(មេនឆេស្ទើ)៖ បិសាចក្រហម Manchester United បានចាយអស់ប្រាក់ប្រមាណ ២០០លានផោន ក្នុងទីផ្សារទិញ-ដូរកីឡាករនារដូវក្តៅនេះ ដែលទើបរកបាន ១គ្រាប់នៅឡើយផងដែរ សម្រាប់ ២ប្រកួតនាដើមរដូវកាល Premier League 2025-26។ នេះបើយោងតាមការចេញផ្សាយដោយ BBC។

ក្នុងប្រកួតទី២ ជើងទី១ នៅរាត្រីថ្ងៃអាទិត្យ ទី២៤ ខែសីហា ឆ្នាំ២០២៥ ពួកគេទើបរកបាន ១ពិន្ទុលើកដំបូងផងដែរ ពីការបញ្ចប់ក្នុងលទ្ធផលស្មើគ្នា ១-១ ទល់នឹងម្ចាស់ផ្ទះ Fulham នៅកីឡដ្ឋាន Craven Cottage ក្រោយថ្ងៃបើកឆាកចាញ់ Arsenal ១ទល់នឹង០ នៅកីឡដ្ឋាន Old Trafford របស់ខ្លួន។

ក្នុងប្រកួតនោះដែរ ប្រធានក្រុម Bruno Fernandes ក៏បានបរាជ័យក្នុងការទាត់បាល់ពិន័យ ១១ម៉ែត្រ ដែលធ្វើឱ្យពួកគេដែលបានបញ្ចប់ក្នុងចំណាត់ថ្នាក់លេខ១៥ ក្នុងលីគរដូវកាលមុន បន្តធ្លាក់ទៅលេខ១៦ ជាបណ្តោះអាសន្នផង ដោយត្រូវស្វាគមន៍ក្រុមទើបឡើងមកថ្មី Burnley នារាត្រីថ្ងៃសៅរ៍ចុងសប្តាហ៍នេះជាបន្ត។

អ្នកចាត់ការទូទៅសញ្ជាតិព័រទុយហ្គាល់ Ruben Amorim បានប្រើប្រាស់កីឡាករថ្មីទាំង ៣នាក់ដែលទើបទិញចូល Matheus Cunha, Bryan Mbeumo និង Sesko ដែលសរុបចូលគ្នាអស់ប្រមាណ ២០០លានផោន ដ្បិតទើបរកបាន ១គ្រាប់នៅឡើយ និងរបូតវិញ ២គ្រាប់៕