(វូហាន)៖ កីឡាករស្នូកឃ័រ Stephen Maguire ឈរនៅលេខរៀង២៦ ពិភពលោកបានផ្តួលម្ចាស់ជើងឯកពិភពលោក ឆ្នាំ២០២៥ Zhao Xintong ចេញពីព្រឹត្តិការណ៍ Wuhan Open 2025 នាយប់មិញ។

ពីគេហទំព័រកីឡា BBC បានចេញផ្សាយថា Maguire បានកក់កៅអីឡើងទៅវគ្គ ១៦នាក់ជាបន្តទៀត ក្រោយទទួលបានជ័យជម្នះលើជើងខ្លាំង Zhao ដោយលទ្ធផល ៥-៤ ដ៏តានតឹងរួចមក។

កីឡាករវ័យ ៤៤ឆ្នាំសញ្ជាតិស្កុតឡេនរូបនេះ ធ្វើបានពិន្ទុ ៥៨ ៧១ ៩១ និង ១១៩ មុនពេលឈ្នះ frame កាត់សេចក្តី។

ជាមួយគ្នានោះដែរ Xiao Guodong ម្ចាស់ការពារតំណែងជើងឯក Wuhan Open 2024 ក៏បានឡើងវគ្គ ១/៨ ផងដែរ ក្រោយផ្តួល David Grace ដោយលទ្ធផល ៥-៣ ដូចគ្នានឹងលទ្ធផលរបស់កីឡាករលេខ១ ពិភពលោក Judd Trump ដែលបានទម្លាក់គូប្រជែងអង់គ្លេសដូចគ្នា Jack Lisowski ដែរ៕