(អាមេរិក)៖ កីឡាការិនីវាយកូនបាល់ (Tennis) សញ្ជាតិជប៉ុន Naomi Osaka ពេលនេះបានឈានដល់ជុំទី២ ក្រោយពីបានផ្តួលកីឡាការិនីប៊ែលហ្ស៊ិក Greet Minnen លទ្ធផល ២សិន ៦-៣, ៦-៤ នៃការប្រកួតដណ្តើមពាន US Open 2025 នៅ Flushing Meadows ក្នុងវិញ្ញសាឯកត្តជននេះ ។

សម្រាប់ជុំទី២ កីឡាករ Naomi Osaka អតីតតំណែងលេខ១ ពិភពលោកចន្លោះឆ្នាំ២០១៩ នឹងធ្លាប់ជាម្ចាស់ពាននេះ ២លើកនៅឆ្នាំ២០១៨ និង២០២០ ត្រូវប៉ះកីឡាការិនីម្ចាស់ផ្ទះ Hailey Baptiste ដែលឈរនៅលេខរៀងទី៤៧ ពិភពលោក ។

US Open 2025 នេះ ម្ចាស់ការពារតំណែងជើងឯកឆ្នាំមុន និងលេខ១ ពិភពលោក Aryna Sabalenka និងម្ចាស់លេខ២ ពិភពលោក Iga Swiatek ជាមួយនឹង Jessica Pegula រងជើងឯកឆ្នាំមុនសុទ្ធតែឈានមកជុំទី២ ដូចគ្នានេះផងដែរ ៕