(ម៉ាឌ្រីដ)៖ ខ្សែប្រយុទ្ធ Kylian Mbappe រកបាន ២គ្រាប់ម្នាក់ឯង រួមចំណែកជួយក្រុមរងជើងឯកលីគរដូវកាលមុន Real Madrid យកឈ្នះម្ចាស់ផ្ទះ Real Oviedo ៣-០ នៃសប្តាហ៍ទី២ នៅក្របខណ្ឌ La Liga យប់មិញ។ នេះបើយោងតាមការចេញផ្សាយដោយ BBC។

កីឡាករបារាំងរូបនេះរកបាន ៣គ្រាប់ហើយនារដូវកាលថ្មី ក្រោយរកបានគ្រាប់ជ័យជម្នះតែ ១គ្រាប់នៅថ្ងៃបើកឆាក La Lia រដូវកាល ២០២៥-២៦ កាលសប្តាហ៍មុនរួចមកទល់នឹង Osasuna។

ខ្សែប្រយុទ្ធប្រេស៊ីល Vinicius Jr ដែលត្រូវបានចូលលេងក្នុងនាមកីឡាករបម្រុងនោះ ជាអ្នកបញ្ចប់ទីគ្រាប់ទី៣ នៅនាទីចុងម៉ោង នៅពេលអ្នកចាត់ការទូទៅថ្មី លោក Xabi Alonso បានដាក់កីឡាករវ័យ ១៨ឆ្នាំ Franco Mastantuono លេងក្នុងតំបន់ប្រយុទ្ធជំនួស ទល់នឹងក្រុមដែលទើបឡើងមកលេងក្នុងលីគកំពូលអេស្ប៉ាញរដូវកាលនេះ។

ក្រុមចំណូលថ្មីនេះដែរ ក៏មានឱកាសរកបានគ្រាប់តាមស្មើវិញដែរនៅនាទី៨១ នៅពេលកីឡាករ Kwasi Sibo ស៊ុតពីចម្ងាយ ប៉ុន្តែពុំបានសម្រេច នៅមុនពេល Mbappe ធ្វើបានគ្រាប់ទី២ ដែលញាំងឱ្យអធិរាជសមួយនេះមាន ៦ពិន្ទុស្មើក្រុម Villarreal និងម្ចាស់ការពារជើងឯក FC Barcelona ក្រោយឆ្លងកាត់ ២ប្រកួតដូចគ្នា៕