមបីបាច់កយមារគ្រប់រូប មិនត្រឹមតែឱ្យពួកគេមានចំណេះដឹងទេ នៅថែមទាំងផ្ដល់នូវសេចក្ដីស្រឡាញ់ ភាពឆ្នៃប្រឌិត និងសេរីភាពក្នុងការរុករកស្វែងយល់អំពីពីភពលោកតាមរបៀបរបស់ពួកគេ ផងដែរ។

គួរបញ្ជាក់ផងដែរថាសាលារៀន Dreamy មានកម្មវិធីសិក្សាពីរភាសា គឺភាសាខ្មែរ និងភាសាអង់គ្លេស រៀបចំឡើងដោយរក្សាបានតុល្យភាពរវាងសកលភាវូបនីយកម្ម និងរក្សាបាននូវអត្តសញ្ញាណវប្បធម៌ក្នុងស្រុក។ ចំពោះវិធីសាស្ត្រសិក្សាដោយមិនមានការប្រកួតប្រជែង ផ្អែកលើបទពិសោធន៍ គឺរៀនតាមរយៈការឆ្នៃប្រឌិត ការលេងកម្សាន្ត និងធ្វើការងារជាក្រុម។ រីឯប្រាក់ចំណេញប្រតិបត្តិការទាំងអស់ ត្រូវបានវិនីយោគឡើងវិញទៅក្នុងសហគមន៍សាលារៀន ដើម្បីគាំទ្រដល់ផលប៉ះពាល់ផ្នែកអប់រំក្នុងរយៈពេលវែង។ ចំណែកឯគ្រឿងបរិក្ខារទំនើបៗ រួមមាន ទីលានកីឡា សួនកុមារ និងកន្លែងរៀននៅខាងក្រៅ ព្រមទាំងការចិញ្ចឹមបីបាច់ទាំងសុខភាព ទាំងរាងកាយ និងទាំងការអភិវឌ្ឍន៍ដោយធម្មជាតិ។កន្លងទៅយើងបានបើកដំណើរការដំបូងនៅប្រទេសកូរ៉េខាងត្បូងក្នុងឆ្នាំ២០១៩ និងប្រទេសហ្វីលីពីននៅឆ្នាំ២០២៣ ហើយបច្ចុប្បន្ននេះ បានមកដល់ព្រះរាជាណាចក្រកម្ពុជា។ សាលារៀន Dreamy មិនត្រឹមតែជាសាលារៀនតែប៉ុណ្ណោះទេ វាថែមទាំងជាប្រព័ន្ធអេកូឡូស៊ីនៃការរៀនសូត្រគ្រប់ជ្រុងជ្រោយ ដោយជួយដល់ការបណ្ដុះគំនិត ទាំងផ្លូវកាយ និងផ្លូវចិត្ត ព្រមទាំងការអភិវឌ្ឍន៍បំណិនសង្គមរបស់មនុស្សជំនាន់ក្រោយ។

លោក Kang Myung Gu នាយកសាលារៀន Dreamy បានលើកឡើងថា «ការនាំយកសាលារៀន Dreamy ចូលទៅក្នុងទីប្រជុំជននិងជួយដល់ការថែទាំ ចិញ្ចឹមបីបាច់ក្មេងជំនាន់ក្រោយ ពង្រឹងចំណងគ្រួសារ និងជម្រុញក្ដីសុបិនដ៏ធំសម្រាប់សហគមន៍ខ្មែរសម័យទំនើប។ សាលារៀន Dreamy មិនត្រឹមតែផ្ដល់សេចក្ដីសុខដល់រាល់គ្រួសារ អំពីការអប់រំប៉ុណ្ណោះទេ វាថែមទាំងបង្ហាញអំពីការប្ដេជ្ញាចិត្តរបស់យើងខ្ញុំ ក្នុងការកសាងសហគមន៍ប្រកបដោយស្ថិរភាព ដែលមនុស្សអាចរស់នៅបានរៀនសូត្រ និងរីកចម្រើនជាមួយគ្នានៅចំមជ្ឈមណ្ឌលនៃខេត្តសៀមរាប»។

ជាមួយនឹងចក្ខុវិស័យរបស់ខ្លួនសម្រាប់ទីប្រជុំជនរបៀបរួមបញ្ចូលគ្នាពេញលេញ ដែលមានសាលារៀន ការថែទាំសុខភាព សួនកម្សាន្ត និងកន្លែងពាណិជ្ជកម្ម ក្រុមហ៊ុន N.H.O ប្ដេជ្ញានិងបង្កើសហគមន៍ប្រកបដោយស្ថិរភាពសម្រាប់មនុស្សជំនាន់ក្រោយ។ ហើយ DreamVille ស្ថិតនៅផ្លូវបំបែកផ្លូវជាតិលេខ៦ ផ្លូវក្រវ៉ាត់ក្រុងទី៣ និងផ្លូវល្បឿនលឿនទៅអាកាសយានដ្ឋានអន្តរជាតិសៀមរាប-អង្គរ DreamVille មានទីតាំងនៅតាមច្រករបៀងដែលកំពុងរីកចម្រើនក្នុងខេត្តសៀមរាប។ យោងតាមរដ្ឋលេខាធិការដ្ឋានអាកាសចរណ៍ស៊ីវិល (SSCA) បានឱ្យដឹងថា អាកាសយានដ្ឋានថ្មីដែលស្វាគមន៍ភ្ញៀវអន្តរជាតិជាង ៣.៤២លាននាក់នៅក្នុងឆមាសទី១ ឆ្នាំ២០២៥ ហើយទីនេះមានចម្ងាយត្រឹមតែ២០នាទីពីទីប្រជុំជន។ ទីប្រជុំជនខេត្តសៀមរាប តំបន់ពាណិជ្ជកម្មសំខាន់ៗ និងទីកន្លែងវប្បធម៌ក៏ស្ថិតក្នុងរយៈពេលខ្លីពី១០ ទៅ ២០នាទី ផងដែរ។

គួរកត់សម្គាល់ថា DreamVille ដែលស្ថិតនៅក្នុងតំបន់ទេសចរណ៍សៀមរាបថ្មី ទំហំ ៧.០០០ ហិកតា បានត្រៀមខ្លួនក្លាយជាទីក្រុងឆ្លាតវៃសម្រាប់ទេសចរណ៍ ពាណិជ្ជកម្ម និងការរស់នៅដោយយូរអង្វែង។ ក្នុងឆ្នាំ២០២៤ កម្ពុជាបានទទួលភ្ញៀវអន្តរជាតិ ចំនួន ៦.៧លាននាក់។ ក្រសួងទេសចរណ៍បានរំពឹងនិងទាក់ទាញភ្ញៀវអន្តរជាតិ ចំនួន ៧.៥លាននាក់នៅឆ្នាំ២០២៥ ដែលបង្កើតបានប្រមាណ ៥ពាន់លានដុល្លារអាមេរិក ដែលស្មើនឹង ១០.៥% នៃផលិតផលក្នុងស្រុកសរុបរបស់កម្ពុជា។ ជាមួយនិងគោលគំនិត Homecation ការរួមបញ្ចូលគ្នាការរស់នៅបែបរមណីដ្ឋានជាមួយនិងលំនៅដ្ឋានរយៈពេលវែង និងលំនៅឋានជាច្រើនដែលត្រៀមរួចជាស្រេចសម្រាប់ការជួល DreamVille កំពុងក្លាយជាគោលដៅសំខាន់សម្រាប់អ្នកវិនីយោគឯកជន ដោយមានតម្លៃសម្រាប់ការរស់នៅខ្ពស់ ហើយថែមទាំងកើតចំណេញ និងមានតម្លៃក្នុងរយៈពេលវែង។

នៅក្នុងសុន្ទរកថារបស់ខ្លួន លោក គឹម យូ ឆិល ប្រធាននាយកប្រតិបត្តិក្រុមហ៊ុន N.H.O បានសង្កត់ធ្ងន់ថា «DreamVille មិនត្រឹមតែជាលំនៅដ្ឋានតែប៉ុណ្ណោះទេ គឺវាថែមទាំងជាតំណាងឱ្យរបៀបរស់នៅបែបថ្មីសម្រាប់ប្រជាជនខេត្តសៀមរាប។ យើងខ្ញុំជឿជាក់ថា វានិងក្លាយជាចំណុចចាប់ផ្ដើមសម្រាប់ក្ដីសុបិនដ៏អស្ចារយសម្រាប់អ្នកស្រុក អ្នកវិនិយោគ និងមនុស្សជំនាន់ក្រោយ»។

ដោយបង្ហាញពីការប្ដេជ្ញាចិត្តរយៈពេលវែងក្នុងការអភិវឌ្ឍន៍របស់ប្រទេសកម្ពុជា N.H.O និង Atomy Global Group ក៏បានប្រកាសផ្ដល់ជំនួយចំនួន ៣ម៉ឺនដុល្លារអាមេរិក ដែលជាផលិតផលប្រើប្រាស់ប្រចាំថ្ងៃរបស់ Atomy ដើម្បីផ្ដល់ជូនគ្រួសារក្រីក្រ ក៏ដូចជាគ្រួសារដែលរងគ្រោះដោយសារជម្លោះព្រំដែនថ្មីៗនេះ ផងដែរ។ អំណោយនេះ មានគោលបំណងជួយដល់គ្រួសារងាយរងគ្រោះក្នុងខេត្តសៀមរាប និងសហគមន៍ជុំវិញបង្កើនលទ្ធភាពទទួលបានសម្ភារៈចាំបាច់ប្រចាំថ្ងៃ កែលម្អគុណភាពនៃការរស់នៅ និងបង្ហាញពីទស្សនៈរួមរបស់ដៃគូរនៃ «ការរីកចម្រើនរួមគ្នាជាមួយសហគមន៍មូលដ្ឋាន» នេះជាសក្ខីភាពមួយចំពោះតម្លៃនៃទំនួលខុសត្រូវចំពោះសង្គមរបស់ Atomy តែងតែកំណត់យកកត្តាមនុស្សជាសំខាន់នៃរាល់គម្រោងអភិវឌ្ឍន៍ទីក្រុង ដោយចាប់ផ្ដើមដោយក្ដីមេត្តា សកម្មភាពជាក់ស្ដែង និងការរួមបញ្ចូលគ្នា ៕

សំរាប់ព័ត៌មានបន្ថែម៖ សូមធ្វើការទំនាក់ទំនងប្រឹក្សាយោបល់តាមរយៈលេខទូរស័ព្ទ៖ ០៧៧ ៩២១ ១៤១ និងគេហទំព័រផ្លូវការ www.dreamville.net