(បរទេស)៖ នៅក្នុងតំបន់ជីកយករ៉ែមុងហ្គោលី ក្នុងប្រទេសចិន គេបានរកឃើញកំណប់រ៉ែថូរៀម (thorium) មានចំនួនលើសពី១លានតោន។ សារធាតុលោហៈសកម្ម ប្រភេទនេះ អាចធ្វើបដិវត្តន៍ផលិតកម្មថាមពលនៅទូទាំងពិភពលោក ហើយបញ្ចប់ការពឹងផ្អែករបស់ពិភពលោកលើឥន្ធនៈហ្វូស៊ីល។ វាអាចជួយបំលែងទៅជាប្រភពនៃការផលិតថាមពលស្អាត ដែលអាចប្រើប្រាស់បានដោយមានសុវត្ថិភាព។ នៅពេលប្រើប្រាស់ក្នុងរ៉េអាក់ទ័រអំបិលរាវ (molten salt reactor) ថ្មថូរៀមមានសុវត្ថិភាពខ្ពស់ជាង, មានស្ថេរភាពខ្ពស់ជាង, និងបង្កើតសំណល់នុយក្លេអ៊ែរថយចុះយ៉ាងខ្លាំងប្រៀបធៀបទៅនឹងអ៊ុយរ៉ាញ៉ូម ។ ដូច្នេះវាបានក្លាយជាធាតុឥន្ធនៈដែលមានសក្តានុពលខ្លាំងសម្រាប់អនាគត។

ទោះយ៉ាណា ចិនមិនបានបញ្ឈប់ត្រឹមការរកឃើញប៉ុណ្ណោះទេ។ បច្ចុប្បន្នរ៉េអាក់ទ័រអំបិលរាវកំពុងសាងសង់ ហើយមានគម្រោងបញ្ចប់នៅឆ្នាំ២០២៩ ដើម្បីបង្ហាញពីសមត្ថភាពនៃរ៉ែថូរៀមក្នុងលក្ខខណ្ឌជាក់ស្តែង។ ប្រសិនបើគម្រោងនេះជោគជ័យ វាអាចបំភ័យឥទ្ធិពលរបស់អ៊ុយរ៉ាញ៉ូម ក្នុងវិស័យថាមពលនុយក្លេអ៊ែរ និងកាត់បន្ថយការពឹងផ្អែកលើថាមពលរ៉ែយ៉ាងខ្លាំង ដោយគ្មានហានិភ័យខ្ពស់ដូចរ៉េអាក់ទ័របែបបុរាណទៀតផង។

ខណៈពេលដែលពិភពលោកនៅតែធ្វើការពិភាក្សាអំពីផ្លូវទៅកាន់ថាមពលស្អាត ចិនអាចត្រូវបានគេនិយាយថាបានរកឃើញដំណោះស្រាយរបស់ខ្លួនរួចហើយ ដែលមានសុវត្ថិភាពក្នុងការប្រើប្រាស់, ជាថាមពលស្អាត ហើយស្ទើរតែគ្មានដែនកំណត់។ Thorium ជាសារធាតុដែលអាចប្រើក្នុងរ៉េអាក់ទ័រនុយក្លេអ៊ែរ ជំនួសអ៊ុយរ៉ាញ៉ូម ដោយមិនបង្កើតកាកសំណល់វិទ្យុសកម្មច្រើន៕