(ឡុងដ៍)៖ ខ្សែប្រយុទ្ធស្លាប Mohamed Salah របស់ក្លិបហង្សក្រហម Liverpool បានឈ្នះពានឯកត្តជន ក្នុងនាមកីឡាករលេងល្អដាច់គេប្រចាំរដូវកាល ២០២៤-២៥ នៃលីគកំពូលអង់គ្លេស Premier League គ្រាដែលខ្សែបម្រើ Morgan Rogers របស់ Aston Villa ដណ្តើមបានពានកីឡាករវ័យក្មេងលេងល្អ។

ពីគេហទំព័រកីឡា BBC បានចេញផ្សាយ នេះក៏ជាលើកទី៣ ផងដែរសម្រាប់ខ្សែប្រយុទ្ធវ័យ ៣៣ឆ្នាំសញ្ជាតិអេហ្ស៊ីប Salah ដែលត្រូវបានបោះឆ្នោតជាប់ជាកីឡាករឆ្នើមប្រចាំរដូវកាលលីគអង់គ្លេស ដែលបានរួមចំណែកជួយ Liverpool ឈ្នះជើងឯក Premier League រដូវកាលមុនទៀតផង។

Salah ដែលជា Top scorer រដូវកាលមុនផងនោះ ក៏បានក្លាយជាកីឡាករដំបូងគេ ដែលគ្រងជើងឯកពានបាន ៣លើកច្រើនជាងគេ បន្ថែមលើពាន Football Writers’ Association (FWA) មួយទៀតផងដែរ។

ខាងក្រោមនេះ ជាបញ្ជីឈ្មោះកីឡាករទាំង ១១នាក់ត្រូវបានជ្រើសរើសចាត់ទុកជាក្រុមល្អដាច់គេនៅ PL
១-ចាំទី៖ Matz Sels (Nottingham Forest)
២-ខ្សែការពារ៖ William Saliba និង Gabriel (Arsenal), Virgil van Dijk និង Milos Kerkez (Liverpool)។
៣-ខ្សែបម្រើ៖ Alexis Mac Allister និង Ryan Gravenberch (Liverpool) និង Declan Rice (Arsenal)។
៤-ខ្សែប្រយុទ្ធ៖ Mohamed Salah (Liverpool), Alexander Isak (Newcastle) និង Chris Wood (Nottingham Forest)៕