(ភ្នំពេញ)៖ ក្រុមហ៊ុនអ័រគីដេ ឌីវែឡុបម៉ិន និងធនាគារចិន នៅថ្ងៃពុធទី២០ ខែសីហា ឆ្នាំ២០២៥ បានចុះហត្ថលេខាលើអនុស្សរណៈយោគយល់គ្នា ស្តីពីកិច្ចព្រមព្រៀងសហប្រតិបត្តិការហិរញ្ញប្បទានគេហដ្ឋាន ដែលធនាគារចិន នឹងផ្ដល់កម្ចីកាន់តែប្រសើរជាងមុន ជូនទៅកាន់អតិថិជនបុរី អ័រគីដេ ក្នុងអត្រាការប្រាក់ពិសេស និងរយៈពេលកម្ចីរហូតដល់ ២០ឆ្នាំ ជាមួយនឹងទំហំកម្ចីច្រើនចាប់ពី ៣០,០០០ដុល្លារឡើងទៅ។

ក្នុងពិធីចុះហត្ថលេខាលើអនុស្សរណៈយោគយល់គ្នា លោក ឈន សុផល នាយកចាត់ការទូទៅផ្នែកហិរញ្ញវត្ថុ តំណាងឱ្យបុរី អ័រគីដេ បានថ្លែងឱ្យដឹងថា ពិធីចុះហត្ថលេខាក្នុងថ្ងៃនេះ គឺជាការឆ្លុះបញ្ចាំងអំពីទំនាក់ទំនងដ៏ស្និទ្ធស្នាលរវាង បុរី អ័រគីដេ និងធនាគារចិន ដើម្បីផ្តល់ភាពងាយស្រួលជូនទៅកាន់អតិថិជនរបស់បុរី អ័រគីដេ ឱ្យទទួលបានផ្ទះក្នុងក្តីស្រមៃឱ្យបានកាន់តែឆាប់រហ័ស ដោយទទួលបានទំហំកម្ចីផ្ទះកាន់តែធំ និងរយៈពេលកម្ចីរហូតទៅដល់ ២០ឆ្នាំ ជាមួយអាត្រាការពិសេសនៅក្នុងទីផ្សារត្រឹមតែ ៦.២០% ថេរក្នុងមួយឆ្នាំ សម្រាប់គម្រោង អ័រគីដេ ទាំងអស់ដែលមានដូចជា៖
* គម្រោង អ័រគីដេ ដឹប៊ូតានិចស៊ីធី
* គម្រោង អ័រគីដេ ដឹពោធិ៍ចិនតុង
* គម្រោង ខុនដូ អ័រគីដេ។

លោក Yeung Kin Man នាយកប្រតិបត្តិរង នៃធនាគារចិន (សាខាភ្នំពេញ) បានមានប្រសាសន៍ថា «ធនាគារចិន មានសេចក្តីសោមន្សរីករាយជាខ្លាំង ក្នុងការចាប់ដៃគូយុទ្ធសាស្រ្តជាមួយ បុរី អ័រគីដេ ក្នុងការផ្តល់ជូននូវដំណោះស្រាយហិរញ្ញប្បទានលើលំនៅដ្ឋាន ដែលជួយឱ្យអតិថិជនអាចទទួលបាននូវគេហដ្ឋាន ក្នុងក្តីស្រមៃរបស់ពួកគេជាមួយលក្ខខណ្ឌឥណទានដ៏ប្រសើរ ស្របតាមតម្រូវការរបស់អតិថិជន។ ជាពិសេសសម្រាប់អតិថិជនរបស់បុរី អ័រគីដេ»។

បន្ថែមពីលើនេះ ដើម្បីអបអរសាទរពិធីចុះហត្ថលេខាលើអនុស្សរណៈយោគយល់គ្នានេះ បុរី អ័រគីដេ នឹងធ្វើការផ្តល់ជូនប្រូម៉ូសិនដ៏ពិសេសជូនដល់អតិថិជន រួមមាន៖
១. ការបញ្ចុះតម្លៃច្រើនជាងមុន
២. បង់ត្រឹមតែ ៨៨៨ដុល្លារក្នុង១ខែ និងឥតការប្រាក់រយៈពេល ៣៦ខែ
៣. ទិញភ្លាមចូលនៅភ្លាម!។

បុរី អ័រគីដេ ជាក្រុមហ៊ុនអភិវឌ្ឍលំនៅដ្ឋាន ដែលពោរពេញដោយបទពិសោធន៍ ទំនួលខុសត្រូវខ្ពស់ និងឈានមុខគេមួយក្នុងប្រទេសកម្ពុជា ក្នុងការសាងសង់គេហដ្ឋានដែលរចនាបថប្រណីត និងស៊ីវិល័យ។

គ្រប់គម្រោងរបស់ បុរី អ័រគីដេ ត្រូវបានសាងសង់ដោយការយកចិត្តទុក្ខដាក់ខ្ពស់ពីថ្នាក់ដឹកនាំ និងពីក្រុមវិស្វករជំនាញរបស់បុរីដោយធានានូវគុណភាពសំណង់ខ្ពស់ ប្រណីតភាព សោភណភាពនៃរចនាបថស្ថាបត្យកម្ម ក៏ដូចជាផាសុកភាព និងសុវត្ថិភាពនៃការស់នៅប្រចាំថ្ងៃរបស់អតិថិជន ដោយគម្រោងនីមួយៗហ៊ុមព័ទ្ធទៅដោយធម្មជាតិបៃតងស្រស់ មានសួនច្បារពហុមុខងារធំៗ ក្លិបហាត់ប្រាណ បឹងសិប្បនិមិ្មត ជាពិសេសនៅក្នុងបរិវេណគម្រោងទាំងមូល ត្រូវបានយាមការដោយក្រុមសន្តិសុខបុរី ២៤ម៉ោងលើ ២៤ម៉ោង។

ការចុះហត្ថលេខាលើអនុស្សរណៈយោគយល់គ្នាជាមួយ ធនាគារចិន បានសបញ្ជាក់យ៉ាងច្បាស់ពីឆន្ទៈដ៏មោះមុតរបស់ថ្នាក់ដឹកនាំនៃ បុរី អ័រគីដេ ក្នុងការយកចិត្តទុកដាក់ និងគិតគូរទៅដល់អតិថិជនរបស់ខ្លួន ដោយជ្រើសរើសយកធនាគារចិន ដែលមានសេវាកម្មអតិថិជនរហ័ស និងកម្ចីហិរញ្ញប្បទានទំហំធំ និងរយៈពេលកម្ចីយូរ មកធ្វើជាដៃគូរសហការ ដើម្បីបំពេញតម្រូវការជូនដល់អតិថិជន៕