(ភ្នំពេញ)៖ បុរីចន្ទគីរី ត្រូវបានគេស្គាល់ជាបុរីដែលបង្កើតឡើងដោយក្រុមហ៊ុនអចលទ្រព្យខ្មែរក្នុងស្រុក មានស្ថាបនិក និងស្ថាបត្យករជាជនជាតិខ្មែរ និងជាទីតាំងគ្រាប់ពេជ្រដ៏មានសក្តានុពលបំផុតមួយដែលនៅជិតអាកាសយានដ្ឋានអន្តរជាតិតេជោ។ ក្រៅពីការរចនាប្លង់ និងគេហដ្ឋានទាំងមូល គម្រោងបុរីចន្ទគីរី មានការយកចិត្តទុកដាក់ខ្ពស់ទៅលើការអភិវឌ្ឍន៍ ហេដ្ឋារចនាសម័ន្ធ ដោយបានវិនិយោគទុនប្រមាណជាង ១.២លានដុល្លារ ក្នុងគម្រោងកែលម្អព្រែកធម្មជាតិ តាមដងស្ទឹងព្រែកត្នោត រួមមាន ការសាងសង់ផ្លូវបេតុងសងខាងព្រែក ផ្លូវដើរថ្មើជើង សួនធម្មជាតិ និងទីធ្លាសាធារណៈ។

ការរស់នៅប្រកបដោយផាសុកភាព បែបស្ងប់ស្ងាត់ និងស៊ីវិល័យ ដែលផ្សារភ្ជាប់ទៅនឹងរុក្ខជាតិបៃតង ព្រមជាមួយខ្យល់អាកាសបរិសុទ្ធ គ្រប់លំនៅដ្ឋានក្នុងបុរីនេះ ត្រូវបានរចនាឡើងយ៉ាងល្អិតល្អន់ និងផ្ចិតផ្ចង់ ទាំងគុណភាព ទាំងសំណង់ ដេគ័រ និងបរិក្ខារ ជាពិសេសដើម្បីផ្តល់ឱ្យសហគមន៍រស់នៅក្នុងតំបន់ទាំងមូល ទទួលបាននូវការលំហែកាយបន្ធូអារម្មណ៍ជាមួយព្រែកធម្មជាតិ។ ការចាប់ផ្តើមងាកមកមើលការអភិវឌ្ឍន៍ដោយផ្អែកលើ បទពិសោធន៍អ្នកប្រើប្រាស់ និងបន្ថែមភាពងាយស្រួលក្នុងការរស់នៅ គឺជាគោលដៅដ៏សំខាន់មួយរបស់បុរីចន្ទគីរី!

បុរីចន្ទគីរីស្ថិតនៅលើផ្លូវជាតិលេខ២ ភាគខាងត្បូងនៃរាជធានីភ្នំពេញ ជាទីតាំងគ្រាប់ពេជ្រដ៏មានសក្តានុពលបំផុតមួយក្នុងតំបន់ ដែលមានសន្ទុះរីកចម្រើនលូតលាស់យ៉ាងខ្លាំងក្លាជាមួយការសាងសង់ស្ពានអាកាសថ្មីៗ ផ្លូវជាតិសំខាន់ៗ ពិសេសចំណាយពេលត្រឹមតែ១៥នាទីពីអាកាសយានដ្ឋានអន្តរជាតិតេជោ ១០នាទីពីផ្សារទំនើបអ៊ីអនម៉លមានជ័យ សាលារៀនអន្តរជាតិ ISPP ផ្សារទំនើប ខេ ម៉ល ព្រែកត្នោត និងទីតាំងពាណិជ្ជកម្មចម្រុះជាច្រើនទៀត ដែលផ្តល់ភាពងាយស្រួលបំផុត ដល់តម្រូវការនៃការរស់នៅប្រចាំថ្ងៃ និងការវិនិយោគសម្រាប់អនាគតជូនដល់អតិថិជន។

គួរបញ្ជាក់ផងដែរថា គម្រោងនេះបង្ហាញពីការផ្លាស់ប្តូរគំនិតអភិវឌ្ឍន៍បែបថ្មី ដែលផ្អែកលើបទពិសោធន៍អ្នកប្រើប្រាស់ និងតម្រូវការពិតប្រាកដនៃសហគមន៍ ជាគម្រោងរបស់ក្រុមហ៊ុនអចលទ្រព្យ Urbanland ដែលជាសមាជិកនៃ ISI GROUP សម្ព័ន្ធក្រុមហ៊ុនខ្មែរ ដែលមានបទពិសោធន៍ជាង ២៨ឆ្នាំ មានជំនាញយ៉ាងច្បាស់លាស់ក្នុងវិស័យសម្ភារៈសំណង់ និងការសាងសង់អចលនទ្រព្យ។ ការប្តេជ្ញារបស់ក្រុមហ៊ុនគឺផ្តោតលើគុណភាព ប្រណិតភាព និងនិរន្តភាព ហើយមិនត្រឹមតែជាសំណង់ទំនើប ប៉ុន្តែក៏ជាសហគមន៍រស់នៅដែលមាន សួនធម្មជាតិ ស្ថាបត្យកម្មប្រណិត និងទីធ្លាសាធារណៈដែលមានផាសុកភាព ដើម្បីលើកកម្ពស់ការរស់នៅដ៏សម្បូរបែបជូនដល់អតិថិជន។

ការចូលរួមជាមួយ បុរីចន្ទគីរី គឺជាការចាប់ផ្តើមនៃជីវិតថ្មី ក្នុងសហគមន៍ខ្មែរ ដែលកំពុងលូតលាស់ទៅមុខជាអនាគតប្រកបដោយសុវត្ថិភាព និងភាពជោគជ័យ!

សំរាប់ព័ត៌មានបន្ថែម៖ សូមធ្វើការទំនាក់ទំនងប្រឹក្សាយោបល់តាមរយៈលេខទូរស័ព្ទនិងតេឡេក្រាម ០៦១ ៨៨៨ ៥៨០ និង ០១៥ ៥៨៨ ៥៨០៕⁩