(បរទេស)៖ កីឡាករប្រដាល់ Julio Cesar Chavez Jr ត្រូវបានជាប់គុកនៅប្រទេសមិចស៊ិកនាពេលថ្មីៗនេះ បន្ទាប់ពីត្រូវបានឃាត់ខ្លួននៅសហរដ្ឋអាមេរិកកាលពីអំឡុងខែកក្កដា ឆ្នាំ២០២៥។ នេះបើយោងតាមការចេញផ្សាយដោយ BBC។

កីឡាករប្រដាល់សកលទម្ងន់មធ្យម សញ្ជាតិមិចស៊ិករូបនេះ ត្រូវបានឃាត់ខ្លួនដោយក្រុមប៉ូលីសអន្តោប្រវេសន៍អាមេរិក ស្ថិតក្នុងទីក្រុង Studio នៃរដ្ឋ Los Angeles ដែលមានលរយៈពេលត្រឹមតែ ៥ថ្ងៃប៉ុណ្ណោះ បន្ទាប់ពីប្រកួតចាញ់ Jake Paul នៅជិតតំបន់ Anaheim។

កីឡាករវ័យ ៣៩ឆ្នាំ Chavez ត្រូវបានរដ្ឋអាជ្ញាមិចស៊ិកចោទប្រកាន់ថា បានធ្វើសកម្មភាពជួញដូរ និងជាមេខ្លោងដ៏មានឥទ្ធិពលមួយរូបផងដែរនៃក្រុម Sinaloa នៅពេលរដ្ឋបាល Washington បានចាត់ទុកថា ជាអង្គការភេរវករកាលពីដើមឆ្នាំ២០២៥។

បច្ចុប្បន្ននេះ Chavez ត្រូវបានឃុំខ្លួនក្នុងគុកដែលស្ថិតនៅភាគខាងជើងនៃរដ្ឋ Sonora ប្រទេសមិចស៊ិកកាលពីថ្ងៃអង្គារ រង់ចាំដល់ការកាត់ទោសជាថ្មី។

Chavez Jr ដែលធ្លាប់ឈ្នះខ្សែក្រវាត់ WBC middleweight ពីឆ្នាំ២០១១-២០១២ គឺជាកូនប្រុសបង្កើតរបស់អតីតជើងឯកខ្សែក្រវាត់ពិភពលោក ៣សម័យកាល Julio Cesar Chavez។

មេធាវី រួមទាំងគ្រួសាររបស់ Chavez បានច្រានចោល ចំពោះការចោទប្រកាន់ ដោយសំអាងថា រូបគេពុំមានការជាប់ពាក់ព័ន្ធនឹងក្រុមជួញដូរនោះឡើយ៕