Apple នឹងរៀបចំព្រឹត្តិការណ៍ដ៏ធំប្រចាំឆ្នាំនៅខែកញ្ញាខាងមុខ ខណៈ iPhone ស៊េរីថ្មីទំនងចេញរូបរាង ក្រុមហ៊ុនបច្ចេកវិទ្យាយក្សអាមេរិក Apple បានប្រកាសថា ក្រុមហ៊ុននឹងរៀបចំព្រឹត្តិការណ៍ប្រចាំឆ្នាំរបស់ខ្លួននៅរដូវស្លឹកឈើជ្រុះនៅ ថ្ងៃអង្គារ ទី០៩ ខែកញ្ញា ឆ្នាំ២០២៥ នៅ Apple Park ស្ថិតក្នុងរដ្ឋកាលីហ្វញ៉ា។ ព្រឹត្តិការណ៍នេះ ត្រូវបានហៅថា «Awe Dropping» ហើយរំពឹងថានឹងបង្ហាញត្រកូល iPhone 17 រួមទាំងម៉ូដែលថ្មីៗ រួមទាំង iPhone 17 Air ដែលមានលក្ខណះកម្រិតខ្ពស់ និង Ultra‑thin។ នេះបើតាមការចេញផ្សាយដោយសារព័ត៌មាន Reuters នៅថ្ងៃទី២៧ ខែសីហា ឆ្នាំ២០២៥។

ព្រឹត្ដិការណ៍នេះ នឹងមានការផ្សាយបន្តផ្តាល់តាម Apple.com, Apple TV app, និងធ្វើនៅលើ YouTube ផងដែរ។ ផលិតផលដែលរំពឹងថានឹងត្រូវចេញបង្ហាញរួមមាន៖

* iPhone 17 Series: នឹងរួមបញ្ចូល iPhone 17 (មូលដ្ឋាន), iPhone 17 Pro, iPhone 17 Pro Max និងម៉ូដែល Ultra-slim CPU iPhone 17 Air។ មានការរំពឹងថាម៉ូដែល Air នឹងមានកម្រាស់ប្រហែល 5.5mm។
* ឧបករណ៍ផ្សេងទៀត: Apple Watch Series 11, Watch Ultra 3, Watch SE 3 និង AirPods Pro 3។
* បច្ចេកវិទ្យា AI និង Siri: ព្រឹត្តិការណ៍ក៏អាចជាប្លង់ដើម្បីប្រកាសការរួមបញ្ចូល «Apple Intelligence» ដែលពង្រឹង Siri ជាមួយ AI។

ទោះជាយ៉ាងណា សម្រាប់ផលិតផលដែលគេរំពឹងថានឹងចេញនេះ គ្រាន់តែជាពាក្យចចាមអារ៉ាមប៉ុណ្ណោះ ដូច្នេះដើម្បីដឹងកាន់តែច្បាស់មានតែរងចាំមើលការផ្សាយបន្តផ្ទាល់ផ្លូវការពីក្រុមហ៊ុន Apple៕