(បរទេស)៖ កីឡាករស្នូកឃ័រ Neil Robertson បានយកឈ្នះជើងចាស់ Ronnie O’Sullivan ដោយលទ្ធផល ១០-៩ នៅវគ្គផ្តាច់ព្រ័ត្រ ដើម្បីលើកពាន Snooker Masters 2025 របស់ប្រទេសអារ៉ាប៊ីសាអូឌីត។ នេះបើយោងតាមការចេញផ្សាយដោយ BBC។

នេះក៏ជាលើកទី៣៩ ផងដែររបស់ Robertson ដែលបានលេងវគ្គផ្តាច់ព្រ័ត្រនៃកម្មវិធីប្រកួតយកចំណាត់ថ្នាក់នេះទៀតផង។

ជាមួយគ្នានោះ រូបគេនឹងឡើងទៅឈរនៅចំណាត់ថ្នាក់លេខ៣ ពិភពលោកវិញដែរ ជាមួយនឹងការពាំនាំទឹកប្រមាណ ៥០ម៉ឺនផោនត្រឡប់ទៅអូស្រ្តាលីវិញដែរ ក្រោយឈានមកដល់ចំណុចកំពូលនៃកម្មវិធីមានជារៀងរាល់ឆ្នាំនេះ នៅទឹកដីមជ្ឈឹមបូព៌ាមួយនេះ។

នៅចាំបានថា អតីតជើងឯកស្នូកឃ័រពិភពលោក ឆ្នាំ២០១០ បានចាប់ផ្តើមនារដូវកាលមុន តាមរយៈនៅក្រៅតំបន់ចំណាត់ថ្នាក់លេខ១៦ នៅមុនពេលជោគជ័យនៃពាន English Open និង World Grand Prix រួចមក។

នៅក្នុងជំនួបដ៏ស្វិតស្វាញទល់នឹងអតីតជើងឯកពិភពលោក ៧សម័យ O’Sullivan នោះដែរ Robertson ធ្វើបានល្អ តាមរយៈបើកការនាំមុខ ៦-២ មុនពេលគូប្រជែងដ៏ធំនេះវាយបកតាមស្មើដោយលទ្ធផលបណ្តោះអាសន្ន ៧-៧ និងបន្តនាំមុខជាថ្មីនៃ frame បន្ទាប់ និងឈ្នះសិតកាត់សេចក្តីតែម្តង បន្ទាប់ពី O’Sullivan ធ្វើបានជ័យជម្នះនៅសិតទី១៦ និង ១៧៕