(បរទេស)៖ យោងតាមរបាយការណ៍ពីប្រភពសារព័ត៌មានជាច្រើន បានឲ្យដឹងថា ក្រុមហ៊ុន Foxconn បានចាប់ផ្តើមផលិត iPhone 17 ក្នុងទ្រង់ទ្រាយតូចមួយ នៅរោងចក្រថ្មីរបស់ខ្លួនក្នុងទីក្រុងបេងគ្លូរូ ប្រទេសឥណ្ឌា។ ការផលិតនេះធ្វើឡើងបន្ថែមពីលើការផលិត iPhone 17 ដែលកំពុងដំណើរការនៅរោងចក្រក្រុង Chennai របស់ក្រុមហ៊ុននេះរួចមកហើយ។

ការអភិវឌ្ឍនេះស្របតាមយុទ្ធសាស្ត្ររបស់ក្រុមហ៊ុន Apple ដើម្បីពង្រីកមូលដ្ឋានផលិតកម្មរបស់ខ្លួន និងបង្កើនការផលិតនៅក្នុងប្រទេសឥណ្ឌា។ រោងចក្រថ្មីនៅបេងគ្លូរូ គឺជាអង្គភាពផលិតកម្មធំទីពីររបស់ Foxconn នៅខាងក្រៅប្រទេសចិន។

គេរំពឹងថា ទូរស័ព្ទ iPhone 17 នឹងត្រូវបានដាក់បង្ហាញជាផ្លូវការនៅក្នុងព្រឹត្តិការណ៍មួយនាខែកញ្ញា ឆ្នាំ ២០២៥ ខាងមុខនេះ៕