(ភ្នំពេញ)៖ ស្របតាមនិន្នាការលើកកម្ពស់ពាក្យស្លោក «ខ្មែរ គាំទ្រផលិតផលខ្មែរ» ក្រុមហ៊ុន ខ្មែរ ប៊ែវើរីជីស បានបញ្ចេញរូបរាងផលិតផលថ្មីគឺ CAMBODIA COLA ដែលទទួលបានការចាប់អារម្មណ៍ខ្លាំងនាពេលថ្មីៗនេះ រួមជាមួយភេសជ្ជៈ ៤ ប្រភេទផ្សេងទៀតគឺ ភេសជ្ជៈប៉ូវកម្លាំង កម្ពុជា, CAMBODIA BLACK BEER, ភេសជ្ជៈ EXPREZ រសជាតិត្រសក់ផ្អែម, និងទឹកក្រូច អាយស៍ រសជាតិក្រូច ដែលស័ក្តិសមសម្រាប់ឱកាសបុណ្យកាន់បិណ្ឌ និងភ្ជុំបិណ្ឌនាពេលខាងមុខ ក៏ដូចជាគ្រប់កម្មវិធីជួបជុំផ្សេងៗ។

ក្រុមហ៊ុន ខ្មែរ ប៊ែវើរីជីស តែងចូលរួមជំរុញការគាំទ្រផលិតផលក្នុងស្រុកតាមរយៈការផលិតនូវភេសជ្ជៈស្ទើរគ្រប់ប្រភេទ ស្របតាមស្តង់ដាអន្តរជាតិ ដើម្បីបង្កើតផលិតផលខ្មែរឱ្យកាន់តែសម្បូរបែប ព្រមទាំងបំពេញបានគ្រប់តម្រូវការរបស់អតិថិជន។ ជាក់ស្តែង ផលិតផលជាច្រើនទៀតរបស់ក្រុមហ៊ុន ខ្មែរ ប៊ែវើរីជីស បានឈរជើងយ៉ាងរឹងមាំក្នុងទីផ្សារកម្ពុជា និងមានការគាំទ្រខ្លាំងពីអតិថិជនក្នុងស្រុក ដែលមានដូចជា៖ CAMBODIA BEER, ភេសជ្ជៈប៉ូវកម្លាំង វើក, ភេសជ្ជៈប៉ូវកម្លាំង ដាហ្ស, ភេសជ្ជៈប៉ូវកម្លាំង ICY COOL រសជាតិម៉ុងតុល, ភេសជ្ជៈ EXPREZ រសជាតិស្ត្រប៊ែរី, ទឹកក្រូចអាយស៍, ទឹកពិសាកម្ពុជា និងភេសជ្ជៈថ្មីបន្ថែមទៀតគឺ CAMBODIA COLA, ទឹកក្រូច អាយស៍ រសជាតិក្រូច, ភេសជ្ជៈ EXPREZ រសជាតិត្រសក់ផ្អែម, ភេសជ្ជៈប៉ូវកម្លាំង កម្ពុជា, និងCAMBODIA BLACK BEER។

ការគាំទ្រផលិតផលខ្មែរ ជាពិសេសភេសជ្ជៈត្រៀមនឹងចេញថ្មីទាំង ៥ប្រភេទរបស់ ខ្មែរ ប៊ែវើរីជីស ដែលផលិតចេញពីរោងចក្រស្តង់ដាលំដាប់ពិភពលោកនៅក្នុងស្រុកផ្ទាល់ គឺស្មើនឹងការចូលរួមចំណែកផ្តល់ឱកាសការងារដល់ប្រជាជនខ្មែរ និងជួយលើកកម្ពស់ផលិតផលក្នុងស្រុក ដែលបង្ហាញច្បាស់ពីស្មារតីរួបរួមគ្នា ខ្មែរស្រឡាញ់ខ្មែរ៕

*គាំទ្រ ខ្មែរ ប៊ែវើរីជីស លើកស្ទួយផលិតផលក្នុងស្រុក!