(ភ្នំពេញ)៖ ក្រុមប្រឹក្សាទេសចរណ៍ថែទាំសុខភាពម៉ាឡេស៊ី (MHTC) បានបង្ហាញដោយមោទនភាពនូវកម្មវិធី «សប្តាហ៍ថែទាំសុខភាពម៉ាឡេស៊ី ឆ្នាំ២០២៥» ដើម្បីពង្រឹងទំនាក់ទំនងផ្នែកថែទាំសុខភាពរវាងប្រជាជាតិទាំងពីរ និងធ្វើអោយប្រទេសម៉ាឡេស៊ីជាប្រទេសគោលដៅទេសចរណ៍វេជ្ជសាស្រ្តនៅលើពិភពលោក។

ព្រឹត្តិការណ៍នេះប្រព្រឹត្តទៅចាប់ពីថ្ងៃទី១៩-២២ ខែសីហា ឆ្នាំ២០២៥ ដោយមានវគ្គជាបន្តបន្ទាប់រួមមាន៖ វគ្គចែករំលែកផ្នែកវេជ្ជសាស្រ្ដ, ការប្រជុំអាជីវកម្មនិងអាជីវកម្ម (B2B), កម្មវិធីផ្សព្វផ្សាយជាសាធារណៈ,ទំនាក់ទំនងជាមួយភាគីពាក់ព័ន្ធកម្ពុជា, អ្នកសម្របសម្រួលផ្នែកថែទាំសុខភាព, និងសហគមន៍ជនបរទេស។ កម្មវិធីនេះ បាននាំមកជាមួយអ្នកផ្តល់សេវាថែទាំសុខភាពកំពូលៗរបស់ម៉ាឡេស៊ី រួមមាន៖ វិទ្យាស្ថានជាតិបេះដូង (IJN), KPJ Healthcare Berhad, Sunway Healthcare Group និងមជ្ឈមណ្ឌលឯកទេសភ្នែក OPTIMAX។

គំនិតផ្តួចផ្តើមនេះ ឆ្លើយតបទៅនឹងតម្រូវការកើនឡើងនៃការថែទាំសុខភាពប្រកបដោយគុណភាពក្នុងចំណោមប្រជាជនកម្ពុជាដែលកំពុងស្វែងរកការព្យាបាលនៅបរទេស។ នៅឆ្នាំ២០២៤ ម៉ាឡេស៊ីបានកត់សម្គាល់ថាទទួលបានអ្នកធ្វើដំណើរផ្នែកថែទាំសុខភាពចំនួន ១.៦លាននាក់ និងបង្កើតប្រាក់ចំណូល ២.៧២ពាន់លានដុល្លារ កើនឡើង២១% ធៀបនឹងឆ្នាំមុន។ ហើយកម្ពុជា មានការធ្វើដំណើរចំនួន ៣,៦១២នាក់ ដែលមានកំណើន ១៤,៩៣% បើធៀបនឹងឆ្នាំ២០២៣។ គូសបញ្ជាក់ថា វាជាសក្តានុពលដ៏រឹងមាំ ដែលអាចធ្វើអោយទីផ្សារនេះកើនឡើងសម្រាប់ឧស្សាហកម្មទេសចរណ៍ថែទាំសុខភាពរបស់ប្រទេសម៉ាឡេស៊ី។

កម្មវិធីនេះ បានធ្វើបទបង្ហាញដោយអ្នកជំនាញរបស់ប្រទេសម៉ាឡេស៊ី ក្នុងការព្យាបាលឯកទេសដូចជា៖ ជំងឺបេះដូង, មហារីក, ឆ្អឹង, ភ្នែក, និងសុខភាពស្ត្រី ដោយបានរំលេចនូវវិធីសាស្រ្តរបស់ប្រទេសម៉ាឡេស៊ីដែលរួមបញ្ចូលគ្នានូវថ្នាំបែបទំនើប, សុខភាព, ការថែទាំបង្ការនិងថ្នាំបុរាណ&អាហារបំប៉ន (T&CM)។

ចំណុចសំខាន់ៗនៃកម្មវិធីសប្តាហ៍ថែទាំសុខភាពម៉ាឡេស៊ីឆ្នាំ២០២៥ នៅកម្ពុជារួមមាន៖
១៖ សុខភាពស្ត្រី៖ ការការពារ, ការព្យាបាល និងការស្តារឡើងវិញ, វគ្គពិភាក្សាជាមួយសហគមន៍ស្ត្រី ដោយរួមមានទាំងគូស្វាមីភរិយារបស់ឯកអគ្គរដ្ឋទូតបរទេសប្រចាំនៅកម្ពុជា ក្នុងការចែករំលែកការយល់ដឹងអំពីការថែទាំសុខភាពទាក់ទងនឹងស្ត្រី។
២៖ ដំណើរការនៃបទពិសោធន៍ការថែទាំសុខភាពម៉ាឡេស៊ី នឹងទំនាក់ទំនងជាមួយសភាធុរកិច្ចម៉ាឡេស៊ីនៅកម្ពុជា (MBCC), មន្ត្រីរដ្ឋាភិបាលកម្ពុជា, ក្រុមហ៊ុនធានារ៉ាប់រង, និងប្រព័ន្ធផ្សព្វផ្សាយដើម្បីបង្ហាញពីមន្ទីរពេទ្យដែរទទួលស្គាល់ជាអន្តរជាតិរបស់ប្រទេសម៉ាឡេស៊ី និងការធ្វើដំណើររលូនរបស់អ្នកជំងី។
៣៖ សេវាថែទាំសុខភាពម៉ាឡេស៊ី៖ គោលដៅដ៏មានភាពទុកចិត្តសម្រាប់ការថែទាំដែលមានគុណភាព, វគ្គ B2B, ជាមួយអ្នកសម្របសម្រួលផ្នែកវេជ្ជសាស្រ្ដ, ភ្នាក់ងារធ្វើដំណើរ, និងដៃគូពាក់ព័ន្ធដើម្បីជំរុញភាពជាដៃគូយូរអង្វែងនៃកិច្ចសហប្រតិបត្តិការ។

សប្តាហ៍ថែទាំសុខភាពម៉ាឡេស៊ីនៅកម្ពុជា គឺជាវេទិកាដ៏សំខាន់មួយសម្រាប់ពួកយើងក្នុងការនាំយកសេវាកម្មដ៏មានស្តង់ដារនៃប្រទេសម៉ាឡេស៊ីទៅដល់អ្នកជំងឺកម្ពុជា បានមានប្រសាសន៍ដោយ លោក Lokman Izam Abd Aziz ជាអនុប្រធានផ្នែកទីផ្សារ និងទំនាក់ទំនងរបស់ MHTC។ ភាពជិតស្និទ្ធរបស់យើង, តម្លៃសមរម្យ, ជំនាញពហុភាសា, និងស្តង់ដារអន្តរជាតិធ្វើឱ្យម៉ាឡេស៊ីក្លាយជាគំនិតនៃគោលដៅថែទាំសុខភាពសម្រាប់ទាំងប្រជាជនកម្ពុជា និងសហគមន៍ជនបរទេសដ៏ធំរបស់ប្រទេស។

នៅពេលដែលប្រទេសម៉ាឡេស៊ីឆ្ពោះទៅកាន់ឆ្នាំនៃវិស័យទេសចរណ៍វេជ្ជសាស្ត្រម៉ាឡេស៊ី (MYMT) 2026, MHTC បន្តពង្រឹងការផ្តល់សេវាថែទាំសុខភាពរបស់ខ្លួន, ដោយធានាអ្នកជំងឺអន្តរជាតិមានបទពិសោធន៍មិនត្រឹមតែទទួលមានការថែទាំវេជ្ជសាស្រ្ដ ពិសេសប៉ុណ្ណោះទេ ប៉ុន្តែក៏មានបដិសណ្ឋារកិច្ចដ៏កក់ក្ដៅ និងបទពិសោធន៍វប្បធម៌ ពិសេស របស់ប្រទេសម៉ាឡេស៊ីផងដែរ។

MHTC នៅតែប្តេជ្ញាចិត្តក្នុងការជំរុញមុខតំណែងរបស់ប្រទេសម៉ាឡេស៊ីជាមជ្ឈមណ្ឌលថែទាំសុខភាពពិភពលោកតាមរយៈយុទ្ធសាស្ត្រនៃកិច្ចសហប្រតិបត្តិការ, ការរួមបញ្ចូលភាពផ្នែកព្យាបាលជាមួយនឹងការផ្តល់ជូនទេសចរណ៍, និងការផ្តល់នូវធ្វើដំណើរនៃការថែទាំសុខភាព ដោយរលូនសម្រាប់អ្នកជំងឺមកពីជុំវិញពិភពលោក៕