(បរទេស)៖ ចាប់ពីថ្ងៃទី០១ ខែកញ្ញា ឆ្នាំ២០២៥ បច្ចេកវិទ្យាបញ្ញាសិប្បនិម្មិត (AI) នឹងក្លាយជាវិញ្ញាសាផ្លូវការនៅក្នុងថ្នាក់រៀននៅប្រទេសចិនសម្រាប់សិស្សគ្រប់រូប ចាប់ពីអាយុត្រឹមតែ៦ឆ្នាំឡើងទៅ។

កុមារនឹងចាប់ផ្តើមដោយសកម្មភាពស្វែងយល់អំពី AI ប្រកបដោយភាពសប្បាយរីករាយ និងអាចបង្កើតអ្វីៗបានដោយខ្លួនឯង ខណៈដែលសិស្សអាយុច្រើនៗនឹងសិក្សាអំពីរូបធាតុមនុស្សយន្ត ឬឧបករណ៍ (robotics), ការរៀនពីម៉ាស៊ីន (machine learning) និងគម្រោង AI ជាក់ស្តែងផ្សេងៗទៀត។ គ្រូបង្រៀនកំពុងត្រូវបានបណ្តុះបណ្តាលបច្ចេកទេសសិក្សា ធ្វើយ៉ាងណាត្រូវតែមានភាពទាន់សម័យ ពោលគឺតាមឲ្យទាន់នឹងការវិវត្តន៍នៃបច្ចេកវិទ្យាជំនាន់ថ្មី ហើយថ្នាក់វិទ្យាសាស្ត្រនិងបច្ចេកវិទ្យា (STEM) ក៏ត្រូវបានពង្រឹង ដើម្បីឆ្ពោះទៅរកអនាគត។

គួរជម្រាបថា ប្រទេសចិនមិនត្រឹមតែបង្រៀនគណិតវិទ្យា និងវិទ្យាសាស្ត្រប៉ុណ្ណោះទេ ទេពកោសល្យផ្នែក AI ក៏ត្រូវបានធ្វើឲ្យក្លាយជាជំនាញចាំបាច់ចាប់តាំងពីថ្ងៃដំបូងផងដែរ៕