(បរទេស)៖ តោខៀវ Chelsea លក់ខ្សែបម្រើប្រយុទ្ធ Carney Chukwuemeka ក្នុងតម្លៃខ្លួន ២៤លានផោនទៅឱ្យ Borussia Dortmund ដាច់ ក្រោយខ្ចីជើងនាពាក់កណ្តាលរដូវកាលឆ្នាំ២០២៤-២៥ ដោយទទួលបានចំណូលប្រហាក់ប្រហែលនឹងការចំណាយលុយទិញកីឡាករនារដូវក្តៅនេះដែរ។

ពីគេហទំព័រកីឡា BBC បានចេញផ្សាយថា កីឡាករយុវជនអង់គ្លេស វ័យ ២១ឆ្នាំរូបនេះ បានចូលលេង ១៧ប្រកួតផងដែរជាមួយ Dortmund គ្រប់កម្មវិធី មុនពេលត្រូវបានក្លិបអាល្លឹម៉ង់ទិញដាច់ និងចុះកិច្ចសន្យារយៈពេល ៥ឆ្នាំទៀតផង។

រូបគេបានចូលលេងសរុបប្រមាណ ៣២ប្រកួតជាមួយ Chelsea ដែលត្រូវបានតោខៀវទិញពីក្លិបរួមលីគ Aston Villa ក្នុងតម្លៃ ២០លានផោនhttps://image.freshnewsasia.com/2021/id-154/fn-2025-08-27-13-45-34-1.jpg កាលឆ្នាំ២០២២។

ការលក់ Chukwuemeka ចេញមានន័យថា Chelsea រកចំណូលសរុបបានជាង ២៧០លានផោន ជិតស្មើនឹង ២៧៧លានផោនដែលបានចំណាយទិញកីឡាករថ្មីចូលនារដូវកាលដោះដូរ ដែលនឹងបិទទ្វារវិញនាថ្ងៃទី០១ ខែកញ្ញាដ៏ខ្លីខាងមុខ ខណៈម្ចាស់ជើងឯក FIFA Club World Cup 2025 បានកំពុងចរចានាំយកខ្សែបម្រើ Alejandro Garnacho របស់ Manchester United និងខ្សែបម្រើក្លិប RB Leipzig គឺ Xavi Simons ទៀតផង៕